Tÿ'r Cwmnïau

Gwybodaeth Digwyddiadau

Mae Tŷ'r Cwmnïau yn mynychu amrywiaeth o ddigwyddiadau ledled y DU i gefnogi a chynghori busnesau

Gweler isod am ragor o wybodaeth ar:

Arddangosfeydd

Mynychwn a chefnogwn amrywiaeth o arddangosfeydd drwy gydol y flwyddyn. Mae mynychu arddangosfeydd yn caniatáu inni:

• godi ymwybyddiaeth o Dŷ'r Cwmnïau, ein swyddogaethau a'n gwasanaethau
• cwrdd â'n defnyddwyr presennol a'u helpu, a'n cyflwyno'n hunain i gwsmeriaid newydd
• ateb ymholiadau ynghylch deddfwriaeth gwmnïau, gan gynnwys materion cydymffurfio
• darparu llwyfan ar gyfer cyflwyno a dangos ein gwasanaethau gwybodaeth ar-lein

Diwrnodau Gwybodaeth

Er mwyn helpu cwmnïau i gadw o fewn y gyfraith, rydyn ni’n cynnal nifer o seminarau i drafod cyfrifoldebau cyfreithiol cyfarwyddwyr ac ysgrifenyddion cwmnïau o dan ddeddfwriaeth Deddf Cwmnïau 2006, a hynny drwy gydol y flwyddyn.

Nod y seminarau hyn yw eich helpu chi:

• i sicrhau bod swyddogion cwmnïau a’u hymgynghorwyr yn gyfarwydd â gofynion ffeilio Deddf Cwmnïau 2006
• i ddarganfod y ffordd orau o ffeilio eich dogfennau ar-lein
• i gynnig cyngor ar y newidiadau diweddar yn y ddeddfwriaeth a’u heffaith bosibl ar gwmnïau a’u swyddogion
• i esbonio datblygiadau at y dyfodol
• i ddarganfod sut y gallwch chi wirio manylion eich cwmni chi ar-lein

Mae ein seminarau’n para rhyw dair awr ac maent am ddim. Cewch ddewis dod i seminar bore neu brynhawn - felly peidiwch â cholli’r cyfle.

Seminar Ar Gyfer Cyfarwyddwyr Newydd eu Penodi

Dyma’r seminar i chi os ydych chi newydd gael eich penodi i Gwmni a’ch bod am ddysgu rhagor am eich rhwymedigaethau o ran Tŷ’r Cwmnïau. Mae’r seminar yn rhad ac am ddim.

Nod y seminar yw:

• esbonio’r broses gorffori
• esbonio’r dulliau rhwydd a diogel o anfon gwybodaeth i Dŷ’r Cwmnïau
• rhoi gwybod i chi am faterion cydymffurfiad Tŷ’r Cwmnïau 
• rhoi gwybod i chi am y newidiadau i’r Ddeddf Cwmnïau 
• dangos i chi sut i chwilio am wybodaeth Tŷ’r Cwmnïau a’i defnyddio 

Cewch gyfle hefyd:

• i gwrdd ag aelodau o dîm Tŷ’r Cwmnïau 
• i roi cynnig ar ein gwasanaethau ar lein 
• i gwrdd â chynrychiolyddo’r Swyddfa Eiddo Deallusol

Seminar Tŷ’r Cwmnïau i Gyfrifwyr

Mae Tŷ’r Cwmnïau’n cynnal seminar cyfrifyddiaeth i ddangos pa mor hawdd yw hi i ffeilio cyfrifon ar lein. Bydd hwn yn gyfle i chi gael dealltwriaeth o fuddion ffeilio’n electronig ac yn brydlon er mwyn osgoi cael cosb.

Bydd aelodau o dîm Digwyddiadau Tŷ’r Cwmnïau ar gael i ateb eich cwestiynau ac i esbonio datblygiadau yn y dyfodol.

Fel arfer mae’r galw am y seminarau hyn yn fawr felly cadwch le’n gynnar er mwyn osgoi cael eich siomi.

Edrychwch ar ein Calendr Digwyddiadaui weld a oes digwyddiad yn agos i chi a chadwch eich lle trwy ddefnyddio ffurflen ar-lein. (Saesneg yn unig)