Tÿ'r Cwmnïau

Bwrdd a Rheolwyr Tŷ'r Cwmnïau

Mae Tŷ’r Cwmnïau yn Asiantaeth Weithredol o dan Yr Adran Busnes, Arloesi a Sgiliau (BIS).

Y Gweinidog sy’n gyfrifol am Dŷ’r Cwmnïau yw  Edward Davey MP, Gweinidog Cysylltiadau Cyflogaeth, Materion Defnyddwyr a Phost. Mae gan yr asiantaeth statws Cronfa Fasnachu hefyd, sy’n caniatáu iddi reoli’i chyllid ei hun yn uniongyrchol.

Fel Swyddog Cyfrifeg i’r corff, y Prif Weithredydd sy’n atebol i’r Gweinidogion yn y pen draw am y ffordd y caiff yr asiantaeth ei rhedeg o ddydd i ddydd.

Mae gan Dŷ’r Cwmnïau Prif Fwrdd a Bwrdd Llywio sy’n cynnwys rhai o uwch-bersonél BIS ynghyd ag aelodau annibynnol o’r sector preifat, gyda chefnogaeth Cyfarwyddwyr Tŷ’r Cwmnïau. Bydd y Bwrdd Llywio’n cwrdd bob chwarter i gynghori ar lywodraeth yr asiantaeth, yn arbennig ei chynllun corfforaethol, ei thargedau a’i chyflawniad. Mae ei gyfansoddiad yn adlewyrchu’n nod o dynnu ar yr arferion gorau yn y sectorau cyhoeddus a phreifat. Bydd y Pwyllgor Archwilio (PDF 24KB)(Saesneg yn unig) hefyd yn cyflwyno adroddiadau’n ôl i’r Bwrdd Llywio ar adegau penodedig.

Prif Fwrdd – yn cwrdd bob mis gyda’r nod o osod cyfeiriad Tŷ’r Cwmnïau, cynnal goruchwyliaeth a llywodraeth gyffredinol, a sicrhau’n gallu trefniadol i ddiwallu anghenion ein cwsmeriaid.

Bwrdd Gweithredol – hefyd yn cwrdd unwaith y mis ac yn cyflwyno adroddiadau i’r Prif Fwrdd yn eu cyfarfod misol nhw.  Bydd yr aelodau’n cadw golwg ar gyflawniad yr asiantaeth, ac yn cymharu’r cyflawniad â’r targedau a’r cynnydd â’r agweddau oedd i’w gwireddu, gan dynnu sylw i unrhyw risgiau, problemau, cyfleoedd a chyraeddiadau.

Gweld cofnodion crynhoi’r Prif Fwrdd a Bwrdd Gweithredol