 |
|
|
|
||||||||||||||||||
|
|
|
Eu Dileu o’r Gofrestr, eu Diddymu a’u Hadfer - GPLLP3 Tachwedd 2012 - Fersiwn 2.6 Fel yr addaswyd gan Ddeddf Cwmnïau 2006 Fersiwn PDF y tudalen hwn (305KB) A yw’r canllaw hwn ar eich cyfer chi? Bydd y canllaw hwn yn berthnasol i chi:
Bydd y canllaw hwn yn berthnasol i chi:
Cynnwys Cyflwyniad Mae’r canllaw hwn yn ateb llawer o gwestiynau cyffredin ac yn cynnig gwybodaeth am sut i fynd ati i gwblhau rhai o’r dogfennau ffeilio mwyaf cyffredin yn y maes yma. Ni chafodd ei ddrafftio gyda thrafodion anarferol na chymhleth mewn golwg. Mae’n bosibl y bydd angen gofyn am gyngor proffesiynol arbenigol mewn achosion o’r fath. Mae’r canllaw hwn yn esbonio sut y gall partneriaeth atebolrwydd cyfyngedig (PAC) gael ei dileu o’r gofrestr a’i hadfer iddi. Mae’r canllaw hwn yn gymwys i bob PAC sydd wedi’i chofrestru yn y Deyrnas Unedig (DU) sef Lloegr, Cymru, yr Alban a Gogledd Iwerddon. Fe welwch chi’r ddeddfwriaeth berthnasol yn Neddf Partneriaethau Atebolrwydd Cyfyngedig 2000 ac yn Rhan 31 o Ddeddf Cwmnïau 2006 fel y mae’n cael ei chymhwyso at PAC gan Reoliad 13 o Reoliadau Partneriaethau Atebolrwydd Cyfyngedig (Cymhwyso Deddf Cwmnïau 2006) 2009 OS 2009/1804. Mae’r canllaw hwn yn esbonio:
Os bydd gennych chi amheuon ynglŷn â'ch cyfrifoldebau ar ôl darllen y canllaw hwn, dylech ystyried gofyn am gyngor proffesiynol gan gyfreithiwr neu gyfrifydd. Dileu PAC o’r gofrestr a’u diddymu’n wirfoddol 1. O dan ba amgylchiadau y caiff PAC wneud cais am gael ei dileu o’r gofrestr? Caiff PAC wneud cais i’r cofrestrydd am gael ei dileu o'r gofrestr a’i diddymu. Gall y PAC wneud hyn os nad oes ei hangen mwyach. Er.enghraifft, efallai yr hoffai’r aelodau ymddeol ac nad oes neb i gymryd eu lle; neu os bydd nifer yr aelodau wedi gostwng o dan y gofyniad statudol bod rhaid cael 2 am fwy na 6 mis, gan ddatgelu’r aelod sydd ar ôl i atebolrwydd personol am ddyledion y PAC; neu os yw'n is-bartneriaeth nad oes angen ei henw mwyach; neu os cafodd ei sefydlu i fanteisio ar syniad nad oedd yn ymarferol yn y pen draw. Mae rhai PACau sy’n segur neu’n ddi-fasnach yn dewis gwneud cais i gael eu dileu o’r Gofrestr. Os ydych chi wedi penderfynu nad ydych eisiau cadw’ch PAC mwyach ac eisiau iddo gael ei dileu o’r Gofrestr, fel arfer ni fydd y cofrestrydd yn mynd ar ôl unrhyw gosbau am ffeilio’n hwyr sy’n ddyledus oni fyddwch yn adfer y PAC i’r gofrestr yn ddiweddarach. 2. Pryd na cha i wneud cais i’r cofrestrydd am ddileu fy PAC o’r gofrestr? Gall cais am ddileu PAC o’r gofrestr yn wirfoddol gael ei wneud gan fwyafrif o blith yr aelodau. Ond, os nad oes ond 2 aelod, mae’n rhaid i’r cais gael ei wneud gan y ddau ac os nad oes ond 1 aelod ar ôl fe gaiff yr aelod hwnnw wneud cais. Mae adrannau 1004 a 1005 o Ddeddf Cwmnïau 2006, fel y mae’n cael ei chymhwyso at PAC gan Reoliadau Partneriaethau Atebolrwydd Cyfyngedig (Cymhwyso Deddf Cwmnïau 2006) 2009 yn nodi o dan ba amgylchiadau na chaiff y PAC wneud cais am gael ei dileu o’r gofrestr. Er enghraifft, chaiff y PAC ddim gwneud cais am gael ei dileu o’r gofrestr yn wirfoddol os yw wedi gwneud unrhyw un o’r canlynol yn ystod y 3 mis diwethaf:
Chaiff PAC ddim gwneud cais am ddileu ei henw o’r gofrestr os yw'n destun y canlynol, neu'n destun arfaethedig y canlynol:
