 |
|
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
Bywyd Partneriaeth Atebolrwydd Cyfyngedig - GPLLP2Awst 2013 - Fersiwn 4.2 Fel yr addaswyd gan Ddeddf Cwmnïau 2006 Fersiwn PDF y tudalen hwn (371KB) Mae'r canllaw hwn ar gael mewn ffurfiau eraill, gan gynnwys Braille, print mawr a thâp sain. Am fanylion pellach, trowch at ein gwefan neu anfonwch e-bost at ein hadran ymholiadau neu ffoniwch ein canolfan gyswllt ar 0303 1234 500. A yw'r canllaw hwn ar eich cyfer chi? Bydd y canllaw hwn yn berthnasol i chi:
Trosolwg Bydd y canllaw hwn yn dweud wrthych pa wybodaeth y bydd yn rhaid i chi ei chyflwyno i Dŷ'r Cwmnïau er mwyn i'ch partneriaeth atebolrwydd cyfyngedig (PAC) barhau ar y gofrestr gyhoeddus ar ôl iddi gael ei chorffori. Os hoffech newid enw PAC sy'n bodoli eisoes, trowch at ein canllaw Corffori ac Enwau Partneriaethau Atebolrwydd Cyfyngedig. Mae'r canllaw hwn yn berthnasol i bob PAC sydd wedi cofrestru yn y Deyrnas Unedig (DU) h.y. Lloegr, Cymru, yr Alban a Gogledd Iwerddon. CynnwysCyflwyniad Mae'r canllaw hwn yn ateb llawer o gwestiynau mynych ac yn cynnig gwybodaeth ar ffeilio'r mathau mwyaf cyffredin o wybodaeth yn y maes hwn. Nid ydym wedi drafftio'r canllaw gyda thrafodion anarferol na chymhleth mewn golwg. Mae'n bosibl y bydd angen gofyn am gyngor proffesiynol arbenigol o dan yr amgylchiadau hynny. Mae'r brif ddeddfwriaeth sy'n berthnasol i bartneriaethau atebolrwydd cyfyngedig fel a ganlyn:
CyflwyniadNi fydd y canllaw hwn yn delio â phob digwyddiad a fydd yn codi yn ystod oes eich PAC. Fodd bynnag, bydd yn rhoi syniad da i chi o'ch cyfrifoldebau, gan esbonio'r gofynion ffeilio yn Nhŷ'r Cwmnïau yn ystod oes eich PAC. Os na fyddwch yn ffeilio dogfennau blynyddol eich PAC, h.y. ffurflen flynyddol a chyfrifon, gallai'r cofrestrydd gymryd nad yw'r PAC yn parhau gyda'i busnes mwyach neu nad yw'n weithredol mwyach, gan gymryd camau i'w dileu o'r gofrestr. Os bydd y cofrestrydd yn dileu PAC o'r gofrestr, bydd honno'n peidio â bod ac fe ddaw ei hasedion yn eiddo i'r Goron. Fodd bynnag, pan fo PAC yn weithredol, gallai'r aelodau dynodedig gael eu herlyn oherwydd eu bod nhw yn gyfrifol, ar lefel bersonol, am sicrhau eu bod yn cyflwyno dogfennau blynyddol y PAC mewn pryd. Mae methu gwneud hynny yn cyfateb â throsedd. Yn ogystal, ceir cosb sifil awtomatig am gyflwyno cyfrifon yn hwyr. Trwy gydymffurfio â'ch gofynion blynyddol a sicrhau bod cofnod cyhoeddus eich PAC yn cynnwys y newidiadau diweddaraf o fewn eich PAC, byddwch yn osgoi unrhyw gamau yn cael eu cymryd yn erbyn PAC neu ei haelodau, a bydd hyn yn cynnig y darlun diweddaraf o'ch PAC i chwilwyr. Mae Penodau 1 - 3 yn nodi'r wybodaeth y bydd yn rhaid i chi ei chyflwyno i Dŷ'r Cwmnïau pan fydd newidiadau penodol yn digwydd o fewn eich PAC. Mae Pennod 4 yn sôn am y gofyniad i gyflwyno ffurflen flynyddol. Mae Penodau 5 - 12 yn nodi sut y gallwch newid eich dyddiad cyfeirnod cyfrifeg, pa fath o gyfrifon y gall PAC eu paratoi a'r gofynion ffeilio yn Nhŷ'r Cwmnïau. Mae Pennod 13 yn rhoi esboniad byr am rôl archwilydd, gan amlinellu'r amgylchiadau pan na fydd angen i PACau benodi archwilydd. Mae Pennod 14 yn sôn am gofrestru arwystlon. Mae Penodau 15 - 16 yn rhoi ychydig wybodaeth ddefnyddiol i chi ynghylch sut i gyflwyno'r dogfennau angenrheidiol i Dŷ'r Cwmnïau, gan nodi rhai o'r gofynion cyffredinol ynghylch ansawdd, y bydd yn rhaid i bob dogfen eu bodloni. Nid yw'r canllaw hwn yn cynnwys gwybodaeth ynghylch sut i newid enw PAC bresennol o ganlyniad i gyfyngiadau penodol a roddir ar enwau PAC. Mae modd gweld gwybodaeth bellach am newid enw PAC yn ein canllaw Partneriaethau Atebolrwydd Cyfyngedig Corffori ac Enwau. Ar ôl darllen y canllaw hwn, os bydd gennych unrhyw amheuon ynghylch eich cyfrifoldebau, dylech ystyried ceisio cyngor proffesiynol gan gyfreithiwr neu gyfrifydd. Pennod 1 - Aelodau ac aelodau dynodedigTrafodir y gwahaniaeth rhwng aelod ac aelod dynodedig, a chyfrifoldebau aelodau PAC, yn ein canllaw Partneriaethau Atebolrwydd Cyfyngedig Corffori ac Enwau. 1. Beth fydd yn digwydd pan fydd yr aelodau yn newid? Rhaid i'r PAC gadw cofrestrau sy'n cynnwys manylion am ei holl aelodau. Mae'r rhain fel a ganlyn:
Cedwir y cofrestrau hyn o ddyddiad corffori eich PAC neu, os corfforwyd eich PAC cyn 1 Hydref 2009, o'r dyddiad hwnnw. Pryd bynnag y bydd manylion aelod yn newid, neu pan fo'r PAC yn penodi neu'n terfynu penodiad aelod, rhaid iddi ddiweddaru'r cofrestrau hyn. Yna, bydd yn rhaid i'r PAC cyflwyno'r ffurflen briodol yn Nhŷ'r Cwmnïau cyn pen 14 diwrnod i'r newid. Mae'r ffurflenni priodol fel a ganlyn:
2. Beth yw'r gwahaniaeth rhwng y cyfeiriad cyflwyno hysbysiadau a'r cyfeiriad preswyl arferol? Mae'r cyfeiriad cyflwyno hysbysiadau yn un y gall aelod ei ddefnyddio i dderbyn gohebiaeth gan drydydd partïon mewn perthynas â'r bartneriaeth. Gall y cyfeiriad cyflwyno hysbysiadau fod yr un fath â chyfeiriad preswyl yr aelod neu gyfeiriad swyddfa gofrestredig y PAC, neu gall fod yn rhywle arall. Y cyfeiriad preswyl arferol yw cyfeiriad cartref arferol Aeolod y PAC o dan sylw. Mae angen ei ffeilio gyda'r Cofrestrydd o hyd, ond ni fydd ar gael ar y cofnod cyhoeddus i bawb ei weld. Caiff ei gadw ar gofrestr breifat a dim ond sefydliadau a bennir ymlaen llaw gaiff weld y gofrestr hon. 3. Beth yw'r gwahaniaeth rhwng y gofrestr aelodau a'r gofrestr cyfeiriadau preswyl aelodau? Mae'r gofrestr aelodau yn cynnwys ar gyfer pob aelod sy'n unigolyn:
Ar gyfer aelodau sy'n aelodau corfforaethol neu'n ffyrmiau, bydd y gofrestr aelodau yn cynnwys:
Mae'r gofrestr o gyfeiriadau preswyl yr aelodau yn cynnwys cyfeiriad preswyl arferol pob aelod sy'n unigolyn. (Ar yr amod nad yw cyfeiriad cyflwyno-hysbysiadau'r aelod yr un fath â swyddfa gofrestredig y PAC, yna gall y cofnod fod i'r perwyl bod y cyfeiriad preswyl arferol yr un fath â'r cyfeiriad cyflwyno hysbysiadau). Rhaid cadw'r gofrestr aelodau ar gael i'w harchwilio; rhaid peidio â datgelu'r wybodaeth sydd ar y gofrestr o gyfeiriadau preswyl yr aelodau. Dim ond i gyfathrebu â'r aelod ac i gyflwyno gwybodaeth i Dŷ'r Cwmnïau er mwyn diweddaru'r cofnodion sy'n cael eu cadw yno y gall y PAC ddefnyddio gwybodaeth y gofrestr hon. Ni all y PAC ddefnyddio'r wybodaeth hon at unrhyw ddiben arall oni bai bod y llys yn mynnu. 4. Beth fydd yn digwydd i'r cyfeiriadau preswyl a roddir i Dŷ'r Cwmnïau? Ni fydd cyfeiriadau preswyl yn ymddangos yn y cofnod cyhoeddus ar yr amod eich bod yn eu nodi yn rhan gywir y ffurflenni penodi neu newid manylion. Ar gyfer ffurflenni papur, bydd hon yn dudalen ar wahân; ar gyfer trefniadau ffeilio electronig, (pan ddaw'r drefn hon ar gael i PACau bydd y rhain yn feysydd cyfeiriad ychwanegol. Dim ond i Asiantaethau Cyfeirio Credyd ac Awdurdodau Cyhoeddus Penodedig y bydd Tŷ'r Cwmnïau yn darparu gwybodaeth am gyfeiriadau preswyl. Mae modd gweld gwybodaeth bellach yn ein canllaw ynghylch Cyfyngu ar datgelu'ch cyfeiriad os ydych mewn perygl difrifol. 5. A oes modd i mi newid y statws sy'n dynodi bod holl aelodau'r PAC yn aelodau dynodedig neu mai aelodau penodedig yn unig sy'n rhai dynodedig? Gallwch ddiwygio'r sefyllfa ar unrhyw adeg. Os dewisoch fod yr holl aelodau yn aelodau dynodedig ar gorffori, neu ar ddyddiad wedi hynny, ond eich bod yn dymuno i aelodau penodedig yn unig fod yn aelodau dynodedig erbyn hyn, bydd angen i chi hysbysu Tŷ'r Cwmnïau o'r newid hwn trwy ddefnyddio LL DE01c. Os dewisoch y byddai aelodau penodedig yn aelodau dynodedig yn unig pan gorfforwyd y PAC, neu ar ddyddiad wedi hynny, ond eich bod yn dymuno i'r holl aelodau fod yn aelodau dynodedig nawr, bydd angen i chi hysbysu Tŷ'r Cwmnïau o'r newid trwy ddefnyddio LL DE01c. Bydd angen cyflwyno gwybodaeth ynghylch y ffaith bod manylion aelod yn newid gyda hyn, ar LL CH01c neu LL CH02c ar gyfer unrhyw aelod nad yw'n aelod dynodedig eisoes. Bydd angen i'r aelod hwnnw nodi eu bod yn rhoi eu caniatâd iddynt fod yn aelod dynodedig. Ni fydd aelod dynodedig nad yw'n aelod mwyach, yn aelod dynodedig mwyach, a bydd hyn yn digwydd yn awtomatig. Os bydd nifer yr aelodau dynodedig yn gostwng i un, neu ddim un, am ba reswm bynnag, bydd y gyfraith yn barnu bod yr holl aelodau yn aelodau dynodedig. Fodd bynnag, ni fydd hyn yn gwaredu'ch gofynion ffeilio yn Nhŷ'r Cwmnïau. Mae gan y cofrestrydd Gynllun o'r enw PROOF (PROtected On-line Filing). Mae'r cynllun hwn yn cynnig diogelwch ychwanegol wrth ddarparu manylion ynghylch aelodau a chyfeiriad y swyddfa gofrestredig ar gyfer dogfennau a gyflwynir ar ffurf electronig: Pennod 2 - Swyddfa Gofrestredig1. Sut mae modd i mi newid fy swyddfa gofrestredig? Os bydd eich PAC yn dymuno newid cyfeiriad ei swyddfa gofrestredig, rhaid i chi hysbysu Tŷ'r Cwmnïau o'r cyfeiriad newydd ar LL AD01c. Sylwer na fydd cyfeiriad eich swyddfa gofrestredig newydd yn dod i rym nes i ni ei nodi yn ein cronfa ddata. Mae Tŷ'r Cwmnïau yn defnyddio cronfa ddata gyfeiriadau Swyddfa'r Post i gadarnhau cyfeiriadau. Er mwyn osgoi unrhyw oedi, a fyddech cystal â sicrhau eich bod yn defnyddio'r cyfeiriad cywir, gan gynnwys y cod post llawn yn yr holl ffurflenni a dogfennau a anfonir i'w cofrestru. Cofiwch fod yn rhaid i gyfeiriad eich swyddfa gofrestredig fod yn yr un sefyllfa â'r sefyllfa y corfforwyd y PAC ynddi e.e. rhaid i swyddfa gofrestredig PAC a gofrestrwyd yn a Lloegr a Chymru fod yn a Lloegr a Chymru, nid yn yr Alban neu yng Ngogledd Iwerddon. Pennod 3 - Cofnodion PAC1. Pa gofnodion PAC y bydd angen i mi sicrhau eu bod ar gael i'w harchwilio? Rhaid i PAC gadw a chynnal cofrestr o'i haelodau. Os bydd y PAC yn dosbarthu dyledebau, rhaid iddi gadw cofrestr dyledebwyr ac os bydd yn ymrwymo i arwystl, rhaid iddi gadw cofrestr arwystlon, ynghyd â'r offeryn sy'n creu'r arwystl. Hefyd, rhaid i'r holl gofrestrau hyn fod ar gael i'w harchwilio. Yn ogystal, rhaid i PAC gynnal cofrestr o gyfeiriadau preswyl aelodau, ond ni fydd modd i'r cyhoedd archwilio hon. Rhoddir sylw i hyn ym Mhennod 1, cwestiwn 2. 