Tÿ'r Cwmnïau

Cwmnïau Yswiriant

Er llawer blwyddyn, mae ffurflenni’n cael eu ffeilio yn Nhŷ’r Cwmnïau o dan rifau’n dechrau ag AC neu SA. Fodd bynnag, rhoddwyd heibio i’r drefn hon bellach ac ni fydd ffurflenni sydd wedi’u dyddio ar ôl 31 Rhagfyr 2003 yn cael eu derbyn gan Dŷ’r Cwmnïau. Mae hyn yn golygu na fydd chwilwyr yn gallu cael y ffurflenni hynny gan Dŷ’r Cwmnïau ond y bydd eisiau iddynt gysylltu’n hytrach â chwmnïau yswiriant yn uniongyrchol i sicrhau copïau.

Mae Rheolau’r Awdurdod Gwasanaethau Ariannol (FSA) yn rhoi’r hawl i unrhyw un fynnu, yn uniongyrchol gan gwmnïau yswiriant, ddogfennau penodedig a gafodd eu hadneuo ddiweddaraf gan y cwmnïau hynny gyda’r FSA. Mae cwmnïau yswiriant dan rwymedigaeth i gydymffurfio â’r cais o fewn 30 diwrnod, ond gallant godi tâl i fodloni’u costau rhesymol, gan gynnwys argraffu a phostio.

Os oes gennych chi unrhyw ymholiadau, cysylltwch â:

Stacey-Jo Smith yn Nhŷ’r Cwmnïau ar 029 2038 0861 neu yr FSA ar 020 7066 1000