Er hynny, mae PAC yn cael gwneud cais am gael ei dileu o’r gofrestr os yw wedi talu dyledion masnachu neu ddyledion busnes yn y 3 mis blaenorol. Cewch weld rhagor o amgylchiadau lle na chewch wneud cais yn adrannau 1004 a 1005 o Ddeddf Cwmnïau 2006 fel y mae’n cael ei chymhwyso at PAC gan Reoliadau Partneriaethau Atebolrwydd Cyfyngedig (Cymhwyso Deddf Cwmnïau 2006) 2009. Sylwch y byddwch yn cyflawni tramgwydd os byddwch yn gwneud cais sydd wedi’i wahardd gan y cyfyngiadau hyn (gweler cwestiwn 12). 3. Beth dylwn i ei wneud cyn gwneud cais? 4. Sut mae gwneud cais? Rhaid ichi lenwi’r ffurflen gais gan PAC am gael ei dileu – Ffurflen LL DS01c. Mae hon ar gael ar ein gwefan neu o’r ffynonellau sydd wedi’u rhestru ym Mhennod 6. Rhaid i’r ffurflen gael ei llofnodi a’i dyddio gan y canlynol:
Bydd yn helpu Tŷ’r Cwmnïau os gallwch roi enw, cyfeiriad a rhif ffôn y sawl y dylen ni gysylltu â nhw os bydd gennyn ni unrhyw ymholiadau am y cais. Sylwch y bydd yr wybodaeth hon i’w gweld ar gofnod cyhoeddus y PAC ar ôl inni gofrestru’r ffurflen. Yna, dylech anfon y ffurflen, ynghyd â’r ffi i gofrestrydd y rhan honno o’r Deyrnas Unedig y mae’ch PAC wedi’i chofrestru ynddi. Sylwer: Ni ddylai sieciau fod yn daladwy o gyfrif y cwmni sy’n gwneud cais am ddileu o’r gofrestr. Mae rhagor o wybodaeth am y ffi sy’n daladwy ar gael yng nghwestiwn 13. 5. I bwy mae’n rhaid imi roi gwybod? O fewn saith diwrnod ar ôl anfon y cais at y cofrestrydd, rhaid i’r aelodau sy’n gwneud y cais anfon copi at y bobl ganlynol:
Rhaid i’r aelodau roi copi o’r cais hefyd i unrhyw berson sydd, ar ôl i’r cais gael ei wneud, yn dod yn aelod, yn weithiwr neu’n gredydwr i’r PAC, neu’n rheolwr neu ymddiriedolwr ar unrhyw gronfa pensiwn gweithwyr sydd gan y PAC, a hynny o fewn 7 diwrnod ar ôl iddynt gael eu penodi. Bydd y rhwymedigaeth yma’n parhau nes i’r PAC gael ei diddymu neu nes i’r cais gael ei dynnu’n ôl. Mae rhagor o wybodaeth am y tramgwydd o beidio â chylchredeg yr hysbysiad i’r amrywiol l bartïon ar gael yng nghwestiwn 12. 6. Sut dylwn i roi gwybod i’r amrywiol bartïon? Cewch bostio copi o’r Ffurflen LL DS01c i’r canlynol, neu ei adael yno:
Caniateir hefyd ichi roi gwybod am y cais i gredydwr i’r PAC drwy adael neu bostio copi ohono yn y lle busnes y mae’r PAC wedi delio ag ef mewn perthynas â’r dyledion cyfredol (er enghraifft y gangen lle’r archebwyd nwyddau gennych neu a roddodd anfoneb ichi). Er hynny, os oes mwy nag un lle busnes o’r fath, dylech gyflwyno copi o’r cais i bob un o’r lleoedd hyn. Mae’n ddoeth cadw prawf eich bod wedi’i anfon neu wedi’i bostio. 7. Beth sy’n digwydd ar ôl i Dŷ’r Cwmnïau gael y cais? Bydd Tŷ’r Cwmnïau yn edrych ar y ffurflen ac, os yw’n dderbyniol, bydd yn ei gosod ar gofnod cyhoeddus y PAC. Anfonwn nodyn cydnabod i'r cyfeiriad a ddangosir ar y ffurflen, gan roi gwybod i'r PAC hefyd yng nghyfeiriad ei swyddfa gofrestredig, er mwyn iddi wrthwynebu os yw’r cais yn un ffug. Bydd y cofrestrydd yn cyhoeddi hysbysiad ynghylch y bwriad i ddileu enw’r PAC o’r gofrestr yn y Gazette er mwyn caniatáu i bartïon sydd â buddiant ynddi wrthwynebu. Y Gazette yw’r cofnod papur newydd swyddogol yn y Deyrnas Unedig. Mae 3 ohonyn nhw: y London Gazette, ar gyfer PACau sydd wedi’u corffori yn Lloegr a Chymru; yr Edinburgh Gazette, ar gyfer PACau sydd wedi’u corffori yn yr Alban; a’r Belfast Gazette, ar gyfer PACau sydd wedi’u corffori yng Ngogledd Iwerddon. Pan fydd y cofrestrydd yn cyhoeddi hysbysiad i ddileu enw PAC o’r gofrestr neu i’w adfer, bydd yr hysbysiad yn ymddangos yn y Gazette ar gyfer y rhan o’r Deyrnas Unedig y cafodd y PAC ei chorffori ynddi. Mae’r tri Gazette yn cael eu cyhoeddi bob wythnos ac mae rhagor o wybodaeth ar gael ar wefan y Gazette. 9. Beth os na fydd y PAC yn gymwys mwyach neu os byddaf yn newid fy meddwl ac yn dymuno tynnu’r cais yn ôl? Rhaid i'r aelodau roi gwybod i Dŷ’r Cwmnïau trwy ddefnyddio’r ffurflen i dynnu cais PAC am ddileu yn ôl – Ffurflen LL DS02c os byddan nhw’n newid eu meddwl neu os na fydd y PAC yn gymwys mwyach i gael ei dileu o’r gofrestr. Gall hyn ddigwydd am fod y PAC, ar ôl gwneud cais am gael ei dileu:
