Tÿ'r Cwmnïau

Swyddogaeth Dyfarnwyr Annibynnol Tŷ'r Cwmnïau yw ymchwilio i gwynion am oedi, anghwrteisi a chamgymeriadau a'r modd y bydd Tŷ'r Cwmnïau wedi ymdrin â'r cwynion hyn.

Bydd y Beirniaid hefyd yn adolygu apeliadau ysgrifenedig yn erbyn codi cosbau ffeilio hwyr, er bod y cyfle i ddefnyddio disgresiwn yn gyfyngedig iawn gan fod y Senedd wedi pennu beth yn union y caiff ac na chaiff y Cofrestrydd Cwmnïau ei wneud. Mae'r proses cosbau ffeilio hwyr wedi ei nodi'n ddiamwys yng nghanllawiau Tŷ'r Cwmnïau ar Gosbau Ffeilio Hwyr - Apeliadau; byddwch cystal â darllen yr wybodaeth hon cyn ysgrifennu at y Fonesig Elizabeth ynglŷn â chosb ffeilio hwyr.

Y Fonesig Elizabeth Neville, DBE QPM DL, MA Oxon, PhD London - ymddeolodd fel Prif Gwnstabl Heddlu Wiltshire yn 2004. Roedd hi'n Asesydd Cwynion Annibynnol dros asiantaethau'r Adran Drafnidiaeth hyd Ebrill 2010, yn aelod o Awdurdod Heddlu Niwclear Sifil ac yn  Gyfarwyddwr Anweithredol y Swyddfa Twyll Difrifol hyd 2012. Roedd hi'n Uchel Siryf Wiltshire am 2010/2011. Mae hi’n aelod o  Banel Penderfyniadau'r Rheolydd Pensiwn, yn aelod anweithredol o fwrdd y Gwasanaeth Ansolfedd, yn Swyddog Apêl ar ran y Rheoleiddiwr Cwmnïau Buddiant Cymunedol ac yn aelod lleyg o Gorff Apêl Annibynnol PhonepayPlus (sy’n rheoleiddio gwasanaethau ffôn cyfradd premiwm).

Jessica Pacey, LLM (Canon Law), MBA - mae hi'n farnwr Tribiwnlys, yn gwrando apeliadau yn Nhribiwnlys haen gyntaf y siambr Hawl Cymdeithasol a’r Siambr Mewnfudo a Lloches. Yn hyn o beth mae’n gwrando, ac yn penderfynu ar wrandawiadau cyntaf apelau mewn perthynas â cheisiadau hawliau dynol, lloches a mewnfudo. Mae’n Swyddog Apêl ar gyfer y Rheoleiddiwr Cwmnïau Buddiant Cymunedol hefyd.  Roedd Jessica yn uwch Ddarlithydd yn y Gyfraith yn Ysgol y Gyfraith Nottingham hyd Ionawr 2011.

Leslie Cuthbert, LLB, LLM - graddiodd gydag LLB o Brifysgol Brunel ac LLM mewn Ymgyfreitha Troseddol o Ysgol Gyfraith Inns Court. Bu Leslie yn eistedd fel Cofiadur Llys y Goron, yn Dyfarnwr Codi Ffi ar Ddefnyddwyr Ffyrdd gan wrando apeliadau yn erbyn tâl atal tagfeydd Llundain, a gweithredodd fel Barnwr Tribiwnlys ar gyfer y Tribiwnlys Adolygu Iechyd Meddwl. Bydd Leslie yn cynnal hyfforddiant yn rheolaidd ar Arferion Ymchwiliol Uwch mewn ymchwiliadau troseddol, cyflogaeth a rheoleiddio, gan gynnwys ymdrin â chwynion, yn y Deyrnas Unedig a thramor. Ymhlith ei benodiadau eraill y mae'n eistedd ar fwrdd golygyddol 'Tribunals Journal'. Swyddog Apêl y Rheoleiddiwr Cwmnïau Buddiant Cymunedol ac yn Gadeirydd Panel y Cyngor Nyrsio a Bydwreigiaeth.   Mae Leslie yn aelod o Sefydliad Siartredig y Cymrodeddwyr a Chymrawd y Gymdeithas Frenhinol er hybu'r Celfyddydau, Gweithgynhyrchion a Masnach. .

Ni all y Beirniaid ddelio â'r canlynol:

• Cwestiynau ynghylch y Gyfraith Gwmnïau
• Defnyddio disgresiwn gan yr Ysgrifennydd Gwladol
• Cwynion sydd dan ystyriaeth gan Ombwdsman y Senedd a'r Gwasanaeth Iechyd
• Unrhyw achos lle ceir gweithrediadau troseddol
• Cwynion henach na chwe mis.

Mae angen i Dŷ'r Cwmnïau gael cyfle i ddatrys unrhyw anghydfod, felly cyn cael ei hatgyfeirio i sylw'r Beirniaid, mae'n rhaid bod cwyn wedi mynd drwy holl drefn fewnol Tŷ'r Cwmnïau a chan hynny bod wedi cael ei hystyried gan y Cyfarwyddwr Gwasanaethu Cwsmeriaid.

PEIDIWCH AG YSGRIFENNU OS NA DDILYNWYD Y DREFN HON.

Os byddwch yn dal yn anfodlon ar ôl cael dyfarniad, gallwch gysylltu â'ch Aelod Seneddol a gofyn am i'r gŵyn gael ei hatgyfeirio i sylw Ombwdsman y Senedd a'r Gwasanaeth Iechyd.

Os ydych yn anhapus hefyd ynglŷn â chanlyniad dyfarniad mewn perthynas â chosb ffeilio hwyr, gallwch ysgrifennu a gofyn i Gofrestrydd Cwmnïau Lloegr a Chymru (neu Gofrestrydd Cwmnïau ar gyfer Cwmnïau Albanaidd) i edrych ar eich achos.

Manylion cysylltu:

Beirniaid Annibynnol Tŷ'r Cwmnïau
c/o Tŷ'r Cwmnïau
Ffordd y Goron
Caerdydd
CF14 3UZ