Tÿ'r Cwmnïau

Egwyddorion Adennill Costau

Mae Tŷ'r Cwmnïau yn Gronfa Fasnachu a rhaid iddo weithredu ar sail adennill costau. Mae ffioedd Tŷ'r Cwmnïau yn dwyn cyswllt, fel sy'n ofynnol o dan Gyfraith Ewrop a chanllawiau Trysorlys Ei Mawrhydi, â'r gost a ragwelir ar gyfer darparu pob gwasanaeth a'r ffordd y bydd cwsmeriaid yn cyrchu'r gwasanaethau hynny.

Mae Tŷ'r Cwmnïau yn ystyried y canlynol wrth osod ffioedd:

• Fel Cronfa Fasnachu, mae gan Dŷ'r Cwmnïau ddyletswydd statudol i fodloni costau dros ysbaid o amser ac i wireddu elw (gwarged) blynyddol cyfartaleddol o 3.5%.
• Mae Rheoli Arian Cyhoeddus yn mynnu i ffioedd fodloni costau (sef, eu hadennill yn llawn) ar gyfer pob gwasanaeth ar wahân, ar ôl caniatáu ar gyfer cost gyfalaf o 3.5%. Mae hyn yn atal croes-gymhorthdal rhwng gwahanol wasanaethau statudol.
• Mae Cyfarwyddeb Gynta'r Gymuned Ewropeaidd ar y Gyfraith Gwmnïau, yn mynnu bod copïau o gofnodion cwmni ar gael i'r cyhoedd am "gost weinyddol2 eu cynhyrchu.
• Mae Cyfarwyddeb Trethi Cyfalaf y Comisiwn Ewropeaidd yn caniatáu i gostau cofrestru cwmni gael eu talu o ffioedd, ond yn gwahardd ffioedd sydd i bob pwrpas yn drethi. Mae hyn yn golygu na ellir pennu prisiau'n uwch na'r costau am y gwasanaethau perthnasol.
• Mae'r gyfraith achosion (Fantask A/S e.a. v Industriministeriet (Erhvervministeriet) a Ponente Carni SpA a Cispandana Costruzioni SpA v Amministrazione delle Finanze dello Stato) yn rhoi arweiniad pellach i'r costau y gellir ac na ellir eu cymryd i ystyriaeth wrth osod ffioedd.
• Mae Deddf Cystadleuaeth 1998 yn gwahardd camfanteisio ar safle trech yn y farchnad.

Mae'r ddolen isod yn darparu gorolwg o gostau Tŷ'r Cwmnïau
Gorolwg o gostau Ty'r Cwmniau