Caiff unrhyw aelod lenwi a llofnodi’r ffurflen i dynnu cais am ddileu yn ôl – LL DS02c a’i hanfon at y cofrestrydd. Mae Adran 1009 o Ddeddf Cwmnïau 2006, fel y mae’n cael ei chymhwyso at PAC gan Reoliadau Partneriaethau Atebolrwydd Cyfyngedig (Cymhwyso Deddf Cwmnïau 2006) 2009 yn cynnwys yr amgylchiadau llawn sy’n golygu bod rhaid ichi dynnu cais am ddileu yn ôl ac mae cwestiwn 12 yn cynnwys gwybodaeth am y tramgwyddau am fethu â thynnu cais yn ôl. 10. A gaiff unrhyw un wrthwynebu diddymu PAC? Caiff unrhyw barti sydd â buddiant wrthwynebu i’r cofrestrydd. 11. Sut cân nhw wrthwynebu a pham? Rhaid i wrthwynebiadau neu gwynion gael eu gwneud mewn ysgrifen a chael eu hanfon at Dŷ’r Cwmnïau gydag unrhyw dystiolaeth ategol, megis copïau o anfonebau a allai brofi bod y PAC yn dal i fasnachu. Gallai’r rhesymau gynnwys:
Mae rhagor o wybodaeth ar gael yn adrannau 1004 a 1005 o Ddeddf Cwmnïau 2006, fel y mae’n cael ei chymhwyso gan Reoliadau Partneriaethau Atebolrwydd Cyfyngedig (Cymhwyso Deddf Cwmnïau 2006) 2009. Mae’n dramgwydd:
Mae’r tramgwyddau'n agored i ddirwy o hyd at £5,000 ar gollfarniad diannod (gerbron Llys Ynadon neu Lys Siryf) neu i ddirwy ddigyfyngiad ar dditiad (gerbron rheithgor). Os bydd yr aelodau yn torri’r gofyniad bod rhaid rhoi copi o'r cais i’r partïon perthnasol, gan wneud hynny gan fwriadu cuddio’r cais, gallen nhw fod yn agored nid yn unig i ddirwy ond hefyd i garchar am hyd at saith mlynedd. Gall unrhyw un sy’n cael ei gollfarnu am y tramgwyddau hyn gael ei anghymhwyso rhag bod yn aelod am hyd at 15 mlynedd hefyd. 13. Oes angen imi anfon ffi gyda’m cais? Oes. Mae ffi o £10 yn daladwy i dalu cost darparu’r gwasanaeth. Fyddwn ni ddim yn ad-dalu’r ffi os byddwch yn tynnu'r cais yn ôl wedi inni ei gofrestru. Bydd ffi arall yn daladwy am gais newydd. Gwnewch unrhyw sieciau'n daladwy i ‘Tŷ'r Cwmnïau’, ac ysgrifennu rhif y PAC ar y cefn. . Sylwer: Ni ddylai sieciau fod yn daladwy o gyfrif y cwmni sy’n gwneud cais am ddileu o’r gofrestr. PACau nad ydyn nhw’n gwneud busnes neu’n gweithredu mwyach 1. A gaiff y cofrestrydd ddileu enw PAC o'r gofrestr o’i ben a’i bastwn ei hun? Caiff, os nad yw'n gwneud busnes nac yn gweithredu. Er enghraifft, fe allai’r cofrestrydd fod o'r farn hon:
Cyn dileu enw PAC o'r gofrestr, rhaid i’r cofrestrydd ysgrifennu dau lythyr ffurfiol ac anfon hysbysiad i swyddfa gofrestredig y PAC i ofyn a yw'r PAC yn dal i wneud busnes neu i weithredu. Os bydd yn fodlon nad yw, bydd yn cyhoeddi hysbysiad yn y Gazette perthnasol i ddatgan ei fod yn bwriadu dileu enw’r PAC o’r gofrestr oni ddangosir rheswm iddo dros beidio. Caiff copi o'r hysbysiad ei osod ar gofnod cyhoeddus y PAC. Os na fydd y cofrestrydd yn gweld rheswm dros wneud fel arall, bydd yn dileu enw'r PAC o’r gofrestr heb fod yn llai na thri mis ar ôl dyddiad yr hysbysiad. Caiff y PAC ei diddymu pan gaiff hysbysiad arall ei gyhoeddi i ddatgan hynny yn y Gazette perthnasol. Mae rhagor o wybodaeth am y Gazette ar gael ym Mhennod 1, cwestiwn 8. Mae rhagor o fanylion y weithdrefn ar gael yn adran 1000 o Ddeddf Cwmnïau 2006, fel y mae’n cael ei chymhwyso at PAC. 2. Sut mae osgoi’r camau hyn? Os ydych chi am i'ch PAC aros ar y gofrestr, mae'n rhaid ichi ymateb yn brydlon i unrhyw lythyr ymholi ffurfiol oddi wrth y cofrestrydd a chyflwyno unrhyw ddogfennau sydd heb eu cyflwyno o’r blaen. Gall methu â chyflwyno'r dogfennau angenrheidiol arwain hefyd at erlyn yr aelodau. 