Ymunodd Gareth â Thŷ’r Cwmnïau fis Ebrill 2007 fel Prif Weithredwr a Chofrestrydd.

Cyn hynny Gareth oedd Cyfarwyddwr yr Amgylchedd, Cynllunio a Chefn Gwlad yn Llywodraeth Cynulliad Cymru. Hefyd treuliodd bedair blynedd yn Bennaeth Is-adran Rheoli Polisi Amaethyddol Cyffredin (PAC) Cynulliad Cymru ac yn gyfrifol am reoli a thalu pob cymhorthdal i ffermydd, a gweithredu fel pennaeth yr Asiantaeth Dalu yng Nghymru. Yn ystod y cyfnod hwn bu Gareth yn Gyfarwyddwr Gweithrediadau yng Nghymru yn ystod yr argyfwng Traed a’r Genau yn 2001, gan arwain ar bob agwedd o faterion gweithredu ac adnoddau yn ogystal â materion rheoli rhanddeiliaid a’r cyhoedd. Mae wedi dal sawl swydd yn y Gwasanaeth Sifil gan gynnwys Ysgrifennydd Preifat i’r Ysgrifennydd Gwladol dros Fasnach a Diwydiant, ac Ysgrifennydd Preifat i’r Gweinidog Diwydiant a Menter. Anrhydeddwyd Gareth â’r OBE am ei wasanaeth i Gynulliad Cenedlaethol Cymru yn 2003.

Fel Prif Weithredwr, Gareth yw Swyddog Cyfrifyddu Tŷ’r Cwmnïau ac yn gyfrifol am reoli materion gweithredu a materion ariannol a sicrhau bod Tŷ’r Cwmnïau yn cyrraedd y targedau a bennir gan weinidogion.

Ymunodd Tim â Thŷ’r Cwmnïau ym mis Medi 2002 i reoli’ r adran weithrediadau, yn prosesu dros 7miliwn o ddogfennau bob blwyddyn. Cyn iddo ymuno  â Thŷ’r Cwmnïau, treuliodd Tim 12 mlynedd mewn swyddi uwch reoli gweithredol mewn diwydiant, yn cynhyrchu amrywiaeth o gynhyrchion o wifrennau copr i allwthiadau alwminiwm a cheblau opteg ffibr.  Fel Cyfarwyddwr Strategaeth Gorfforaethol, mae Tim yn arwain portffolio gwaith eang gan gynnwys; strategaeth busnes a chynllunio, polisi a deddfwriaeth, rheolaeth marchnata a rhanddeiliad, effeithlonrwydd, rheoliad gwell, twyll a chyfathrebuebu corfforaethol. Mae gan Tim radd yn y Gwyddorau Naturiol a chymhwyster rheolaeth i raddedigion o Gaergrawnt ac MBA o Brifysgol Abertawe.

Mae Tom yn ymuno â ni o bencadlys y DTI, lle’r oedd yn bennaeth yr Uned Strategaeth Polisi Masnach, gan gynhyrchu Papur Gwyn ar Fasnach a Buddsoddi Rhyngwladol. Treuliodd 14 blynedd mewn amrywiaeth o swyddi polisi gyda’r DTI, gan gynnwys trefnu tîm mesurau, Ysgrifennydd Preifat i’r Ysgrifennydd Parhaol, gwaith hybu allforio a chyfnod ym Mrwsel yng nghynrychiolaeth y DU yn yr Undeb Ewropeaidd. Bu’n gweithio hefyd i IBM mewn rôl cefnogaeth dechnegol. Mae gan Tom radd hanes o Gaer-grawnt.

Mae Tim yn gyfrifol am Dechnoleg Gwybodaeth a Gwasanaethau Rheolaeth Newid. Mae hyn yn cynnwys datblygu/gweithredu systemau newydd, cynnal systemau presennol, a sicrhau fod rhwydwaith technegol mewnol ar gyfer systemau Tŷ’r Cwmnïau yn gryf, yn ogystal â goruchwyliaeth prosiectau/rhaglenni mawr.

Cyn ymuno â Thŷ’r Cwmnïau yn Ionawr 2007, treuliodd Tim 10 mlynedd gyda Tesco Plc mewn amrywiaeth o swyddogaethau cyllid, yn fwyaf diweddar fel Pennaeth eu Canolfan Gwasanaethau ar y Cyd. Cyn hynny, bu’n Gyfarwyddwr Gweithredol gyda Goldman Sachs yn eu Hadran Marchnad Gyfalaf.

Ymunodd Phil â Thŷ'r Cwmnïau fis Ebrill 2007. Mae'n Aelod Siartredig o'r Sefydliad Personnel a Datblygu, ac mae ganddo radd BSc mewn Daearyddiaeth.

Yn y sector preifat y cafodd ei brofiad blaenorol mewn Adnoddau Dynol lle bu'n gweithio'n bennaf yn y sector logisteg. Ymhlith ei gyflogwyr blaenorol mae DHL, Exel a WH Smith. Yn fwyaf diweddar ef oedd Cyfarwyddwr Rhanbarthol Adnoddau Dynol ar sector o DHL oedd yn rheoli gofynion logisteg adwerthwyr mawr megis B&Q, Mothercare, BHS, Currys a Comet. S

Mae Phil yn gyfrifol am yr agenda pobl o fewn Tŷ'r Cwmnïau sy'n cynnwys Dysgu a Datblygu, Cysylltiadau â'r Gweithwyr, y Gyflogres a Iechyd a Diogelwch. Hefyd mae ganddo rôl sylweddol mewn rheoli'r newid sy'n gysylltiedig â chyflwyno'r Ddeddf Cwmnïau a CHIPS.

Ymunodd Gwyneth â Thŷ'r Cwmnïau ym mis Tachwedd, 1999.  Mae hi’n arwain y Tîm Cyfreithiol ac yn cynghori Tŷ’r Cwmnïau ar ddehongliad a defnydd ymarferol Deddf Cwmnïau, ynghyd â darpariaethau eraill.  Yn ogystal â hyn, mae hi’n cynghori ar berfformiad o ddyletswyddau statudol y Cofrestrydd ac unrhyw faterion cyfreithiol sy'n effeithio ar waith y sefydliad.

Ymunodd Mike â Thŷ'r Cwmnïau fel y Prif Gyfrifydd ym mis Ebrill 2000 ac mae'n Gyfarwyddwr Cyllid ers mis Gorffennaf 2008.

Mae'n gyfrifol am gynnig arweiniad ar berfformiad a chynllunio ariannol, ac am reoli risg ariannol.

Cyn hynny, bu'n gweithio yn y diwydiant fferyllol yn Rheolwr Ariannol cwmni Parke-Davies ym Mhont-y-pŵl. Mae Mike yn Gymrodor yng Nghymdeithas y Cyfrifwyr Ardystiedig Siartredig ac mae ganddo radd mewn cyfrifeg gan Brifysgol Cymru, Caerdydd.