2. Ble mae modd i mi gadw'r cofnodion hyn? Gallwch gadw'r holl gofnodion hyn, neu unrhyw rai ohonynt, yn swyddfa gofrestredig y PAC. Gall y PAC ddewis lleoliad amgen er mwyn i'r cofnodion hyn fod ar gael i'w harchwilio. Dim ond un lleoliad amgen i'r swyddfa gofrestredig y bydd modd i'r PAC ei feddu ar unrhyw adeg. Rhaid i'r lleoliad hwnnw fod yn yr un sefyllfa â'r swyddfa gofrestredig, e.e. mae modd i PAC wedi'i chofrestru ynLloegr a Chymru fod â lleoliad archwilio amgen yn Lloegr a Chymru, ond nid yn yr Alban neu yng Ngogledd Iwerddon. Gall y PAC ddewis cadw rhai cofnodion yn ei swyddfa gofrestredig a rhai yn ei lleoliad archwilio amgen unigol, ar yr amod bod yr holl gofnodion sydd o fewn math arbennig yn cael eu cadw gyda'i gilydd. 3. Beth fydd angen i mi ei gyflwyno i Dŷ'r Cwmnïau? Os na fyddwch yn cadw'ch holl gofnodion yn swyddfa gofrestredig y PAC, bydd angen i chi ein hysbysu o gyfeiriad eich lleoliad archwilio amgen, neu unrhyw newid i'r cyfeiriad hwnnw yn LL AD02c. Yn ogystal, bydd angen i chi nodi pa gofnodion yr ydych yn eu cadw yno, yn LL AD03c a phryd y bydd unrhyw rai o'r cofnodion yn cael eu dychwelyd i'r swyddfa gofrestredig, yn LL AD04c. Pennod 4 - Ffurflen Flynyddol1. Pa PACau y mae'n rhaid iddynt anfon ffurflen flynyddol i Dŷ'r Cwmnïau? Rhaid i bob PAC gyflwyno ffurflen flynyddol i Dŷ'r Cwmnïau cyn pen 28 diwrnod i'w dyddiad diwallu. Mae aelodau dynodedig PAC yn gyfrifol am sicrhau:
Os na fyddwch yn cyflwyno ffurflen flynyddol, gallai'r cofrestrydd gymryd nad yw'ch PAC yn parhau gyda'i busnes mwyach neu nad yw'n weithredol mwyach, gan gymryd camau i'w dileu o'r gofrestr. Cofiwch: Mae peidio cyflwyno'r ffurflen flynyddol cyn pen 28 diwrnod i'r dyddiad diwallu yn cyfateb â throsedd, ac fe allai'r PAC a'r aelodau dynodedig gael eu herlyn am ei chyflawni. 2. Beth yw ffurflen flynyddol? Mae ffurflen flynyddol yn cynnig braslun o'r wybodaeth berthnasol ar y dyddiad diwallu. Mae'n ddogfen ar wahân i gyfrifon blynyddol PAC. Rhaid i ffurflen flynyddol gynnwys y wybodaeth ganlynol:
3. Beth yw'r dyddiad diwallu? Hwn yw'r dyddiad pan fydd yn rhaid i'r holl wybodaeth mewn ffurflen flynyddol fod yn gywir. Fel arfer, bydd y dyddiad diwallu yn cyfateb â blwyddyn ar ôl:
4. A oes modd i mi newid dyddiad diwallu fy ffurflen flynyddol? Oes, mae modd i chi ei newid i ddyddiad cynharach na'r dyddiad diwallu disgwyliedig, ond nid i ddyddiad hwyrach. Os byddwch yn dewis dyddiad diwallu cynharach, rhaid i ni ei gael cyn pen 28 diwrnod i'r dyddiad hwnnw. Gallwch weld dyddiad diwedd y cyfnod y bydd Tŷ'r Cwmnïau yn disgwyl i'ch ffurflen flynyddol ei ddiwallu, trwy ddefnyddio gwasanaeth WebCheck ar ein gwefan. (gwasanaeth Saesneg yn unig) 5. Llenwi'r ffurflen flynyddol Rhaid i'r holl fanylion a nodir gennych yn y ffurflen flynyddol gadarnhau'r manylion a gedwir eisoes yng nghofnod cyhoeddus Tŷ'r Cwmnïau ar y dyddiad diwallu. Ni chewch ddefnyddio'r ffurflen flynyddol i newid unrhyw fanylion yn y cofnod cyhoeddus. I newid y manylion hyn, bydd yn rhaid i chi gyflwyno'r ffurflen berthnasol (ffurflenni perthnasol) gyda'ch ffurflen flynyddol.
Bydd Tŷ'r Cwmnïau yn gwrthod eich ffurflen flynyddol os na fydd yn cynnwys y wybodaeth y gofynnwyd amdani. Fodd bynnag, pan fo'r wybodaeth yn gyflawn ond nad yw'n cyfateb gyda'r wybodaeth yn ein cofnodion, gallwn ddewis derbyn y ffurflen flynyddol, ond gan nodi nad yw'n cyd-fynd â'r gofrestr gyhoeddus. Am wybodaeth bellach, trowch at ein canllaw am Reolau a Phwerau'r Cofrestrydd. 6. A oes ffi am ffeilio'r ffurflen flynyddol? Oes.. Codir ffi flynyddol o £13 i'r rhai sy'n defnyddio ein gwasanaethau Software Filing neu WebFiling neu £40 am brosesu dogfennau papur a delir pan fyddwch yn ffeilio'r ffurflen flynyddol. Dylai PACau sy'n ffeilio ffurflen flynyddol bapur wneud y siec yn daladwy i ‘Tŷ'r Cwmnïau', gan ysgrifennu rhif y PAC ar y cefn. 7.A ellir ffeilio unrhyw wybodaeth arall gyda'r ffurflen flynyddol? Rhaid i rai PACau gyflwyno gwybodaeth am eu hymgymeriadau cysylltiedig i gyd-fynd â'r ffurflen flynyddol. Mae hyn yn wir mewn achosion lle byddai angen cyflwyno gormod o nodiadau i gyd-fynd â'r cyfrifon er mwyn cyflwyno'r wybodaeth angenrheidiol. Rhaid i gyfrifon ddatgan y caiff y wybodaeth ei chyflwyno'n gyflawn gyda'r ffurflen flynyddol nesaf. Pennod 5 - Dyddiadau cyfeirnod cyfrifeg1. Beth yw blwyddyn ariannol? Fel arfer, mae blwyddyn ariannol yn gyfnod o 12 mis y bydd yn rhaid i chi baratoi datganiadau ariannol blynyddol yn ei gylch. Rhaid i bob PAC baratoi cyfrifon blynyddol sy'n adrodd am berfformiad a gweithgareddau'r PAC yn ystod y flwyddyn ariannol. Bydd hyn yn cychwyn ar y diwrnod ar ôl i'r flwyddyn ariannol flaenorol ddod i ben neu, yn achos PAC newydd, ar y dyddiad corffori. Pennir blynyddoedd ariannol trwy wneud cyfeiriad at gyfnod cyfeirnod cyfrifeg. Bydd y cyfnod cyfeirnod cyfrifeg yn dod i ben ar y dyddiad cyfeirnod cyfrifeg. Gall PACau ddewis rhwng paratoi eu cyfrifon hyd at y dyddiad cyfeirnod cyfrifeg neu, os yw'n fwy cyfleus, at ddyddiad sydd hyd at saith diwrnod y naill ochr neu'r llall i'r dyddiad hwn heb ffeilio ffurflen LLAA01c. 2. Sut y pennir y dyddiad cyfeirnod cyfrifeg? Yn achos pob PAC newydd, mae'r ddeddfwriaeth yn pennu'r dyddiad cyfeirnod cyfrifeg cyntaf fel diwrnod olaf y mis pan fo'r PAC yn dathlu ei ben-blwydd cyntaf. Bydd y dyddiadau cyfeirnod cyfrifeg dilynol yn digwydd ar yr un dyddiad bob blwyddyn yn awtomatig. Er enghraifft, os corfforwyd PAC ar 1 Hydref 2009, ei dyddiad cyfeirnod cyfrifeg cyntaf fyddai 31 Hydref 2010 a 31 Hydref bob blwyddyn wedi hynny. 3. A oes modd i mi newid y dyddiad cyfeirnod cyfrifeg? Oes, gallwch newid y dyddiad cyfeirnod cyfrifeg presennol neu'r dyddiad cyfeirnod cyfrifeg yn union cyn hynny trwy ymestyn neu fyrhau'r cyfnod. Er mwyn gwneud hyn, rhaid i chi hysbysu Tŷ'r Cwmnïau o'r ffaith bod y dyddiad cyfeirnod cyfrifeg yn newid yn LL AA01c. Rhaid i chi gyflwyno dyddiad cyfeirnod cyfrifeg derbyniol cyn y terfyn amser ar gyfer ffeilio'r cyfrifon ar gyfer y cyfnod yr ydych yn dymuno'i newid. Mewn geiriau eraill, os bydd Tŷ'r Cwmnïau yn disgwyl gweld cyfrifon am gyfnod cyfeirnod cyfrifeg penodol a'u bod yn mynd yn orddyledus, mae'n rhy hwyr i chi ddweud eich bod yn dymuno newid y dyddiad cyfeirnod cyfrifeg. Fel arfer, bydd gan PACau 9 mis i gyflwyno'u cyfrifon i Dŷ'r Cwmnïau ar ôl diwedd pob cyfnod cyfeirnod cyfrifeg. Mae'r cyfnod a ganiateir er mwyn cyflwyno cyfrifon cyntaf PAC ac er mwyn newid ei dyddiad cyfeirnod cyfrifeg yn wahanol, a byddwn yn esbonio hyn ym Mhennod 8. 4. A oes unrhyw gyfyngiadau ynghylch newid y dyddiad cyfeirnod cyfrifeg? Mae modd newid dyddiad cyfeirnod cyfrifeg trwy fyrhau cyfnod cyfeirnod cyfrifeg mor aml ag y byddwch yn ei ddymuno, ac am gymaint o fisoedd ag y byddwch yn ei ddymuno. Fodd bynnag, ceir cyfyngiadau ynghylch ymestyn cyfnodau cyfeirnod cyfrifeg:
Defnyddiwch y cyswllt hwn i weld rhestr o'r gwledydd o fewn yr AEE. 5. A oes unrhyw gyfyngiadau ychwanegol sy'n berthnasol wrth newid dyddiad cyfeirnod cyfrifeg cyntaf PAC? Nac oes. Mae'r cyfyngiadau ynghylch newid unrhyw gyfnod yr un fath â'r rhai a ddisgrifiwyd yn y cwestiwn blaenorol. Pan fyddwch yn ymestyn eich cyfnod cyfrifeg cyntaf i'r uchafswm o 18 mis, dylech nodi bod yn rhaid i chi ystyried y dyddiad corffori fel diwrnod cyntaf y cyfnod. Mae sawl PAC yn gwneud camgymeriad trwy ychwanegu 6 mis at ddiwedd y cyfnod ac mewn rhai achosion, gall hyn ymestyn y cyfnod y tu hwnt i 18 mis. Pennod 6 - Cofnodion Cyfrifeg1. A oes yn rhaid i bob PAC gadw cofnodion cyfrifeg? Oes, rhaid i bob PAC gadw cofnodion cyfrifeg sy'n galluogi'r aelodau i baratoi cyfrifon sy'n cydymffurfio â gofynion y ddeddfwriaeth. 2. Beth y mae'n rhaid i gofnodion cyfrifeg eu cynnwys? Rhaid i gofnodion cyfrifeg gynnwys yr elfennau canlynol yn arbennig:
Yn ogystal, pan fo busnes y PAC yn ymwneud â delio gyda nwyddau, rhaid i'r cofnodion gynnwys:
Rhaid i riant-PAC gymryd camau rhesymol i sicrhau bod unrhyw is-ymgymeriad yn cadw cofnodion cyfrifeg digonol er mwyn sicrhau bod aelodau'r rhiant-PAC yn gallu paratoi cyfrifon sy'n cydymffurfio gyda gofynion y Ddeddf Cwmnïau, gan gynnwys pan fo'r cyfrifon yn cael eu paratoi trwy ddefnyddio Safonau Cyfrifeg Rhyngwladol (IAS) 3. Ble mae'n rhaid i PAC gadw ei chofnodion cyfrifeg? Rhaid i PAC gadw ei chofnodion cyfrifeg yng nghyfeiriad ei swyddfa gofrestredig neu mewn man sy'n addas ym marn yr aelodau. Rhaid i'r cofnodion fod ar gael i'w harchwilio gan aelodau'r PAC ar unrhyw adeg. Os bydd y PAC yn cadw'r cofnodion mewn man y tu allan i'r DU, rhaid iddi anfon cyfrifon a ffurflenni, sy'n cynnwys manylion y busnes y deliwyd ag ef yn y cofnodion cyfrifeg, o leiaf bob chwe mis, a'u cadw yn y DU. Rhaid i'r cyfrifon a'r ffurflenni hynny ddatgelu'r sefyllfa ariannol a galluogi'r aelodau i baratoi cyfrifon sy'n cydymffurfio gyda gofynion y Ddeddf Cwmnïau, gan gynnwys lle y caiff y cyfrifon eu paratoi gan ddefnyddio Safonau Cyfrifeg Rhyngwladol (IAS). 4. Am ba mor hir y bydd yn rhaid i PAC gadw ei chofnodion? Rhaid i PAC gadw'i chofnodion cyfrifeg am 3 blynedd o'r dyddiad y'u paratowyd. Pennod 7 - Cyfrifon ar gyfer yr aelodau1. Pwy sy'n gyfrifol am baratoi cyfrifon? Rhaid i aelodau pob PAC baratoi cyfrifon ar gyfer pob blwyddyn ariannol. Gelwir y rhain yn gyfrifon unigol. Yn ogystal, rhaid i riant-PAC baratoi cyfrifon grŵp (ond i riant-PACau a ddiffinnir fel rhai bach, mae hyn yn ddewisol). Mae pennod 9 yn cynnwys rhagor o wybodaeth am PACau bach. Gall is-gwmnïau segur hawlio eithriad rhag paratoi neu ffeilio eu cyfrifon o dan amgylchiadau penodol - gweler pennod 11 2. Beth mae set o gyfrifon yn ei gynnwys? Yn gyffredinol, rhaid i gyfrifon gynnwys:
A rhaid anfon adroddiad archwilwyr ariannol sy'n nodi enw llawn yr archwilydd ynghyd â llofnod yr archwilydd wedi ei ddyddio (oni bai bod y PAC wedi cael ei heithrio rhag archwiliad) gyda'r cyfrifon. 3. Pa gyfnod y mae'n rhaid i'r cyfrifon ddelio ag ef? Bydd cyfrifon cyntaf PAC yn delio â'r cyfnod a gychwynnodd ar y dyddiad corffori, nid y diwrnod masnachu cyntaf. Byddant yn dod i ben ar y dyddiad cyfeirnod cyfrifeg neu hyd at 7 diwrnod y naill ochr i'r dyddiad hwnnw. Bydd cyfrifon dilynol yn cychwyn ar y diwrnod ar ôl y diwrnod y daeth y cyfrifon blaenorol i ben, ac yn dod i ben ar y dyddiad cyfeirnod cyfrifeg neu hyd at 7 diwrnod y naill ochr iddo. Byddwn yn cynnig esboniad am ddyddiadau cyfeirnod cyfrifeg a sut i'w newid ym mhennod 5. 4. Pwy y mae'n rhaid iddynt gael copi o'r cyfrifon? Rhaid i bob PAC anfon copi o'i chyfrifon blynyddol a'i hadroddiad archwilwyr ariannol (pan fo hynny'n berthnasol) ar gyfer pob blwyddyn ariannol at:
Yn ogystal, rhaid i'r PAC anfon y cyfrifon i Dŷ'r Cwmnïau. Mae Pennod 8 yn cynnwys gwybodaeth bellach am hyn. Ni fydd hyn yn berthnasol i rai is-gwmnïau segur sydd wedi eu heithrio rhag paratoi cyfrifon - trowch at bennod 11 am ragor o wybodaeth. 5. A oes modd i PAC gytuno i ddefnyddio gwefan fel ffordd o ddangos y cyfrifon i'r aelodau? Oes. Gall aelodau ddod i gytundeb yn fewnol y gall PAC anfon neu ddarparu dogfennau, gan gynnwys cyfrifon, trwy eu cyhoeddi ar ei gwefan. 6. Pwy sy'n gallu cymeradwyo a llofnodi cyfrifon? Rhaid i aelodau'r PAC gymeradwyo'r cyfrifon gan sicrhau bod aelod dynodedig yn eu llofnodi ar eu rhan a rhaid hefyd printio'i enw/henw uwchben y llofnod. Rhaid i'r enw printiedig a'r llofnod fod ar y fantolen, ac mae'n rhaid i unrhyw ddatganiad ynghylch y cyfrifon sy'n cael eu paratoi dan y gyfundrefn ar gyfer PACau bach, ymddangos uwchben y rhai hyn. Os bydd yn rhaid i'r PAC atodi adroddiad archwilydd ariannol wrth y cyfrifon, rhaid i'r adroddiad nodi enw'r archwilydd. Pan fo'r archwilydd yn gwmni, rhaid i adroddiad yr archwilydd nodi enw'r archwilydd ac enw'r unigolyn a'i llofnododd fel uwch-archwilydd statudol ar ran y cwmni. Sylwer: Ni all Tŷ'r Cwmnïau dderbyn enw wedi'i deipio fel llofnod ar y cyfrifon. 7. A oes unrhyw eithriadau i'r rheol ynghylch nodi enw'r archwilydd ar yr adroddiad archwilydd ariannol neu'r adroddiad archwilydd ariannol arbennig? Oes. Mae cwestiwn 6 ym Mhennod 13 ynghylch Archwilwyr yn cynnwys rhagor o fanylion. Pennod 8 - Cyfrifon ar gyfer Tŷ'r Cwmnïau1. A yw'r cyfrifon sy'n cael eu ffeilio yn Nhŷ'r Cwmnïau yn wahanol i'r cyfrifon sy'n cael eu paratoi ar gyfer yr aelodau? Gall yr aelodau dynodedig (sy'n gyfrifol am ffeilio cyfrifon yn Nhŷ'r Cwmnïau), cyflwyno copi o'r cyfrifon sydd eisoes wedi cael eu paratoi ar gyfer yr aelodau. Fodd bynnag, gall PACau bach a chanolig cyflwyno fersiwn cryno o'r cyfrifon hynny, sy'n cynnwys llai o fanylder, trwy gyfuno eitemau penodol. Caiff PACau segur sy'n gymwys gyflwyno cyfrifon blynyddol symlach fyth i Dŷ'r Cwmnïau. Mae gwybodaeth bellach i'w gweld ym Mhennod 11 ar PACau Segur. 2. A oes yn rhaid i bob PAC ffeilio'u cyfrifon yn Nhŷ'r Cwmnïau? Rhaid i bob PAC gyflwyno cyfrifon i Dŷ'r Cwmnïau. Gall is-gwmni segur hawlio eithriad rhag paratoi neu ffeilio ei gyfrifon o dan rai amgylchiadau - am ragor o fanylion trowch at bennod 11. 3.A oes angen i mi ffeilio fy nghyfrifon gyda HMRC a chyrff rheoleiddio eraill o hyd? Oes. Mae'r cyfrifon sy'n cael eu cyflwyno yn Nhŷ'r Cwmnïau yn unol â Deddf Cwmnïau 2006, fel y mae'n berthnasol i PACau. Rhaid i chi ffeilio gyda chyrff rheoleiddio eraill o hyd, yn unol â'u gofynion a'u terfynau amser nhw ar gyfer ffeilio. 4. A fydd Tŷ'r Cwmnïau yn cynnig cyngor technegol am gyfrifon? Na. Dim ond arweiniad cyffredinol bydd modd i ni ei roi, nid cyngor technegol ynghylch materion cyfreithiol neu faterion cyfrifeg penodol. Mae'ch cyfrifon yn rhwym i ofynion cyfreithiol ac nid ydym yn gymwys i gynnig cyngor arbenigol. Efallai y byddwch yn dymuno ystyried ymgynghori â chyfrifydd os bydd angen cyngor o'r math hwn arnoch. 5. Faint o amser fydd gan yr aelodau dynodedig i ffeilio cyfrifon cyntaf y PAC? Os ydych yn ffeilio cyfrifon cyntaf y PAC a bod y cyfrifon hynny yn delio â chyfnod o dros 12 mis, rhaid i chi eu cyflwyno i Dŷ'r Cwmnïau:
Caiff y terfyn amser ar gyfer cyflwyno i Dŷ'r Cwmnïau ei gyfrifo i'r union ddiwrnod. Er enghraifft, bydd PAC a gorfforwyd ar 1 Ionawr 2011 ac y pennwyd 31 Ionawr yn ddyddiad cyfeirnod cyfrifeg iddi, yn cael tan ganol nos ar 1 Hydref 2012 (21 mis o'r dyddiad corffori) er mwyn cyflwyno'i chyfrifon, nid 31 Hydref. Gallwch weld y dyddiad y bydd Tŷ'r Cwmnïau yn disgwyl i'ch cyfrifon gael eu cyflwyno trwy ddefnyddio gwasanaeth WebCheck ar ein gwefan. (gwasanaeth Saesneg yn unig). Os bydd y cyfrifon cyntaf yn delio â chyfnod o 12 mis neu lai, bydd y cyfnod arferol a ganiateir ar gyfer cyflwyno cyfrifon yn berthnasol. Yn achos cyfnodau cyfrifeg a ddechreuodd ar 6 Ebrill 2008 neu ers hynny, dylid nod bod y cyfnod ar gyfer ffeilio cyfrifon a ddisgrifir uchod yn berthnasol hefyd i gyfrifon a baratowyd yn unol â Deddf Cwmnïau 1985 neu Orchymyn Gogledd Iwerddon 1986 fel y bo'n berthnasol i PACau. 6. Faint o amser fydd gennyf i ffeilio fy nghyfrifon fel arfer? Oni bai eich bod yn ffeilio cyfrifon cyntaf y PAC, yr amser a ganiateir er mwyn cyflwyno cyfrifon i Dŷ'r Cwmnïau fel arfer, yw 9 mis o'r dyddiad cyfeirnod cyfrifeg. Yn achos cyfnodau cyfrifeg a ddechreuodd ar 6 Ebrill 2008 neu ers hynny, mae hwn yn berthnasol hefyd i gyfrifon a baratowyd yn unol â Deddf Cwmnïau 1985 neu Orchymyn Gogledd Iwerddon 1986 fel y bo'n berthnasol i PACau. Dylech fod yn ymwybodol o'r diffiniad ar gyfer cyfnod o fisoedd mewn cysylltiad â ffeilio cyfrifon. 7. Os byddaf yn byrhau fy nghyfnod cyfeirnod cyfrifeg, a fydd yn rhaid i mi ffeilio erbyn y terfyn amser gwreiddiol o hyd? Na. Pan fydd PAC yn byrhau ei chyfnod cyfrifeg, y terfyn amser newydd ar gyfer ffeilio fydd yr hiraf o'r ddau ddewis canlynol yn awtomatig;
8. A oes modd i mi wneud cais am amser ychwanegol er mwyn ffeilio? Oes. Os oes rheswm arbennig dros wneud hynny, gallwch wneud cais am ymestyn y cyfnod er mwyn cyflwyno cyfrifon i Dŷ'r Cwmnïau; er enghraifft, os oes rhywbeth annisgwyl wedi digwydd, a oedd y tu hwnt i reolaeth y PAC a'i harchwilwyr. Rhaid i chi wneud y cais a'i gyflwyno cyn y terfyn amser arferol ar gyfer ffeilio. Rhaid iddo gynnwys esboniad llawn o'r rhesymau dros ymestyn y cyfnod, a hyd yr estyniad y gofynnir amdano. Gallwch wneud hyn trwy anfon e-bost atom neu ysgrifennu at:
9. Beth os bydd y PAC yn cyflwyno'r cyfrifon yn hwyr? Mae methiant i gyflwyno cyfrifon yn brydlon yn dramgwydd troseddol. Hefyd mae'r gyfraith yn pennu cosb sifil i'r PAC am ffeilio cyfrifon yn hwyr. Bydd y swm yn ddibynnol ar ba mor hwyr y bydd y cyfrifon yn cyrraedd. Mae modd gweld rhagor o wybodaeth yn ein canllaw Partneriaethau Atebolrwydd Cyfyngedig Cosbau Ffeilio Hwyr. 10. Beth os bydd y terfyn amser ar gyfer ffeilio yn syrthio ar ddydd Sul neu ar Ŵyl y Banc? Os bydd terfyn amser ar gyfer ffeilio yn syrthio ar ddydd Sul neu ar Ŵyl y Banc, mae'r gyfraith yn mynnu bod yr aelodau dynodedig yn ffeilio'r cyfrifon erbyn y dyddiad hwnnw o hyd. Er mwyn osgoi cael cosb, dylech sicrhau eich bod yn anfon cyfrifon derbyniol mewn pryd, er mwyn iddynt gyrraedd cyn y terfyn. Y dyddiad pwysig yw'r dyddiad pan fyddwch yn cyflwyno cyfrifon derbyniol i Dŷ'r Cwmnïau, sy'n bodloni'r gofynion cyfreithiol perthnasol, ac nid y dyddiad pan fyddwch yn anfon y cyfrifon. Noder: nid yw rhai swyddfeydd Tŷ'r Cwmnïau yn derbyn post ar ddydd Sadwrn ac nid oes blwch post ganddynt. Ewch i'n gwefan i weld manylion diweddaraf ein horiau agor a'n cyfleusterau ar gyfer cyflwyno dogfennau. 11. Beth os na fyddaf yn cyflwyno cyfrifon i Dŷ'r Cwmnïau o gwbl? Os bydd y cofrestrydd yn credu nad yw PAC yn parhau gyda'i busnes mwyach neu nad yw'n weithredol mwyach, gallai ei dileu o'r gofrestr a'i diddymu. Os bydd hyn yn digwydd, bydd holl asedau'r PAC, gan gynnwys ei chyfrif banc a'i heiddo, yn trosglwyddo i berchnogaeth y Goron fel arfer. Mae methu cyflwyno dogfennau mewn pryd yn drosedd. Mae perygl y bydd aelodau dynodedig PAC yn cael eu herlyn. O'u collfarnu, gallai aelod dynodedig gael cofnod troseddol a dirwy o hyd at £5,000 am bob trosedd. Mae hyn yn ychwanegol at y gosb sifil a roddir i'r PAC am ffeilio cyfrifon yn hwyr. 12. Pa enwau y dylid eu rhoi ar y cyfrifoner mwyn ffeilio gyda Thŷ'r Cwmnïau? Er mwyn ffeilio, mae'n rhaid i'r copïau o'r cyfrifon ddatgan y canlynol:
Dylid nodi na fydd llofnod darllenadwy ar fantolen yn bodloni'r gofyniad ychwanegol i brintio'r enw. Bydd Tŷ'r Cwmnïau yn gwrthod unrhyw gyfrifon os nad ydynt yn bodloni'r gofynion uchod. Lle mae'r archwilydd yn ffyrm, rhaid i adroddiad yr archwilydd ddatgan enw'r archwilydd ac enw'r sawl a'i llofnododd fel uwch-archwilydd statudol ar ran y ffyrm. 13. Ble y mae'n rhaid dangos enw a rhif y PAC? Dylai enw a rhif y PAC ymddangos ar un o ddogfennau cyfansawdd y cyfrifon fel adroddiad yr aelodau neu'r fantolen. Gellir dangos yr enw a'r rhif hefyd ar unrhyw glawr a gyflwynir gyda'r cyfrifon. Am ragor o fanylion, gan gynnwys manylion yr amgylchiadau lle gellir hepgor enwau archwilwyr, gweler pennod 13 - Archwilwyr Ariannol. 14. Beth os gwrthodir fy nghyfrifon? Os na fydd eich cyfrifon yn bodloni ein gofynion, byddwn yn eu dychwelyd atoch er mwyn i chi eu cywiro. Mae'n hanfodol eich bod yn anfon cyfrifon derbyniol atom cyn y terfyn amser ar gyfer ffeilio, oherwydd ni fyddwch yn cael unrhyw amser ychwanegol os byddant yn cael eu gwrthod. 15. A oes modd i mi gyflwyno cyfrifon mewn unrhyw iaith? Os byddwch yn paratoi cyfrifon mewn iaith ac eithrio Saesneg, bydd yn rhaid i chi anfon cyfieithiad Saesneg ardystiedig ohonynt hefyd. Os yw swyddfa gofrestredig y PAC yng Nghymru, dim ond y cyfrifon Cymraeg y bydd angen i chi eu hanfon os byddwch yn dewis gwneud hynny. Yn ogystal, bydd modd i PACau ffeilio cyfieithiadau ardystiedig gwirfoddol yn un o ieithoedd swyddogol yr Undeb Ewropeaidd. Os byddwch yn dewis gwneud hyn, bydd yn rhaid i chi gynnwys Ffurflen LL VT01 wedi'i chwblhau. 16. A gaf i gyflwyno unrhyw ddarnau o wybodaeth am y cyfrifon ar wahân? Cewch. Gellir atodi gwybodaeth am ymgymeriadau cysylltiedig at ffurflen flynyddol nesaf y PAC o dan amgylchiadau penodol. Os oes gofyn i'r PAC gynnwys llawer iawn o wybodaeth am ymgymeriad cysylltiedig a bod yr aelodau o'r farn y byddai hynny'n golygu bod y nodiadau'n rhy hir, dyma'r unig bethau y mae angen i'r cyfrifon eu cynnwys:
Os yw PAC yn manteisio ar hyn, rhaid atodi'r holl wybodaeth yn ei chyfanrwydd, gan gynnwys y wybodaeth a roddwyd eisoes yn y cyfrifon, at ffurflen flynyddol nesaf y cwmni. Pennod 9 - Cyfrifon PAC bach1. Beth yw PAC fach? Wrth i chi baratoi eich cyfrifon, bydd angen i chi ystyried bod 3 maint o PAC yn bodoli; bach, canolig neu fawr. Ceir trothwyon ar gyfer trosiant, cyfanswm mantolen (sy'n golygu cyfanswm yr asedau) a nifer cyfartalog y gweithwyr, sy'n pennu a yw'ch PAC yn un fach neu'n un ganolig. Mae unrhyw PAC nad yw'n bodloni'r meini prawf ar gyfer PACau bach neu ganolig, yn PAC fawr, a bydd yn rhaid iddi baratoi a ffeilio cyfrifon llawn. Gall PAC fach baratoi a ffeilio cyfrifon yn unol â darpariaethau arbennig yn Neddf Cwmnïau 2006, yn unol â'r hyn sy'n berthnasol i PACau, a'r rheoliadau perthnasol. Mae hyn yn golygu y gallant ddewis datgelu llai o wybodaeth na PACau canolig a mawr. Ni all PACau y mae eu gwarannoedd yn cael eu derbyn i'w masnachu mewn marchnad wedi ei rheoleiddio yn yr AEE, na PACau gwasanaethau ariannol penodol, fod yn gymwys fel PAC fach. Yn yr un modd, ni all PACau sy'n rhan o grŵp, y mae ei aelodau yn cynnwys cwmnïau cyhoeddus neu PACau gwasanaethau ariannol, fod yn gymwys fel PACau bach, oni bai mewn amgylchiadau penodol. Os ydych yn credu bod eich PAC chi yn gymwys i gael ei hystyried fel PAC fach, efallai y byddwch yn dymuno cysylltu gyda chyfrifydd proffesiynol cyn i chi baratoi cyfrifon, yn unol â'r darpariaethau sy'n berthnasol i PACau sy'n destun y gyfundrefn ar gyfer PACau bach. 2. Beth yw'r amodau ar gyfer bod yn gymwys fel PAC fach? Rhaid i PAC fach fodloni o leiaf ddau o'r amodau canlynol:
3. A oes unrhyw PACau nad ydynt yn cael paratoi a chyflwyno cyfrifon bach? Oes. Ni all PAC baratoi a chyflwyno cyfrifon PAC fach os yw, neu os oedd ar unrhyw adeg yn ystod y flwyddyn ariannol, yn un o'r canlynol;
Bydd grŵp yn anghymwys os bydd unrhyw un o'i aelodau:
Os bydd gennych unrhyw ymholiadau ynghylch PACau gwasanaethau ariannol sy’n cael eu heithrio o’r gyfundrefn ar gyfer PACau bach, a fyddech cystal â chysylltu â’r Awdurdod Ymddygiad Ariannol. 4. A oes modd i PAC fod yn gymwys fel PAC fach bob blwyddyn? Yn gyffredinol, bydd PAC yn gymwys fel PAC ‘fach' yn ystod ei chyfnod cyfrifeg cyntaf os bydd yn bodloni'r amodau yn ystod y flwyddyn honno. Mewn unrhyw gyfnod dilynol, rhaid i PAC fodloni'r amodau yn ystod y cyfnod hwnnw ac yn ystod y cyfnod cyn hynny. Fodd bynnag, os na fydd PAC a oedd yn gymwys fel PAC fach yn ystod un cyfnod, yn bodloni'r meini prawf mwyach yn ystod y cyfnod nesaf, gall y PAC barhau i hawlio'r eithriadau sydd ar gael ar gyfer y cyfnod nesaf. Yna, os bydd y PAC yn mynd yn ôl i fod yn PAC fach trwy fodloni'r meini prawf, bydd yr eithriad yn parhau yn ddi-dor. 5. Beth yw'r amodau er mwyn bod yn gymwys fel grŵp bach? Er mwyn bod yn gymwys fel grŵp bach, rhaid i grŵp dan arweinyddiaeth rhiant-PAC fodloni o leiaf ddau o'r amodau canlynol:
6. Beth fydd cyfrifon PACau bach yn ei gynnwys? Yn gyffredinol, bydd cyfrifon PACau bach sy'n cael eu paratoi ar gyfer aelodau yn cynnwys:
A rhaid anfon adroddiad archwilwyr ariannol oni bai bod y PAC yn gymwys i gael ei heithrio rhag archwilio, gan fanteisio ar yr eithriad hwnnw) gyda'r cyfrifon. Rhaid i'r fantolen gynnwys datganiad mewn lle amlwg uwchben llofnod ac enw printiedig yr aelod dynodedig sy'n nodi bod y cyfrifon wedi cael eu paratoi yn unol â'r darpariaethau arbennig sy'n berthnasol i PACau sy'n destun y gyfundrefn ar gyfer PACau bach. 7. Beth yw'r eithriadau sydd ar gael ar gyfer PACau bach? Gall PACau bach baratoi a ffeilio cyfrifon symlach a llai manwl na'r rhai y bydd angen i PACau mawr a chanolig eu ffeilio. Nodir y gofynion ar gyfer PACau sy'n rhwym i'r gyfundrefn ar gyfer PACau bach yn Rhannau 15 ac 16 Deddf Cwmnïau 2006, fel y maent yn berthnasol i PACau. Gellir gweld darpariaethau ynghylch cynnwys a diwyg manwl y cyfrifon ar gyfer PACau bach yn Rheoliadau Partneriaethau Atebolrwydd Cyfyngedig Bach (Cyfrifon) 2008. 8. Beth fydd yn rhaid i PACau bach ei gyflwyno i Dŷ'r Cwmnïau? Gall aelodau dynodedig PAC fach ffeilio copi o'r cyfrifon a gafodd eu paratoi i'r aelodau o dan y drefn PACau bach, neu fersiwn cryno o'r cyfrifon hynny. Mae cynnwys cyfrifon cryno o dan y Ddeddf Cwmnïau i'w weld yn Neddf Cwmnïau 2006 fel y caiff honno ei chymhwyso at PACau ac yn rheoliad 5 ac Atodlen 3 i Reoliadau (Cyfrifon) Partneriaethau Bach Atebolrwydd Cyfyngedig 2008. Os byddwch yn crynhoi'r cyfrifon, bydd rhaid cyflwyno adroddiad archwilio ariannol arbennig, oni bai bod y PAC wedi cael eithriad rhag archwilio - gweler cwestiwn 10 o'r bennod hon. Rhaid i'r adroddiad ddatgan bod yr archwilydd o'r farn:
Nid yw'r hawl i baratoi cyfrifon cryno i Dŷ'r Cwmnïau yn effeithio ar rwymedigaethau PACau i baratoi cyfrifon llawn ar gyfer yr aelodau - gweler pennod 7. Does dim rhaid i PACau bach gyflwyno copi o'r cyfrif elw a cholled i Dŷ'r Cwmnïau. Caiff PACau bach sy'n paratoi cyfrifon sydd heb fod yn rhai IAS gyflwyno mantolen gryno. Rhaid i PACau bach sy'n paratoi cyfrifon IAS gyflwyno mantolen lawn i Dŷ'r Cwmnïau. Os byddwch yn manteisio ar y darpariaethau sy'n berthnasol i PACau bach, p'un ai cyfrifon cryno neu lawn a fôn nhw, mae'n rhaid ichi gynnwys datganiad mewn safle amlwg ar y fantolen ac uwchlaw enw printiedig a llofnod yr aelod dynodedig i'r perwyl bod y cyfrifon wedi'u paratoi yn unol â'r darpariaethau arbennig sy'n gymwys i PACau sy'n dod o dan y drefn PACau bach. Gallwch weld cynnwys cyfrifon cryno o dan y Ddeddf Cwmnïau fel y bo'n berthnasol i PACau yn Neddf Cwmnïau 2006 a Rheoliadau (Cyfrifon) Partneriaethau Atebolrwydd Cyfyngedig 2008. Sylwer: Os byddwch chi'n dewis llunio cyfrifon cryno ar gyfer Tŷ'r Cwmnïau, mae gofyn o hyd i chi baratoi cyfrifon llawn ar gyfer eich aelodau - gweler pennod 4. 9. A oes unrhyw reolau arbennig ar gyfer grwpiau bach? Oes, ni fydd yn rhaid i riant-PAC sy'n gymwys fel PAC fach, baratoi cyfrifon grŵp na'u cyflwyno i Dŷ'r Cwmnïau os bydd y grŵp yn fach a heb fod yn anghymwys. Os yw rhiant-PAC bach yn penderfynu paratoi cyfrifon grŵp, yna mae Atodlen 4 o Ran 1 o Reoliadau Partneriaethau Atebolrwydd Cyfyngedig Bach (Cyfrifon) 2008 yn pennu eu cynnwys. Os ydych chi'n paratoi cyfrifon grŵp, rhaid iddynt gynnwys datganiad uwchben y llofnod a'r enw printiedig ar y fantolen, sy'n cadarnhau "y paratowyd y cyfrifon yn unol â'r darpariaethau sy'n berthnasol i PACau, yn amodol ar y drefn PACau bach. 10. Pa eithriad rhag archwilio ariannol sydd ar gael ar gyfer PACau bach? Ceir eithriad rhag archwilio ariannol ar i rai PACau bach penodol os ydynt yn gymwys ac yn dymuno manteisio arno. 11. Pa PACau bach sy'n gymwys i fanteisio ar eithriad rhag archwilio ariannol? Ar gyfer blynyddoedd ariannol sy'n dod i ben cyn 1 Hydref 2012 rhaid i PAC fodloni'r meini prawf canlynol er mwyn bod yn gymwys i fanteisio ar eithriad rhag archwilio ariannol:
Ar gyfer blynyddoedd ariannol sy'n dod i ben ar 1 Hydref 2012 neu'n ddiweddarach, y cyfan sydd ei angen i PAC ei wneud yw bod yn gymwys i fod yn gwmni bach. Hynny yw, rhaid iddi fodloni unrhyw ddau o'r meini prawf canlynol:
12. A fydd pob math o PACau bach yn gymwys i fanteisio ar yr eithriad? Na fyddant. Rhaid i'r aelodau dynodedig ffeilio cyfrifon archwiliedig yn Nhŷ'r Cwmnïau os bydd y PAC yn perthyn i unrhyw un o'r categorïau canlynol:
Gellir eithrio rhai is-gwmnïau rhag archwilio os ydynt yn bodloni amodau penodedig ar gyfer blynyddoedd ariannol sy'n dod i ben ar 1 Hydref 2012 neu'n ddiweddarach. Am ragor o wybodaeth, trowch at Bennod 12. 13. Beth fydd yn rhaid i PAC wedi'i heithrio rhag archwilio ariannol ei gyflwyno i Dŷ'r Cwmnïau? Os bydd PAC fach yn gymwys i fanteisio ar eithriad rhag archwilio ariannol gall gyflwyno cyfrifon heb eu harchwilio i Dŷ'r Cwmnïau ar ffurf mantolen gryno a nodiadau neu os bydd yn dewis gwneud hynny, cyfrifon llawn. Yn y naill achos neu'r llall, rhaid i'r fantolen gynnwys y datganiadau canlynol uwchben enw printiedig a llofnod yr aelod dynodedig: Datganiad Eithrio rhag Archwilio "Ar gyfer y flwyddyn a ddaeth i ben ar ………………(dd/mm/bbbb), roedd gan y PAC yr hawl i fanteisio ar eithriad rhag archwilio ariannol dan adran 477 Deddf Cwmnïau 2006 (fel y'i cymhwysir gan Reoliadau Partneriaethau Atebolrwydd Cyfyngedig (Cyfrifon ac Archwilio)(Cymhwyso Deddf Cwmnïau 2006) 2008), sy'n ymwneud â PACau bach. Mae'r aelodau yn cydnabod eu cyfrifoldebau dros gydymffurfio gyda gofynion y Ddeddf ynghylch cofnodion cyfrifeg a'r gwaith o baratoi cyfrifon. Paratowyd y cyfrifon hyn unol â'r darpariaethau sy'n berthnasol i PACau sy'n rhwym i'r gyfundrefn ar gyfer PACau bach." Gall PACau bach sy'n cyflwyno mantolen lawn ddewis peidio cynnwys copi o'r cyfrif elw a'r colled. Yn yr achos hwn, rhaid i'r fantolen gynnwys datganiad ychwanegol hefyd, sy'n nodi bod y cyfrifon wedi cael eu cyflwyno yn unol â'r darpariaethau sy'n berthnasol i PACau sy'n rhwym i'r gyfundrefn ar gyfer PACau bach. 14. Faint o amser fydd gennyf i gyflwyno cyfrifon wedi'u heithrio rhag archwilio ariannol i Dŷ'r Cwmnïau? Bydd gennych yr un faint o amser i ffeilio cyfrifon archwiliedig a chyfrifon wedi'u heithrio rhag archwilio ariannol, ac mae'r gyfraith yn pennu'r un cosbau â'r rhai a bennir ar gyfer ffeilio'r holl gyfrifon eraill yn hwyr. 15. A oes yn rhaid i PAC wedi'i heithrio rhag archwilio ariannol anfon cyfrifon at ei haelodau a'i dyledebwyr o hyd? Oes. Mae gan aelodau a dyledebwyr yr hawl i gael neu fynnu copïau o'r cyfrifon ac unrhyw adroddiad cysylltiedig archwilydd ariannol. Pennod 10 - Cyfrifon PAC canolig1. Beth yw PAC ganolig? Yn yr un modd â PAC fach, pennir PAC ganolig gan ei throsiant, cyfanswm ei mantolen (sy'n golygu cyfanswm yr asedau) a nifer cyfartalog y gweithwyr. Gall PAC ganolig baratoi cyfrifon yn unol â darpariaethau arbennig sy'n berthnasol ar gyfer PACau canolig. Mae hyn yn golygu y gallant ddewis cyflwyno llai o wybodaeth i Dŷ'r Cwmnïau. Ni fydd modd ystyried bod PACau gwasanaethau ariannol penodol, a PACau y mae eu gwarannoedd yn cael eu derbyn i'w masnachu mewn marchnad wedi ei rheoleiddio yn yr AEE, yn gymwys fel PACau canolig. Yn yr un modd, ni fydd modd ystyried bod PACau sy'n rhan o grŵp ac sy'n cynnwys aelodau sy'n gwmnïau cyhoeddus neu PACau gwasanaethau ariannol penodol, yn gymwys fel rhai canolig at ddibenion cyfrifeg. 2. Beth yw'r amodau er mwyn bod yn gymwys fel PAC ganolig? Er mwyn bod yn PAC ganolig, rhaid i chi fodloni o leiaf ddau o'r amodau canlynol:
Os nad hwn yw cyfnod cyfrifeg cyntaf y PAC, rhaid ei bod wedi cymhwyso fel un ‘ganolig' yn ystod y cyfnod cyn hynny. 3. A oes unrhyw PACau yn cael eu heithrio rhag cael eu trin fel rhai canolig? Oes. Ni fydd modd trin PAC fel PAC ganolig os yw, neu os oedd ar unrhyw adeg yn ystod y flwyddyn ariannol, yn un o'r canlynol;
Bydd grŵp yn anghymwys os bydd unrhyw un o'i aelodau:
4. A oes modd i PAC fod yn gymwys fel PAC ganolig bob blwyddyn? Yn gyffredinol, bydd PAC yn gymwys fel un ‘ganolig' yn ystod ei chyfnod cyfrifeg cyntaf os bydd yn bodloni'r amodau yn ystod y flwyddyn honno. Mewn unrhyw gyfnod dilynol, rhaid i PAC fodloni'r amodau yn ystod y cyfnod hwnnw ac yn ystod y cyfnod cyn hynny. Fodd bynnag, os na fydd PAC a oedd yn gymwys fel un ganolig yn ystod un cyfnod, yn bodloni'r meini prawf mwyach ar gyfer PAC ganolig yn ystod y cyfnod nesaf, gall barhau i hawlio'r eithriadau sydd ar gael ar gyfer y cyfnod nesaf. Yna, os bydd y PAC yn mynd yn ôl i fod yn PAC ganolig trwy fodloni'r meini prawf, bydd yr eithriad yn parhau yn ddi-dor. 5. Beth fydd cyfrifon PAC ganolig yn ei gynnwys? Rhaid i gyfrifon canolig gynnwys:
a rhaid anfon adroddiad archwilwydd ariannol gyda'r cyfrifon oni bai bod y PAC wedi cael eithriad rhag archwilio. 6. Beth yw'r eithriadau sydd ar gael ar gyfer PACau canolig? Gall PACau canolig sy'n paratoi cyfrifon dan y Ddeddf Cwmnïau, fel y'i cymhwysir ar gyfer PACau (ond nid cyfrifon IAS), hepgor datgelu ynghylch cydymffurfiaeth gyda safonau cyfrifeg a thrafodion parti cysylltiedig o'r cyfrifon y byddant yn eu hanfon at ei haelodau. Yn ogystal, gall PACau canolig sy'n paratoi cyfrifon nad ydynt yn gyfrifon IAS, ddewis ffeilio fersiwn ychydig yn fyrrach o'r cyfrif elw a cholled. Gellir gweld gwybodaeth bellach yn Rheoliadau Partneriaethau Atebolrwydd Cyfyngedig Mawr a Chanolig (Cyfrifon) 2008. Gall rhai PACau sy'n is-gwmnïau gael eu heithrio rhag archwiliad os ydyn nhw'n bodloni meini prawf penodedig ar gyfer blynyddoedd ariannol sy'n dod i ben ar 1 Hydref 2012 neu'n ddiweddarach. Trowch at Bennod 12 am ragor o wybodaeth. 7. Beth fydd yn rhaid i PAC ganolig ei gyflwyno i Dŷ'r Cwmnïau? Rhaid i gyfrifon cryno PAC ganolig gynnwys:
a rhaid anfon adroddiad archwilio arbennig gyda'r cyfrifon. Dylai'r adroddiad archwilio ariannol arbennig nodi bod gan y PAC, ym marn yr archwilydd, yr hawl i gyflwyno cyfrifon cryno yn unol ag adran 445(3) Deddf Cwmnïau 2006 (fel y'i cymhwysir gan Reoliadau Partneriaethau Atebolrwydd Cyfyngedig (Cyfrifon ac Archwilio)(Cymhwyso Deddf Cwmnïau 2006) 2008) a'u bod wedi cael eu paratoi yn gywir yn unol â rheoliad 4 Rheoliadau Partneriaethau Atebolrwydd Cyfyngedig Mawr a Chanolig (Cyfrifon) 2008). 8. A oes rheolau arbennig ar gyfer grwpiau canolig? Na. Rhaid i riant-PAC canolig baratoi cyfrifon grŵp a'u cyflwyno i Dŷ'r Cwmnïau. Pennod 11 - Cyfrifon PAC segur1. Beth yw PAC segur? Mae PAC yn segur os na fydd wedi cael unrhyw ‘drafodion cyfrifeg arwyddocaol' yn ystod y cyfnod cyfrifeg. Mae trafodion cyfrifeg arwyddocaol yn drafodion y dylai'r PAC eu nodi yn ei chofnodion cyfrifeg. Wrth bennu a yw PAC yn segur neu beidio, gallwch ddiystyru'r trafodion canlynol:
2. Pa eithriadau sydd ar gael? Gall PACau segur hawlio eithriad rhag archwilio, a dim ond nodiadau a mantolen gryno y bydd angen iddynt eu paratoi a'u cyflwyno i Dŷ'r Cwmnïau. Ni fydd yn rhaid i chi gynnwys cyfrif elw a cholled mewn cyfrifon PACau segur sy'n cael eu ffeilio yn Nhŷ'r Cwmnïau. Ni chaiff PAC fanteisio ar yr eithriad rhag archwilio ariannol y gall PAC segur fanteisio arno, os bydd unrhyw rai o'r canlynol yn berthnasol iddi ar unrhyw adeg yn ystod y flwyddyn ariannol dan sylw:
Ni fydd gan PAC yr hawl i fanteisio ar yr eithriad rhag archwilio ar gyfer PAC segur, oni bai bod ei mantolen yn cynnwys y datganiadau sy'n ofynnol dan y Ddeddf. Mae cwestiwn 5 yn sôn am y datganiadau . Gall cwmni segur sy'n is-gwmni hefyd hawlio eithriad rhag paratoi a/neu ffeilio ei gyfrifon o dan amgylchiadau penodol hefyd - am ragor o wybodaeth trowch at gwestiwn 9. 3. Beth yw'r amodau y mae'n rhaid i PAC segur eu bodloni er mwyn cael ei heithrio rhag archwilio ariannol? Bydd PAC segur yn cael ei heithrio o'r gofyniad i gael archwiliad ariannol ar gyfer y flwyddyn ariannol honno:
4. Pa wybodaeth y bydd yn rhaid i gyfrifon PAC segur ei chynnwys? Ni fydd angen i gyfrifon PAC segur a gyflwynir i Dŷ'r Cwmnïau gynnwys cyfrif elw a cholled. Mae cyfrifon segur heb eu harchwilio lawer yn symlach na chyfrifon PAC sy'n masnachu, ond mae'n rhaid iddynt gynnwys:
Ni fydd yr hawl i baratoi mantolen segur i'w ffeilio yn Nhŷ'r Cwmnïau yn effeithio ar rwymedigaethau'r PAC i baratoi cyfrifon llawn ar gyfer ei haelodau. 5. Pa ddatganiadau y bydd angen i mi eu cynnwys yn y fantolen? Dylai'r datganiadau canlynol ymddangos uwchben enw printiedig a llofnod yr aelod dynodedig: Datganiad Eithrio rhag Archwilio "Ar gyfer y flwyddyn a ddaeth i ben ar ………………………. (dd/mm/bbbb), roedd gan y PAC yr hawl i fanteisio ar eithriad rhag archwilio ariannol dan adran 480 Deddf Cwmnïau 2006 (fel y'i cymhwysir gan Reoliadau Partneriaethau Atebolrwydd Cyfyngedig (Cyfrifon ac Archwilio)(Cymhwyso Deddf Cwmnïau 2006) 2008), sy'n ymwneud â PACau segur. Mae'r aelodau yn cydnabod eu cyfrifoldebau dros gydymffurfio gyda gofynion y Ddeddf ynghylch cofnodion cyfrifeg a'r gwaith o baratoi cyfrifon." Dylai PAC sy'n gymwys fel PAC fach, gynnwys y datganiad canlynol yn y fantolen hefyd: "Paratowyd y cyfrifon hyn yn unol â'r darpariaethau sy'n berthnasol i bartneriaethau atebolrwydd cyfyngedig sy'n rhwym i'r gyfundrefn ar gyfer partneriaethau atebolrwydd cyfyngedig bach". 6. Faint o amser fydd gennyf i gyflwyno cyfrifon segur i Dŷ'r Cwmnïau? Bydd gennych yr un amser ag a ganiateir ar gyfer ffeilio, a rhoddir yr un cosbau am ffeilio hwyr, ag sy'n berthnasol ar gyfer cyfrifon eraill. Mae modd gweld gwybodaeth bellach yn ein canllaw ynghylch Cosbau Ffeilio Hwyr ar gyfer Partneriaethau Atebolrwydd Cyfyngedig. 7. Beth fydd yn digwydd os bydd fy PAC yn dechrau masnachu unwaith eto? Ni fydd y PAC yn cael ei heithrio rhag archwilio ariannol fel PAC segur mwyach:
Pe bai un o'r rhain yn digwydd, efallai y byddai'n rhaid i chi gyflwyno cyfrifon llawn ar gyfer y flwyddyn ariannol pan nad oedd modd i'r PAC gael ei heithrio mwyach, ac efallai y bydd angen i'r aelodau dynodedig benodi archwilwyr ar gyfer y PAC. Fodd bynnag, efallai y byddai'r PAC yn gymwys i fanteisio ar eithriadau fel PAC ganolig neu fach. 8. A oes yna enghraifft o fantolen segur ar gyfer PAC? Oes. Mae'r mantolenni isod yn cynnig arweiniad i'r holl wybodaeth y mae angen ei chynnwys ar eich mantolen. Bwriad y fformatau hyn yw dangos yr holl asedau a rhwymedigaethau a all fod gan PAC, ond nid oes angen i chi gynnwys pennawd penodedig oni bai bod swm heblaw sero gennych i'w nodi o dan y pennawd hwnnw. Enghreifftiau yn unig yw'r mantolenni hyn. Nid ddylid eu llungopïo a'u llenwi. Mae dau fformat - wedi eu marcio A a B - a chewch ddilyn y naill neu'r llall. Mae cynnwys y ddau fformat yr un fath yn union; yr unig wahaniaeth yw eu bod yn cyflwyno penawdau'r fantolen mewn trefn wahanol. Rhaid i'r fantolen gydbwyso:
Rhaid i bob cofnod fod yn swm mewn ffigurau (nid geiriau) neu '0.00'. Ni fydd Tŷ'r Cwmnïau yn derbyn unrhyw ddogfen sy'n dangos y gair ‘Dim' neu ‘Sero' lle dylai fod ffigur. Dylai pob colofn o ffigurau fod dan bennawd y dyddiad pan ddaeth y blynyddoedd ariannol cyfredol a blaenorol i ben. Rhestrir yr eitemau y mae angen eu cynnwys yn y nodiadau ar y fantolen ar gyfer y ddau fformat yma MANTOLEN SEGUR FFORMAT A Rhif y Bartneriaeth Atebolrwydd Cyfyngedig ............................ Enw'r Bartneriaeth Atebolrwydd Cyfyngedig .......................................... Y FANTOLEN AR ..../..../.......
Yn ystod y flwyddyn a ddaeth o ben ar ………………………. (dd/mm/bbbb) roedd gan y PAC hawl i eithriad rhag archwilio o dan adran 480 o Ddeddf Cwmnïau 2006 (fel y mae'r Rheoliadau Partneriaethau Atebolrwydd Cyfyngedig (Cyfrifon ac Archwilio) (Cymhwyso Deddf Cwmnïau 2006) 2008 yn eu cymhwyso) mewn perthynas â PAC segur. Mae'r aelodau yn cydnabod eu cyfrifoldebau dros gydymffurfio â gofynion y Ddeddf mewn perthynas â chofnodion cyfrifeg a pharatoi cyfrifon. Dylai PAC sy'n paratoi ei chyfrifon o dan y drefn fach gynnwys y datganiad canlynol ar y fantolen hefyd: "Paratowyd y cyfrifon hyn yn unol â'r darpariaethau sy'n berthnasol i bartneriaethau atebolrwydd cyfyngedig sy'n dod o dan y drefn partneriaethau atebolrwydd cyfyngedig bach." Wedi eu cymeradwyo gan yr aelodau ar...............(dyddiad)
Rhif y Bartneriaeth Atebolrwydd Cyfyngedig ............................ Enw'r Bartneriaeth Atebolrwydd Cyfyngedig.......................................... Y FANTOLEN AR ..../..../.......
Yn ystod y flwyddyn a ddaeth o ben ar ………………………. (dd/mm/bbbb) roedd gan y PAC hawl i eithriad rhag archwilio o dan adran 480 o Ddeddf Cwmnïau 2006 (fel y mae'r Rheoliadau Partneriaethau Atebolrwydd Cyfyngedig (Cyfrifon ac Archwilio) (Cymhwyso Deddf Cwmnïau 2006) 2008 yn eu cymhwyso) mewn perthynas â PAC segur. Mae'r aelodau yn cydnabod eu cyfrifoldebau dros gydymffurfio â gofynion y Ddeddf mewn perthynas â chofnodion cyfrifeg a pharatoi cyfrifon. Dylai PAC sy'n paratoi ei chyfrifon o dan y drefn fach gynnwys y datganiad canlynol ar y fantolen hefyd: "Paratowyd y cyfrifon hyn yn unol â'r darpariaethau sy'n berthnasol i bartneriaethau atebolrwydd cyfyngedig sy'n dod o dan y drefn partneriaethau atebolrwydd cyfyngedig bach." Wedi eu cymeradwyo gan yr aelodau ar...............(dyddiad) Nodiadau ar y fantolen ar gyfer partneriaethau atebolrwydd cyfyngedig segur Rhaid cynnwys y canlynol yn y nodiadau ar y fantolen:
Yn ogystal, rhaid nodi'r wybodaeth ganlynol mewn perthynas ag unrhyw is-ymgymeriadau a buddsoddiadau eraill:
9. A all is-gwmni segur hawlio eithriad rhag paratoi a/neu ffeilio ei gyfrifon? Gall, os yw eich PAC sy'n is-gwmni yn segur trwy gydol y flwyddyn ariannol a sefydlwyd eich rhiant-ymgymeriad o dan gyfraith un o wladwriaethau AEE, yna mae'n bosibl y gallwch hawlio eithriad rhag paratoi eich cyfrifon o dan adran 394A o'r Ddeddf fel y'i cymhwysir i PACau, neu o'r rhwymedigaeth i gyflwyno cyfrifon i Dŷ'r Cwmnïau o dan adran 448A o'r Ddeddf fel y'i cymhwysir i PACau. Mae hyn yn berthnasol i gyfnodau cyfrifeg sy'n dod i ben ar Hydref 2012 neu'n ddiweddarach. Rhaid paratoi a ffeilio unrhyw gyfrifon sy'n dod i ben cyn y dyddiad hwnnw o hyd. Sylwer - Mae'r eithriad rhag paratoi (adran 394A) yn cwmpasu'r gofyniad i ffeilio cyfrifon hefyd, ac felly nid oes angen i PAC sydd wedi hawlio'r eithriad hwn hawlio eithriad rhag ffeilio hefyd (o dan adran 448A). 10. O dan ba amodau y gall cwmni segur hawlio eithriad rhag paratoi a/neu ffeilio ei gyfrifon? I fanteisio ar unrhyw un o'r eithriadau hyn, rhaid i'r PAC fod wedi bod yn segur trwy gydol y flwyddyn ariannol a rhaid i'w rhiant gwmni fod wedi cael ei sefydlu o dan gyfraith un o wladwriaethau AEE. Bydd angen i chi gyflwyno'r dogfennau canlynol i Dŷ'r Cwmnïau hefyd, a hynny cyn y dyddiad pan fo'ch cyfrifon yn ddyledus:
Sylwer:
11 . Pa wybodaeth y mae'n rhaid ei chynnwys ar y ffurflen LL AA06? Rhaid i'r datganiad gynnwys y wybodaeth ganlynol:
12. Beth yw effaith y warant, a phryd daw'r warant i rym? Effaith y warant yw bod y rhiant-ymgymeriad yn gwarantu'r holl rwymedigaethau dyledus y mae'r is-gwmni'n rhwym iddynt ar ddiwedd y flwyddyn ariannol. Daw'r warant i rym pan fydd yn dod i law'r cofrestrydd a bydd yn aros mewn grym nes y caiff yr holl rwymedigaethau eu diwallu. 13. A all pob is-gwmni segur hawlio'r eithriadau hyn? Na all. Nid all is-gwmni segur hawlio eithriad os bu'n unrhyw un o'r canlynol ar unrhyw adeg yn ystod y flwyddyn ariannol o dan sylw:
Pennod 12 - Eithriadau rhag archwilio ar gyfer is-gwmnïau sy'n PACau1. A all is-gwmni hawlio eithriad rhag archwilio? Gall is-gwmni hawlio eithriad rhag archwilio o dan amgylchiadau penodol os sefydlwyd ei riant-gwmni o dan gyfraith un o wladwriaethau AEE. Er mwyn manteisio ar yr eithriad hwn, bydd angen i chi gyflwyno'r dogfennau canlynol i'r Cofrestrydd cyn dyddiad dyledus eich cyfrifon:
Sylwer:
2. A all pob is-gwmni hawlio'r eithriad hwn? Na all. Ni all is-gwmni hawlio eithriad os oedd yn unrhyw un o'r canlynol ar unrhyw adeg yn ystod y flwyddyn ariannol o dan sylw:
3. Pa wybodaeth y mae angen ei chynnwys ar y ffurflen AA06? Rhaid i'r datganiad gynnwys y wybodaeth ganlynol:
4. Beth yw effaith y warant, a phryd daw'r warant i rym? Effaith y warant yw bod y rhiant-ymgymeriad yn gwarantu'r holl rwymedigaethau dyledus y mae'r is-gwmni yn rhwym iddynt ar ddiwedd y flwyddyn ariannol. Daw'r warant i rym pan fydd yn dod i law'r cofrestrydd a bydd yn aros mewn grym nes y caiff yr holl rwymedigaethau eu diwallu. 5. Pa ddatganiadau y mae angen i mi eu cynnwys ar gyfrifon is-gwmni sy'n PAC? Rhaid i'r is-gwmni sy'n PAC gynnwys datganiadau ar fantolen ei gyfrifon unigol ar hyd y trywydd hwn: Datganiad Eithriad rhag Archwilio "Ar gyfer y flwyddyn a ddaeth i ben ar ………………………. (dd/mm/bbbb), roedd gan y PAC hawl i gael ei eithrio rhag archwilio ariannol o dan adran 479A o Ddeddf Cwmnïau 2006 fel y'i cymhwysir i PACau gyda golwg ar is-gwmnïau segur. Cyfrifoldebau'r aelodau:
Pennod 13 - Archwilwyr1. Beth yw archwilydd? Mae archwilydd yn unigolyn sy'n paratoi adroddiad annibynnol ar gyfer aelodau PAC, ynghylch a yw'r PAC wedi paratoi ei chyfrifon blynyddol yn unol â gofynion Deddf Cwmnïau 2006 fel y'i cymhwysir ar gyfer PACau, a'r fframwaith adrodd ariannol perthnasol. Rhaid i'r adroddiad nodi a yw'r cyfrifon yn cynnig darlun cywir a theg o sefyllfa'r PAC ar ddiwedd y flwyddyn ariannol, a'r elw a'r golled ar gyfer y flwyddyn. 2. Sut ddylwn i benodi archwilydd? Rhaid penodi archwilydd ar gyfer pob blwyddyn ariannol, oni bai bod yr aelodau dynodedig yn penderfynu fel arall mewn ffordd resymol, ar y sail nad yw'n debygol y bydd cyfrifon archwiliedig yn angenrheidiol . Bydd yr aelodau dynodedig yn penodi archwilydd cyntaf PAC. Yna, gall yr aelodau benodi neu ailbenodi archwilydd bob blwyddyn cyn pen 28 diwrnod i'r adeg pan fydd yr aelodau dynodedig yn anfon y cyfrifon at yr aelodau, neu ar ddiwedd y cyfnod pan ddylent fod wedi cael eu hanfon. Os na fyddant yn gwneud hynny am flwyddyn arbennig, fodd bynnag, bydd yr archwilydd a benodwyd yn parhau i gyflawni'r swydd nes bydd yr aelodau yn gwneud penderfyniad i'w ailbenodi neu i'w ddiswyddo fel archwilydd, oni bai bod cytundeb y PAC yn mynnu'r ailbenodiad mewn gwirionedd. 3. Beth mae archwilydd yn ei wneud? Bydd yr archwilydd yn archwilio cyfrifon a chofnodion cyfrifeg y PAC ac yn paratoi adroddiad ar gyfer yr aelodau. 4. Beth fydd adroddiad yr archwilydd ariannol yn ei gynnwys? Rhaid i adroddiad yr archwilydd ariannol gynnwys:
Rhaid i adroddiad yr archwilwyr ariannol fod yn ddiamod neu'n amodol, gan gyfeirio at unrhyw faterion y mae'r archwilwyr yn dymuno tynnu sylw atynt, heb amodi'r adroddiad. Bydd yr archwilwyr yn amodi'r adroddiad lle y bu cyfyngiad o ran cwmpas gwaith yr archwilwyr neu pan geir anghytundeb o sylwedd rhwng y PAC a'r archwilwyr ynghylch y cyfrifon 5. Pwy sy'n gyfrifol am lofnodi adroddiad yr archwilwyr ariannol? Rhaid i'r archwilwyr brintio eu henw, llofnodi a dyddio'r adroddiad y byddant yn ei ddarparu i aelodau PAC ar ôl cwblhau'r archwiliad. Pan fo'r archwilydd yn gwmni, rhaid i'r uwch-archwilydd statudol lofnodi adroddiad yr archwilwyr ariannol gwreiddiol yn ei enw ef, ar ran y cwmni. Yn ogystal, rhaid iddo ddyddio'r llofnod. Rhaid i'r PAC nodi enw'r uwch-archwilydd statudol yng nghopïau adroddiad yr archwilwyr ariannol a gyhoeddir ganddo. Rhaid i gopïau o adroddiadau'r archwilwyr ariannol a gyflwynir i Dŷ'r Cwmnïau nodi enw'r cwmni archwilio a'r uwch-archwilydd statudol, ond does dim rhaid iddynt gael eu llofnodi. 6. A oes unrhyw eithriadau rhag nodi enw'r archwilydd ar adroddiad yr archwilwyr ariannol? Oes. Os yw'r PAC o'r farn bod risg y byddai'r archwilydd neu unrhyw unigolyn arall mewn perygl o ddioddef bygythiad neu drais difrifol pe bai enw'r archwilydd (neu enw'r "uwch-archwilydd statudol" a lofnododd yr adroddiad ar ran y cwmni) yn ymddangos ar gopïau o'r adroddiad a ffeiliwyd neu a gyhoeddwyd, gallant benderfynu peidio cynnwys yr enw yn y copïau hynny. Ni ddylech anfon copi o'r penderfyniad i Dŷ'r Cwmnïau, ond dylech anfon hysbysiad yn ei gylch i'r cyfeiriad canlynol, Yr Ysgrifennydd Gwladol Rhaid i'r hysbysiad nodi:
Byddai angen i adroddiad yr archwilwyr a fyddai'n cael ei atodi wrth y cyfrifon, gynnwys y datganiad canlynol: "Mae'r PAC wedi penderfynu, yn unol ag adran 506 Deddf Cwmnïau 2006 (fel y'i cymhwysir gan Reoliadau Partneriaethau Atebolrwydd Cyfyngedig (Cyfrifon ac Archwilio)(Cymhwyso Deddf Cwmnïau 2006) 2008), na ddylid nodi enw'r archwilydd." 7. A oes modd i'm cyfrifydd gyflawni rôl archwilydd? Rhaid i archwilydd fod yn annibynnol ar y PAC; felly, ni allwch benodi unigolyn i fod yn archwilydd os ydynt:
Os na fydd eich cyfrifydd yn perthyn i un o'r categorïau uchod, ac os ydynt yn archwilydd cofrestredig dan oruchwyliaeth corff goruchwylio cydnabyddedig, gallant weithredu fel archwilydd y PAC. Cofiwch: Ni fydd holl aelodau corff goruchwylio cydnabyddedig yn gymwys i weithredu fel archwilydd, ond bydd y corff goruchwylio priodol yn gallu dweud wrthych a yw unigolyn neu gwmni penodol yn archwilydd cofrestredig. 8. Beth a phwy yw cyrff goruchwylio cydnabyddedig? Mae'r Bwrdd Goruchwylio Proffesiynol dros Gyfrifeg yn cydnabod bod gan y cyrff hyn reolau a gynlluniwyd i sicrhau bod archwilwyr yn meddu ar y lefelau uchaf o ran cymhwystra proffesiynol. Mae gan bob corff cydnabyddedig reoliadau llym a chod disgyblu sy'n llywodraethu gweithredoedd eu harchwilwyr cofrestredig. Mae'r pedwar corff cydnabyddedig fel a ganlyn: Sefydliad Cyfrifwyr Siartredig yr Alban Sefydliad Cyfrifwyr Siartredig Lloegr a Chymru Sefydliad Cyfrifwyr Siartredig Iwerddon Cymdeithas y Cyfrifwyr Ardystiedig Siartredig 9. Ai dim ond cyfrifon blynyddol y mae archwilwyr yn eu harchwilio fel arfer? Yn amodol ar safonau moeseg y Bwrdd Arferion Archwilio, mae dyletswyddau statudol yr archwilwyr yn gyfyngedig i sicrhau y cadwyd digon o lyfrau a chofnodion, ac i adrodd ar y cyfrifon blynyddol. Eto'n amodol ar y safonau moesegol hynny, nid oes dim i atal PAC rhag cyflogi archwiliwr at ddibenion eraill, fel cadw llyfrau neu lenwi'r ffurflen dreth, ar yr amod nad yw ef (neu hi) yn chwarae rhan wrth reoli'r PAC. Dylech gytuno ar lythyr cyflogi sy'n pennu cwmpas gwaith yr archwilydd a ffurf unrhyw adroddiadau a gaiff eu paratoi gan yr archwilydd. 10. Beth fydd yn rhaid i archwilydd ei wneud pan na fydd yn cyflawni'r swydd mwyach? Os na fydd archwilydd yn cyflawni ei swydd mwyach am unrhyw reswm, rhaid iddo adneuo hysbysiad yn swyddfa gofrestredig PAC. Dylid cynnwys datganiad gan yr archwilydd sy'n nodi unrhyw amgylchiadau sy'n gysylltiedig gyda'r ffaith nad yw'n cyflawni'r swydd mwyach, y dylid dwyn sylw aelodau a chredydwyr PAC atynt yn ei farn ef. Os nodir unrhyw amgylchiadau o'r fath, rhaid i'r PAC anfon copi o'r datganiad at holl aelodau'r PAC oni bai ei bod yn gwneud cais llwyddiannus i'r llys er mwyn atal hyn rhag digwydd. Os na fydd yr archwilydd yn cael hysbysiad o gais i'r llys cyn pen 21 diwrnod i adneuo'r datganiad gyda'r PAC, rhaid i'r archwilydd anfon copi o'r datganiad i Dŷ'r Cwmnïau cyn pen 7 diwrnod pellach. Os na cheir unrhyw amgylchiadau o'r fath, rhaid i'r archwilydd adneuo datganiad gyda'r PAC i'r perwyl hwnnw. Nid oes yn rhaid i'r PAC gylchredeg y datganiad hwn ymhlith yr aelodau, ond mae'n rhaid cyflwyno copi ohono i Dŷ'r Cwmnïau. Yn ogystal, lle bo'r archwilydd yn ymddiswyddo neu'n cael ei ddiswyddo, mae rhwymedigaeth ar yr archwilydd a'r PAC i hysbysu'r ‘awdurdod archwilio priodol'. Mae canllawiau manylach ar y darpariaethau hyn ar wefan y cyngor Adrodd Ariannol sef www.frc.org.uk Pennod 14 - ArwystlonErnes y mae PAC yn ei roi am fenthyciad yw arwystl. Gall y PAC sy’n creu’r arwystl (neu unrhyw berson â buddiant yn yr arwystl) gyflwyno’r datganiad o fanylion, gyda chopi ardystiedig o offeryn yr arwystl (os oes un) a’r ffi perthnasol, i’r cofrestrydd i’w gofrestru (dylid nodi bod rhaid i PACau a gofrestrwyd yn Lloegr a Chymru neu yng Ngogledd Iwerddon gyflwyno’r copi gwreiddiol o’r arwystl yn hytrach na chopi ardystiedig os crëwyd yr arwystl cyn 6 Ebrill 2013). Os bydd PAC yn creu arwystl ac nad yw’n cyflwyno’r dogfennau angenrheidiol a’r ffi i’r cofrestrydd i’w cofrestru cyn pen y cyfnod a ganiateir, ac os bydd y PAC yn methdalu wedyn, caiff yr arwystl ei ddirymu o safbwynt y datodydd neu’r gweinyddydd ac unrhyw un sy’n gredydwr i’r PAC. Mae hyn yn golygu y bydd y ddyled y rhoddwyd yr arwystl mewn perthynas ag ef yn daladwy o hyd, ond bydd yn ddyled ansicredig. Os na ddaeth arwystl i law Tŷ’r Cwmnïau mewn da bryd, y llys yn unig a gaiff roi estyniad o ran yr amser a ganiateir i’w gofrestru. Caniateir cyfnod o 21 diwrnod i gyflwyno arwystlon – mae’r manylion yn y tabl yng nghwestiwn 1b wrth ymyl y disgrifiad o’r ffurflen. Un drefn sydd yna ledled y DU i gofrestru arwystlon a grëwyd ar 6 Ebrill 2013 neu’n ddiweddarach. Mae hyn yn golygu y bydd yr holl PACau sy’n gofrestredig yn y DU yn cyflwyno’r un ffurflenni i Dŷ’r Cwmnïau. Yr unig ffurflen sy’n dal i fod yn berthnasol yn benodol yn yr Alban ar gyfer arwystlon a gofrestrwyd ar 6 Ebrill 2013 neu’n ddiweddarach yw Ffurflen LLP466 - - Manylion offeryn i ddiwygio arwystl ansefydlog . Mae gwahanol reolau’n berthnasol yn dibynnu pryd y cafodd yr arwystl ei greu:
1 Cofrestru Arwystlon a grëwyd ar 6 Ebrill 2013 neu’n ddiweddarach 1a. Arwystlon a grëwyd ar 6 Ebrill 2013 neu’n ddiweddarach y gellir eu cofrestru Gellir cofrestru unrhyw arwystlon, oni bai eu bod wedi cael ei heithrio’n benodol. Dyma’r arwystlon sy’n cael eu heithrio;
1b. Pa ffurflen ddylwn i ei defnyddio?