3. Ga i wrthwynebu? Bydd y cofrestrydd yn cymryd i ystyriaeth sylwadau'r PAC ac unrhyw bartïon eraill sydd â buddiant, er enghraifft credydwyr. Os bydd rheswm da dros beidio â dileu enw’r PAC o’r gofrestr, caiff y cofrestrydd ohirio’r achos nes i’r gwrthwynebiad gael ei ddatrys. 4. Beth sy'n digwydd i asedau PAC sy’n cael ei diddymu? O ddyddiad y diddymu ymlaen, bydd unrhyw asedau a oedd gan PAC a gafodd ei diddymu yn “bona vacantia”. Ystyr lythrennol yr ymadrodd hwn yw “nwyddau gwag” a dyma’r enw technegol ar eiddo sy’n cael ei drosglwyddo i’r Goron am nad oes perchennog iddo yn y gyfraith. Caiff cyfrif banc y PAC ei rewi a bydd unrhyw gredyd sy’n weddill yn y cyfrif yn cael ei drosglwyddo i’r Goron. Dylech gyfeirio unrhyw ymholiadau am eiddo bona vacantia at y canlynol, fel y bo’n briodol:
Adfer PAC drwy Orchymyn Llys Oni bai bod PAC yn cael ei hadfer i’r gofrestr yn weinyddol, gweler pennod 4, dim ond os caiff orchymyn llys y mae’r cofrestrydd yn cael adfer PAC. Cynghorir unrhyw un sy’n bwriadu gwneud cais i'r llys am adfer PAC sicrhau cyngor cyfreithiol annibynnol. Bernir bod unrhyw PAC sy’n cael ei hadfer yn y gofrestr wedi parhau mewn bodolaeth fel pe bai heb gael ei dileu o’r gofrestr a’i diddymu. 1. Pwy gaiff wneud cais i’r Llys am adfer PAC i'r gofrestr? Yn gyffredinol, caiff unrhyw un o’r canlynol wneud cais am adfer PAC:
2. Faint o amser sydd gen i i wneud cais i’r Llys? Ac eithrio mewn achosion anaf personol, mae’n rhaid ichi wneud y cais o fewn 6 blynedd ar ôl dyddiad diddymu’r PAC. Er mwyn dod ag achos i gael iawndal am anaf personol, cewch wneud cais am adfer PAC unrhyw bryd, ond mae’n bosibl na wnaiff y Llys orchymyn i adfer PAC os yw’n ymddangos y byddai’r hawliad yn methu oherwydd cyfyngiadau amser cyfreithiol yn ei gylch. 3. Ble mae gwneud cais am Orchymyn Llys i adfer PAC? Adfer PAC yn Lloegr a Chymru Os ydych yn adfer PAC a oedd wedi’i chofrestru yn Lloegr neu Gymru, rhaid ichi wneud cais i'r Llys drwy lenwi ffurflen hawlio Rhan 8 sef y ffurflen safonol sy'n rhoi cychwyn i achos. Gallwch ei lawrlwytho oddi ar wefan y Llys. Fel arfer, bydd Cofrestrydd y Llys Cwmnïau yn Llundain yn gwrando achosion adfer yn ei siambrau unwaith yr wythnos a hynny ar brynhawn Gwener. Mae achosion yn cael eu gwrando hefyd yn y Cofrestrfeydd Dosbarth. Fel arall, cewch wneud cais i Lys Sirol sydd â'r awdurdod i ddirwyn y PAC i ben. Mae canllawiau manylach ar broses adfer PAC yn Lloegr a Chymru ar gael yng nghanllaw Cyfreithiwr y Trysorlys “Guide to Company Restoration and Dissolution Void Applications” sydd ar gael ar wefan Cyfreithiwr y Trysorlys. Os oes arnoch angen rhagor o wybodaeth am adfer PAC yng Ngogledd Iwerddon neu yn yr Alban, cysylltwch â’ch cyfreithiwr. Rhaid ichi roi o leiaf 10 diwrnod o hysbysiad ynghylch y gwrandawiad i’r cofrestrydd i ganiatáu amser iddo ymdrin â’r mater a rhoi cyfarwyddiadau i’r Cyfreithiwr a fydd yn ei gynrychioli. Adfer PAC yn yr Alban Cewch wybodaeth a lleoliadau Llysoedd Siryf ar wefan Llysoedd yr Alban. Mae’n rhaid ichi gyflwyno’r ddeiseb i adfer y PAC i’r cofrestrydd cwmnïau yn yr Alban ac i unrhyw gyrff eraill yn unol â chyfarwyddyd y llys. Does dim angen datganiad tyst ac mae’r cyfnod ar gyfer ymateb yn cael ei bennu gan y Llys, a dim ond wrth i’r ddeiseb gael ei chyflwyno i’r cofrestrydd y bydd y cyfnod hwnnw’n dechrau.
Bydd ar y cofrestrydd angen copi hefyd o’r datganiad tyst i ategu’r cais. 4. Sut mae cyflwyno dogfennau? Dylech gyflwyno’r ffurflen gais a’r dystiolaeth ategol (gweler cwestiwn 6) i’r cofrestrydd cwmnïau priodol a’r cyfreithiwr sy’n ymdrin ag unrhyw asedau bona vacantia, sef: Yn achos PAC a gofrestrwyd yn Lloegr a Chymru: Cyfreithiwr y Trysorlys, oni bai bod swyddfa gofrestredig y PAC yn Sir Gaerhirfryn neu Gernyw, pryd y dylai’r ffurflen gael ei chyflwyno i Gyfreithiwr Dugaeth Caerhirfryn neu Gernyw. Yn achos PAC a gofrestrwyd yn yr Alban: Yr Arglwyddi Adfocad. Yn achos PAC a gofrestrwyd yng Ngogledd Iwerddon: Cyfreithiwr y Goron yng Ngogledd Iwerddon. Dyma fanylion y cofrestryddion perthnasol:
Gall dogfennau gael eu hanfon drwy’r post ac rydyn ni’n argymell eich bod yn defnyddio dosbarthiad wedi’i gofnodi i fod yn fwy diogel. Bydd y cofrestryddion hefyd yn derbyn dogfennau a gyflwynir â llaw yn ystod oriau swyddfa arferol yn Nhŷ’r Cwmnïau, Caerdydd (ar unrhyw adeg); Tŷ’r Cwmnïau, Abbey Orchard Street, Llundain; Tŷ’r Cwmnïau, Belfast; a Thŷ’r Cwmnïau, Caeredin. 5. Pa dystiolaeth y mae’n rhaid imi ei rhoi? Bydd ar y Llys angen y canlynol:
Yn Lloegr a Chymru ac yng Ngogledd Iwerddon mae’n rhaid i’r wybodaeth uchod gael ei darparu mewn affidafid neu ddatganiad tyst. Yn yr Alban gall yr wybodaeth hon gael ei rhoi yn y ddeiseb i adfer y PAC. Mae canllawiau manylach ar broses adfer PAC yn Lloegr a Chymru ar gael yng nghanllaw Cyfreithiwr y Trysorlys "Guide to Company Restoration and Dissolution Void Applications" sydd ar gael ar wefan Cyfreithiwr y Trysorlys. Os oes arnoch angen rhagor o wybodaeth am adfer PAC yng Ngogledd Iwerddon neu yn yr Alban, cysylltwch â’ch cyfreithiwr. Bydd y cofrestrydd yn darparu gwybodaeth i helpu i wneud cais i'r Llys. Cyn gwrandawiad y Llys, bydd y cofrestrydd fel rheol yn ei gwneud yn ofynnol i unrhyw ddogfennau statudol y mae eu hangen i ddiweddaru ffeil gyhoeddus y PAC gael eu cyflwyno. Dylech anfon y rhain o leiaf 5 diwrnod gwaith cyn y gwrandawiad, i ganiatáu digon o amser i’r cofrestrydd eu prosesu neu eu dychwelyd i gael eu diwygio. 6. Pam y byddai PAC yn cael ei hadfer o dan enw gwahanol? Fel rheol, bydd y cofrestrydd yn adfer PAC i’r gofrestr o dan yr enw a oedd ganddi cyn iddi gael ei dileu o’r gofrestr a’i diddymu. Er hynny, os bydd hen enw’r PAC, pan gaiff ei hadfer, yr un fath ag enw arall ar fynegai’r cofrestrydd o enwau cwmnïau, chaiff y cofrestrydd ddim adfer y PAC o dan ei hen enw. Gallwch edrych ar fynegai’r cofrestrydd o enwau cwmnïau drwy ddefnyddio’r gwasanaeth WebCheck (gwasanaeth Saesneg yn unig) ar ein gwefan. Os nad yw’r enw ar gael mwyach, gall y Gorchymyn Llys ddatgan enw arall y mae’r PAC i gael ei hadfer o dano. Wrth ei hadfer, byddwn yn rhoi tystysgrif newid enw fel pe bai’r PAC wedi newid ei henw. Fel arall, gall y PAC gael ei hadfer i’r gofrestr fel pe bai ei henw yr un fath â’i rhif cofrestredig. Wedyn bydd gan yr aelodau 14 diwrnod ar ôl dyddiad adfer y PAC i gyflwyno’r ffurflen Newid enw PAC – Ffurflen LL NM01c – i Dŷ’r Cwmnïau gyda’r ffi briodol. Os caiff y ddogfen ei derbyn, byddwn yn rhoi tystysgrif newid enw. Mae rhagor o wybodaeth am sut i newid enw PAC ar gael yn ein canllaw Partneriaethau Atebolrwydd Cyfyngedig - Eu Corffori a’u Henwau. Mae’n drosedd os nad yw PAC yn newid ei henw cyn pen 14 diwrnod ar ôl cael ei hadfer, gan gymryd rhif y PAC fel ei henw. Mae’n dramgwydd i’r PAC beidio â newid ei henw o fewn 14 diwrnod ar ôl cael ei hadfer gyda rhif y PAC yn enw. 7. A oes costau neu gosbau? Oes. Pan fo eiddo wedi dod yn bona vacantia, caiff y Llys gyfarwyddo i’r ymgeisydd dalu costau cynrychiolydd y Goron wrth ymdrin â’r eiddo yn ystod cyfnod diddymu’r PAC neu mewn cysylltiad â’r achos. Mae’r Llys hefyd yn cael cyfarwyddo bod rhaid i’r ymgeisydd dalu costau’r cofrestrydd mewn cysylltiad â’r achos ynglŷn ag adfer y PAC. Fel rheol, rhaid i’r PAC dalu unrhyw gosbau statudol am ffeilio cyfrifon yn hwyr i’r cofrestrydd y tu allan i’r cyfnod a ganiateir ar gyfer eu ffeilio. Dyma’r cosbau a all fod yn ddyledus:
Mae’n rhaid talu’r ffi ffeilio briodol hefyd wrth gyflwyno dogfennau sydd heb eu cyflwyno o’r blaen. Mae lefel unrhyw gosb am ffeilio’n hwyr yn dibynnu pa mor hwyr yw’r cyfrifon pan fyddan nhw’n dod i law. Er enghraifft, mae set o gyfrifon y dylech fod wedi’i chyflwyno dau fis cyn i PAC gael ei diddymu yn cael ei thrin fel rheol fel pe bai dau fis yn hwyr os byddwch yn ei chyflwyno adeg adfer y PAC a bydd rhaid ichi dalu’r gosb berthnasol. Does dim rhaid i’r PAC dalu cosbau ffeilio hwyr am gyfrifon sy’n dod i law adeg adfer y PAC ond a oedd i fod i gael eu cyflwyno tra oedd y PAC wedi’i diddymu. Mae rhagor o wybodaeth am gosbau ffeilio hwyr ar gael yn ein canllaw Partneriaethau Atebolrwydd Cyfyngedig – Cosbau Ffeilio Hwyr. 8. Beth sy'n digwydd pan fydd y llys yn gwneud gorchymyn adfer? Rhaid i’r ymgeisydd gyflwyno copi o'r gorchymyn llys i'r cofrestrydd i adfer y PAC. Mae PAC yn cael ei hadfer wrth ichi gyflwyno’r gorchymyn. Wrth adfer PAC a oedd wedi’i chofrestru yn yr Alban, bydd ar y cofrestrydd yn yr Alban angen copi o’r gorchymyn wedi’i ardystio gan y llys. 9. Beth sy'n digwydd pan fydd y PAC wedi’i hadfer? Pan fydd y PAC wedi’i hadfer, yr effaith gyffredinol yw y bernir bod PAC wedi parhau mewn bodolaeth fel pe na bai wedi’i diddymu neu wedi’i dileu o’r gofrestr. Caiff y llys roi cyfarwyddiadau neu wneud darpariaethau i osod y PAC a’r holl bersonau eraill yn yr un sefyllfa ag yr oedden nhw cyn i’r PAC gael ei diddymu a’i dileu o’r gofrestr. Bydd y cofrestrydd yn gosod hysbysiad yn y Gazette perthnasol hefyd. Pennod 4- Adfer PAC yn weinyddol 1. Beth yw adfer PAC yn weinyddol? O dan amodau penodol, os cafodd PAC ei ddiddymu gan y cofrestrydd am ei bod yn ymddangos nad oedd yn gwneud busnes neu yn gweithredu mwyach, caiff cyn-aelod wneud cais i’r cofrestrydd am adfer y PAC. Yr enw ar hyn yw ‘adfer yn weinyddol’. Os bydd y cofrestrydd yn cytuno y dylai’r PAC gael ei hadfer, bernir bod y PAC wedi parhau mewn bodolaeth fel pe na bai wedi’i diddymu ac wedi’i dileu o’r gofrestr. Mae adran 1025 o Ddeddf Cwmnïau 2006, fel y mae’n cael ei chymhwyso at PAC gan Reoliadau Partneriaethau Atebolrwydd Cyfyngedig (Cymhwyso Deddf Cwmnïau 2006) 2009 yn rhoi manylion y gofynion ynglŷn ag adfer cwmni yn weinyddiol. Mae Adferiad Gweinyddol ar gael os caiff cwmni ei ddiddymu o dan naill ai adran 652 o Ddeddf Cwmnïau 1985 neu adran 1000 a 1001 o Ddeddf Cwmnïau 2006 (fel y’u cymhwyswyd). 2.Pwy gaiff wneud cais am adfer PAC i’r gofrestr? Dim ond cyn-aelod o’r PAC sy’n cael gwneud cais. 3. A gaiff unrhyw PAC wneud cais am adfer PAC yn weinyddol? Na. I fod yn gymwys i’w hadfer yn weinyddol, rhaid i’r PAC:
Os yw PAC yn bodloni’r meini prawf uchod, gellir gwneud cais am adferiad os yw’n bodloni’r amodau canlynol:
4. Sut mae gwneud cais am adfer PAC yn weinyddol? Rhaid ichi anfon Cais am adfer PAC yn weinyddol i’r Gofrestr – Ffurflen LL RT01 – at y cofrestrydd ynghyd â datganiad cydymffurfio sy’n cadarnhau bod gan yr ymgeisydd hawl gyfreithiol i wneud y cais a bod y PAC yn bodloni’r amodau i gael ei hadfer. Y ffi am brosesu’r cais hwn yw £100. Gwnewch sieciau’n daladwy i ‘Tŷ’r Cwmnïau’ ac ysgrifennu rhif y PAC ar y cefn. 5.Beth yw’r costau neu’r cosbau eraill sy’n gysylltiedig â gwneud cais am adfer PAC yn weinyddol? Rhaid i’r ymgeisydd dalu costau neu dreuliau cynrychiolydd y Goron (os gofynnir amdanyn nhw). Rhaid i’r PAC dalu unrhyw gosbau statudol am ffeilio cyfrifon yn hwyr a gyflwynwyd i’r cofrestrydd y tu allan i’r cyfnod sy’n cael ei ganiatáu i’w ffeilio. Dyma’r cosbau a all fod yn ddyledus:
Mae lefel unrhyw gosb am ffeilio’n hwyr yn dibynnu pa mor hwyr yw’r cyfrifon pan fyddan nhw’n dod i law. Er enghraifft, mae set o gyfrifon y dylech fod wedi’i chyflwyno dau fis cyn i PAC gael ei diddymu yn cael ei thrin fel rheol fel pe bai dau fis yn hwyr os byddwch yn ei chyflwyno adeg adfer y PAC a bydd rhaid ichi dalu’r gosb berthnasol cyn i’r PAC gael ei hadfer. Does dim rhaid i’r PAC dalu cosbau ffeilio hwyr am gyfrifon sy’n dod i law adeg adfer y PAC ond a oedd i fod i gael eu cyflwyno tra oedd y PAC wedi’i diddymu. Mae rhagor o wybodaeth am gosbau ffeilio hwyr ar gael yn ein canllaw Partneriaethau Atebolrwydd Cyfyngedig - Cosbau Ffeilio Hwyr. 6. Beth sy’n digwydd nesaf? Bydd y cofrestrydd yn rhoi hysbysiad o’i benderfyniad i’r person sydd wedi gwneud cais am adfer y PAC. Os bydd y cofrestrydd yn adfer y PAC i’r gofrestr, bydd yr adferiad yn dod i rym o’r dyddiad y bydd y cofrestrydd yn anfon yr hysbysiad. Bydd yr hysbysiad yn cynnwys rhif cofrestredig y PAC ac enw’r PAC. Os caiff y PAC ei hadfer i’r gofrestr o dan enw gwahanol neu ei hadfer â rhif y PAC yn enw, bydd yr enw hwnnw a’r cyn-enw i’w gweld ar yr hysbysiad. Os na fydd y cofrestrydd yn adfer y PAC i’r gofrestr, mae gan yr ymgeisydd 28 diwrnod ar ôl dyddiad rhoi’r hysbysiad iddo i wneud cais i’r Llys am adfer y PAC. Mae rhagor o wybodaeth am adfer PAC gan y Llys ar gael ym Mhennod 3. 7. Pam y byddai PAC yn cael ei hadfer o dan enw gwahanol? Os bydd hen enw’r PAC, ar y dyddiad y caiff ei hadfer, yr un fath ag enw arall ar fynegai’r cofrestrydd o enwau cwmnïau, bydd angen i’r PAC ddewis enw arall. Caiff y cais am adfer PAC ddatgan enw arall y mae’r PAC i gael ei adfer o dano. Gallwch edrych ar fynegai’r cofrestrydd o enwau cwmnïau drwy ddefnyddio’r gwasanaeth WebCheck (gwasanaeth Saesneg yn unig) ar ein gwefan. Wrth adfer y PAC, byddwn yn rhoi tystysgrif newid enw fel pe bai’r PAC wedi newid ei henw. Fel arall, gall y PAC gael ei hadfer i’r gofrestr fel pe bai ei henw yr un fath a’i rhif cofrestredig. Wedyn bydd gan yr aelodau 14 diwrnod ar ôl dyddiad adfer y PAC i gyflwyno’r hysbysiad Newid enw PAC – Ffurflen LL NM01c – i Dŷ’r Cwmnïau, ynghyd â’r ffi briodol. Os derbynnir y ddogfen, byddwn yn rhoi tystysgrif newid enw. Mae rhagor o wybodaeth am newid enw’r PAC ar gael yn ein canllaw Partneriaethau Atebolrwydd Cyfyngedig – Eu Corffori a’u Henwau. Mae’n drosedd os nad yw PAC yn newid ei henw cyn pen 14 diwrnod ar ôl cael ei hadfer, gan gymryd rhif y PAC fel ei henw. Sylwch: fydd y newid enw ddim yn dod i rym nes inni roi’r dystysgrif. 8. Beth sy'n digwydd pan fydd y PAC wedi’i hadfer? Pan fydd y PAC wedi’i hadfer, yr effaith gyffredinol yw y bernir bod PAC wedi parhau mewn bodolaeth fel pe na bai wedi’i diddymu neu wedi’i dileu o’r gofrestr. Gall cais gael ei wneud i’r Llys am gyfarwyddiadau neu ddarpariaethau sy’n angenrheidiol i osod y PAC a’r holl bersonau eraill yn yr un sefyllfa ag yr oedden nhw cyn i’r PAC gael ei diddymu neu ei dileu o’r gofrestr. Rhaid i unrhyw gais o’r fath i’r Llys gael ei wneud o fewn 3 blynedd ar ôl i’r PAC gael ei hadfer Pennod 5 - Ansawdd dogfennau 1. Beth fydd yn digwydd i ddogfennau y byddaf yn eu hanfon i Dŷ'r Cwmnïau? Byddwn yn sganio’r dogfennau a’r ffurflenni y byddwch yn eu cyflwyno i ni er mwyn creu delwedd electronig. Yna, byddwn yn storio’r dogfennau papur gwreiddiol, gan ddefnyddio’r ddelwedd electronig fel y ddogfen waith. Pan fydd cwsmer yn chwilio’r cofnod cyhoeddus, atgynhyrchir y ddelwedd electronig ar-lein. Felly, mae’n bwysig bod y ddogfen wreiddiol yn ddarllenadwy, a’i bod yn gallu creu copi clir hefyd. Pan fyddwch yn ffeilio dogfen yn electronig, byddwn yn creu delwedd electronig o’r data a ddarparwyd gennych yn awtomatig. 