1c. Ffeilio electronig Gellir cyflwyno’r ffurflenni LLMR01, LLMR02, LLMR04 ac LLMR05 yn electronig gan ddefnyddio WebFiling neu Software Filing. Dyma’r dull cyflymaf, rhataf a mwyaf hwylus i ffeilio dogfennau. WebFiling (Gall PACau ffeilio arwystlon eu PAC hunain gan ddefnyddio cod dilysu’r PAC ac ni fydd angen LAC yn hynny o beth). Rhagor o fanylion (yn Saesneg) am ffeilio dogfennau arwystl trwy WebFiling Software filing 1d. Pethau i’w cofio wrth ffeilio Ffurflen MR01 Y Ffurflen MR01 yw’r ffurflen arwystlon sy’n cael ei ffeilio amlaf yn Nhŷ’r Cwmnïau. (Rhaid ffeilio ffurflen MR08 yn hytrach os nad oes offeryn.) Mae’n bwysig gweithredu cyn gynted â phosibl, ac wrth gyflwyno’r dogfennau i Dŷ’r Cwmnïau, cofiwch:
1e. Beth os yw offeryn yr arwystl yn cynnwys gwybodaeth bersonol? Cewch ddileu rhai manylion personol o’r copi ardystiedig o’r offeryn cyn ei gyflwyno i Dŷ’r Cwmnïau. Dyma’r wybodaeth y cewch ei dileu:
Chi sy’n dewis sut i fynd ati i ddileu’r wybodaeth hon. 2. Caffael eiddo sydd eisoes yn destun arwystl Os byddwch chi’n caffael eiddo sydd eisoes yn destun arwystl, ac nad yw’r arwystl yn un sydd wedi ei eithrio o’r gofynion cofrestru, cewch gofrestru’r arwystl hwnnw. Dylai’r PAC (neu unrhyw berson sydd â buddiant yn yr arwystl) lenwi ffurflen LLMR02 a’i chyflwyno i Dŷ’r Cwmnïau, ynghyd â chopi ardystiedig o’r offeryn sy’n creu neu sy’n tystiolaethu’r arwystl. Rhaid cyflwyno ffurflen LLMR09 os nad oes unrhyw offeryn. Bodloni arwystlon 3. Beth ddylwn i ei wneud os yw’r PAC wedi bodloni’r ddyled? Nid oes angen i’r PAC hysbysu Tŷ’r Cwmnïau ei fod wedi talu’r ddyled yn llwyr neu’n rhannol. Fodd bynnag, er budd y PAC ei hun, mae’n bwysig bod darpar-fuddsoddwyr a benthycwyr yn ymwybodol ei fod wedi bodloni’r ddyled yn llwyr neu’n rhannol. Os ydych chi’n dymuno hysbysu Tŷ’ Cwmnïau, dylech gyflwyno ffurflen LLMR04. 4. Beth os yw’r eiddo sydd o dan arwystl, yn peidio â bod yn destun arwystl neu’n peidio â bod yn eiddo i’r PAC? Nid oes unrhyw ofyniad i PAC hysbysu Tŷ’r Cwmnïau bod eiddo wedi cael ei ryddhau o arwystl neu nad yw’n eiddo i’r PAC mwyach. Fodd bynnag, er budd y PAC ei hun, mae’n bwysig bod darpar-fuddsoddwyr a benthycwyr yn ymwybodol o hyn. Os ydych am hysbysu Tŷ’r Cwmnïau, dylech gyflwyno ffurflen LLMR05. Gellir cael rhagor o wybodaeth am Gofrestru Arwystlon yn Adran 25 o Ddeddf Cwmnïau 2006 (fel y’i diwygiwyd gan Reoliadau Ddeddf Cwmnïau 2006 (Diwygio Adran 25) 2013 (fel y’i cymhwysir at PACau gan Reoliadau Partneriaethau Atebolrwydd Cyfyngedig (Cymhwyso Deddf Cwmnïau 2006) 2009). 5. Cofrestru arwystlon a grëwyd cyn 6 Ebrill 2013 5a. Arwystlon a grëwyd cyn 6 Ebrill 2013 y mae’n rhaid eu cofrestru yn Nhŷ’r Cwmnïau Dyma’r mathau o arwystlon y mae’n rhaid i PACau a gorfforwyd yn Lloegr a Chymru, Cymru a Gogledd Iwerddon, eu cofrestru:
Yn achos PACau a gorfforwyd yn yr Alban, dyma’r arwystlon y mae’n rhaid eu cofrestru;
5b. Pa ffurflen ddylwn i ei defnyddio ar gyfer arwystlon a grëwyd cyn 6 Ebrill 2013?
Pennod 15 - Ansawdd dogfennau1. Beth fydd yn digwydd i ddogfennau y byddaf yn eu hanfon i Dy'r Cwmnïau? Byddwn yn sganio'r dogfennau a'r ffurflenni papur y byddwch yn eu cyflwyno i ni er mwyn creu delwedd electronig. Yna, byddwn yn storio'r dogfennau papur gwreiddiol, gan ddefnyddio'r ddelwedd electronig fel y ddogfen waith. Pan fydd cwsmer yn chwilio'r cofnod cyhoeddus, byddant yn gweld y ddelwedd electronig wedi'i hatgynhyrchu ar-lein. Felly, mae'n bwysig bod y ddogfen wreiddiol yn ddarllenadwy, a'i bod yn gallu creu copi clir hefyd. Pan fyddwch yn cyflwyno dogfen yn electronig, byddwn yn creu delwedd electronig o'r data a ddarparwyd gennych yn awtomatig. Mae'r bennod hon yn cynnig rhai canllawiau i'w dilyn wrth baratoi dogfen i'w ffeilio yn Nhŷ'r Cwmnïau. 2. Sut ddylai dogfennau gael eu gosod? Dogfennau sy'n cael eu cyflwyno yn electronig Rhaid i ddogfennau sy'n cael eu cyflwyno yn electronig gydymffurfio gyda'r manylebion a bennwyd gan y cofrestrydd yn ei reolau ynghylch ffeilio electronig. Cynhwysir y diwyg ar gyfer Software Filing a webfiling yn y rheolau a gyhoeddir ar y wefan, ac mae'n gwefan yn cynnwys yr holl ddiwygiau y bydd eu hangen arnoch er mwyn ffeilio trwy gyfrwng y dull hwnnw. Mae llawer o'r busnesau a enwir ar ein rhestr o ddarparwyr meddalwedd yn darparu gwasanaethau ar y we ac yn dibynnu faint o ddogfennau rydych chi'n disgwyl eu ffeilio, efallai y byddai'n fwy ymarferol i chi ddefnyddio eu gwasanaethau nhw. Caiff ceisiadau electronig eu prosesu'n gynt na'r rhai sy'n cael eu ffeilio ar bapur. Ein nod yw prosesu dogfennau electronig cyn pen 24 awr ar ôl iddynt ddod i law Dogfennau papur Yn gyffredinol, rhaid i bob dogfen bapur a anfonir i Dŷ'r Cwmnïau nodi enw a rhif cofrestru y PAC mewn man amlwg. Ceir rhai eithriadau i'r rheol hon, a nodir yn rheolau cyhoeddedig y cofrestrydd. Dylai dogfennau papur fod ar bapur gwyn plaen A4, a gorffeniad di-sglein. Dylai'r testun fod yn ddu, yn eglur, yn ddarllenadwy a dylai'r dwysedd fod yn unffurf. Rhaid i lythrennau a rhifau fod yn eglur ac yn ddarllenadwy er mwyn sicrhau bod modd i ni baratoi copi derbyniol o'r ddogfen. Gallai'r canllawiau canlynol fod o gymorth: Pan fyddwch yn llenwi ffurflen papur, a fyddech cystal â:
Cyfrifon sglein Os ydych chi'n cynhyrchu cyfrifon wedi eu hargraffu mewn lliw gyda lluniau ar bapur sglein, cadwch y rhain ar gyfer eich cyfranddeiliaid a phobl eraill a fydd yn eu gwerthfawrogi. Mae arnom angen y cyfrifon mewn print du ar gefndir gwyn â gorffeniad matt. Byddai fersiwn o broflen yr argraffydd wedi ei deipio ond heb ei rwymo yn ddelfrydol, ar yr amod bod y llofnodion angenrheidiol arni. Bob blwyddyn, mae rhyw 6,000 set o gyfrifon yn cael eu gwrthod am nad ydynt yn ddigon darllenadwy. Dyma'r 3 rheswm pennaf am hyn:
3. Ble mae modd i mi gael gwybod mwy am hyn? Am arweiniad pellach am ein gofynion argraffu, a fyddech cystal ag anfon eich ymholiad mewn neges e-bost neu ffonio 0303 1234 500. Pennod 16 - Gwybodaeth Bellach1. Sut ddylwn i gyflwyno gwybodaeth i Dŷ'r Cwmnïau? Am fanylion llawn am yr holl ffyrdd o gyflwyno dogfennau i Dŷ'r Cwmnïau, yn electronig neu ar bapur, a fyddech cystal â throi at reolau'r cofrestrydd sy'n ymddangos ar ein gwefan. Y ffordd fwyaf diogel o gyflwyno gwybodaeth statudol i Dŷ'r Cwmnïau yw trwy ddefnyddio ein gwasanaethau ffeilio ar-lein. Ein nod yw prosesu dogfennau electronig cyn pen 24 awr ar ôl iddynt ddod i law Am ragor o wybodaeth a manylion cofrestru, trowch at ein gwefan. Os ydych yn anfon dogfennau papur yn y post, gyda negesydd, gyda'r Gwasanaeth Cyfnewid Dogfennau (DX) neu Bost Cyfreithiol (yn yr Alban), ac os hoffech gael derbynneb, bydd Tŷ'r Cwmnïau yn darparu nodyn cydnabod os byddwch yn cynnwys copi o'ch llythyr esboniadol gydag amlen â chyfeiriad a stamp arni er mwyn ei dychwelyd. Byddwn yn nodi cod bar ar eich copi o'r llythyr, gan nodi'r dyddiad y'i cyflwynwyd, a'i ddychwelyd atoch yn yr amlen a ddarparwyd. Sylwer: nid yw nodyn sy'n cydnabod bod dogfen wedi cyrraedd, yn golygu bod dogfen wedi cael ei derbyn i'w chofrestru yn Nhŷ'r Cwmnïau. Sylwer: nid yw Tŷ'r Cwmnïau yn derbyn unrhyw ddogfennau statudol trwy gyfrwng neges ffacs, (ac eithrio copïau ardystiedig o offerynnau arwystl sy’n cael eu ffeilio’n electronig) neu e-bost.. 2. A fydd yn rhaid i mi dalu er mwyn ffeilio dogfennau yn Nhŷ'r Cwmnïau? Ni fydd yn rhaid i chi dalu ffi am nifer o'r dogfennau y bydd yn rhaid i chi eu hanfon i Dŷ'r Cwmnïau, ond bydd angen talu ffi ar gyfer rhai ac ni fyddwn yn eu derbyn er mwyn eu cofrestru heb y ffi hon. Am fanylion llawn, dylech droi at ein gwefan. 3. A oes modd i mi ffeilio dogfennau mewn ieithoedd eraill? Fel arfer, mae'r gyfraith yn mynnu eich bod yn ffeilio dogfennau a anfonir i Dŷ'r Cwmnïau yn Saesneg. Ceir eithriadau i'r rheol hon, fel y nodir isod. Gallwch baratoi a chyflwyno dogfennau yn Gymraeg os lleolir swyddfa gofrestredig eich PAC yng Nghymru. Gall PACau gyflwyno'r dogfennau canlynol mewn ieithoedd eraill os anfonir cyfieithiad Saesneg ardystiedig o'r ddogfen hefyd:
Yn ychwanegol, caiff PACau ffeilio cyfieithiadau ardystiedig gwirfoddol o unrhyw ddogfen sydd wedi'i phennu yn adran 1078 o Ddeddf Cwmnïau 2006 fel y cafodd honno ei chymhwyso at PACau gan Reoliadau Partneriaethau Atebolrwydd Cyfyngedig (Cymhwyso Deddf Cwmnïau 2006) 2009. Mae'r rhain fel a ganlyn:
Rhaid i'r cyfieithiad gwirfoddol ymwneud â dogfen a gyflwynwyd i Dŷ'r Cwmnïau ar neu ar ôl 1Hydref 2009. Dim ond yn un o ieithoedd swyddogol yr Undeb Ewropeaidd y bydd modd ffeilio cyfieithiadau gwirfoddol ynddynt, ac mae'n rhaid cyflwyno Ffurflen LL VT01 gyda nhw, a fydd yn cysylltu'r cyfieithiad gyda'r ddogfen wreiddiol. 4. Ble mae modd i mi gael ffurflenni a chanllawiau? Mae hon yn un mewn cyfres o gyhoeddiadau gan Dŷ'r Cwmnïau sy'n cynnig canllaw syml i'r Ddeddf Cwmnïau a deddfwriaeth gysylltiedig. Mae modd cael pob canllaw a ffurflen papur statudol, yn rhad ac am ddim, gan Dŷ'r Cwmnïau. Y ffordd gyflymaf o'u cael yw trwy droi at ein gwefan neu ffonio 0303 1234 500. Yn ogystal, gallwch gael ffurflenni papur gan ddogfenwyr cyfraith cwmnïau, cyfrifwyr, cyfreithwyr ac asiantiaid ffurfio cwmnïau. |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