2. Sut ddylai dogfennau gael eu gosod? Dogfennau sy’n cael eu ffeilio yn electronig Rhaid i ddogfennau sy’n cael eu ffeilio yn electronig gydymffurfio gyda’r manylebion a bennwyd gan y cofrestrydd yn ei reolau ynghylch ffeilio electronig. Cynhwysir y diwyg ar gyfer trefn Software Filing yn y rheolau a gyhoeddir ar y wefan, ac mae’n gwefan yn cynnwys pob diwyg y bydd ei angen arnoch er mwyn ffeilio trwy gyfrwng y dull hwnnw. Dydy’r dull hwn ddim ar gael ar gyfer PAC ar hyn o bryd ond rydyn ni’n gweithio i drefnu y bydd ar gael yn y dyfodol agos. Dogfennau papur Yn gyffredinol, rhaid i bob dogfen bapur a anfonir i Dŷ’r Cwmnïau nodi enw a rhif cofrestredig y PAC mewn man amlwg. Ceir rhai eithriadau i’r rheol hon, a nodir yn rheolau cyhoeddedig y cofrestrydd. Dylai dogfennau papur fod ar bapur gwyn plaen A4, â gorffeniad di-sglein. Dylai’r testun fod yn ddu, yn eglur, yn ddarllenadwy a dylai’r dwysedd fod yn unffurf. Rhaid i lythrennau a rhifau fod yn eglur ac yn ddarllenadwy er mwyn sicrhau bod modd i ni baratoi copi derbyniol o’r ddogfen. Gallai’r canllawiau canlynol fod o gymorth: Pan fyddwch yn llenwi ffurflen, a fyddech cystal â:
Pan fyddwch yn cwblhau dogfennau eraill, cofiwch:
3. Ble mae modd i mi gael gwybod mwy am hyn? Am arweiniad pellach am ein gofynion argraffu, gweler ein gwefan neu ffoniwch 0303 1234 500. Pennod 6 - Gwybodaeth Bellach 1. Sut ddylwn i gyflwyno gwybodaeth i Dŷ’r Cwmnïau? Am fanylion llawn am yr holl ffyrdd o gyflwyno dogfennau i Dŷ’r Cwmnïau, yn electronig neu ar bapur, a fyddech cystal â throi at reolau a phwerau'r cofrestrydd sy’n ymddangos ar ein gwefan. Y ffordd fwyaf diogel o gyflwyno gwybodaeth statudol i Dŷ’r Cwmnïau yw trwy ddefnyddio ein gwasanaethau ffeilio ar-lein. Dydy’r dull hwn ddim ar gael ar gyfer PAC ar hyn o bryd ond rydyn ni’n gweithio i drefnu y bydd ar gael yn y dyfodol agos. Os ydych yn anfon dogfennau yn y post, gyda negesydd, gyda’r Gwasanaeth Cyfnewid Dogfennau (DX) neu Bost Cyfreithiol (yn yr Alban), ac os hoffech gael derbynneb, bydd Tŷ’r Cwmnïau yn darparu nodyn cydnabod os byddwch yn cynnwys copi o’ch llythyr esboniadol gydag amlen â chyfeiriad a stamp arni er mwyn ei ddychwelyd. Byddwn yn nodi cod bar ar eich copi chi o’ch llythyr, gan nodi’r dyddiad y’i cyflwynwyd, a’i ddychwelyd atoch yn yr amlen a ddarparwyd. Sylwer: nid yw nodyn sy’n cydnabod bod dogfen wedi cyrraedd yn golygu bod dogfen wedi cael ei derbyn i’w chofrestru yn Nhŷ’r Cwmnïau. Sylwer: nid yw Tŷ’r Cwmnïau yn derbyn unrhyw ddogfennau statudol trwy gyfrwng neges ffacs, PDF neu e-bost. 2. A fydd yn rhaid i mi dalu er mwyn ffeilio dogfennau yn Nhŷ’r Cwmnïau? Ni fydd yn rhaid i chi dalu ffi am nifer o’r dogfennau y bydd yn rhaid i chi eu hanfon i Dŷ’r Cwmnïau, ond bydd angen talu ffi ar gyfer rhai ac ni fyddwn yn eu derbyn er mwyn eu cofrestru heb y ffi hon. Am fanylion llawn, dylech droi at ein gwefan. 3. A oes modd i mi ffeilio dogfennau mewn ieithoedd eraill? Fel arfer, mae’r gyfraith yn mynnu eich bod yn ffeilio dogfennau a anfonir i Dŷ’r Cwmnïau yn Saesneg. Ceir eithriadau i’r rheol hon, fel y nodir isod. Gallwch baratoi a chyflwyno dogfennau yn Gymraeg os ydych yn PAC â’i swyddfa gofrestredig yng Nghymru. Gall PAC gyflwyno’r dogfennau canlynol mewn ieithoedd eraill os anfonir cyfieithiad Saesneg ardystiedig o’r ddogfen hefyd:
Yn ogystal, gall PAC ffeilio cyfieithiadau ardystiedig gwirfoddol o unrhyw ddogfen a bennir yn adran 1078 o Ddeddf Cwmnïau 2006 fel y mae’n cael ei chymhwyso at PAC gan Reoliadau Partneriaethau Atebolrwydd Cyfyngedig (Cymhwyso Deddf Cwmnïau 2006) 2009. Mae’r rhain fel a ganlyn:
Rhaid i’r cyfieithiad gwirfoddol ymwneud â dogfen a gyflwynwyd i Dŷ’r Cwmnïau ar neu ar ôl 1 Hydref 2009. Dim ond yn un o ieithoedd swyddogol yr Undeb Ewropeaidd y bydd modd ffeilio cyfieithiadau gwirfoddol, ac mae’n rhaid cyflwyno Ffurflen LL VT01 gyda nhw, a fydd yn cysylltu’r cyfieithiad gyda’r ddogfen wreiddiol. 4. Ble mae modd i mi gael ffurflenni a chanllawiau? Mae hwn yn un mewn cyfres o gyhoeddiadau gan Dŷ’r Cwmnïau sy’n cynnig canllaw syml i’r Ddeddf Cwmnïau a deddfwriaeth arall sy’n gysylltiedig â hi. Mae modd cael pob canllaw a ffurflen statudol, yn rhad ac am ddim, gan Dŷ’r Cwmnïau. Y ffordd gyflymaf o’u cael yw trwy droi at ein gwefan neu ffonio Yn ogystal, gallwch gael ffurflenni gan ddogfenwyr cyfreithiol cwmnïau, cyfrifwyr, cyfreithwyr ac asiantiaid ffurfio cwmnïau. |
|||||||||||||||||||
