Tÿ'r Cwmnïau

Ailgyhoeddi Tystysgrifau Corffori ar Bapur.

Yn dilyn asesiad o’n prosesau papur, mae Tŷ’r Cwmnïau wedi adolygu ei bolisi o ran ailgyhoeddi tystysgrifau corffori a newid enw ar bapur.

Caiff tystysgrif ei chyhoeddi pan fo cwmni’n cael ei gorffori gan ddefnyddio’r gwasanaeth papur. Gall y cyflwynydd gasglu’r dystysgrif honno, neu gellir ei hanfon drwy’r post. Anfonir y tystysgrifau gyda’r Post Brenhinol trwy post dosbarth cyntaf, neu trwy’r Gyfnewidfa Ddogfennau (DX).

O bryd i’w gilydd, mae cwsmeriaid yn cysylltu â ni am nad yw’r dystysgrif wreiddiol wedi dod i law. Mewn achosion o’r fath, gellir cyhoeddi tystysgrif o’r newydd.

I egluro, o 1 Tachwedd 2011 ymlaen, dim ond ar y sail ganlynol y bydd Tŷ’r Cwmnïau yn ystyried ceisiadau am dystysgrifau o’r newydd:

• Er mwyn caniatáu ar gyfer y post, ni fyddwn yn derbyn ceisiadau am dystysgrifau o’r newydd tan 5 niwrnod gwaith ar ôl dyddiad cyhoeddi’r dystysgrif wreiddiol.
• Ni fyddwn yn derbyn ceisiadau am dystysgrifau o'r newydd gan cwmnïau tramor tan 21 diwrnod ar ôl dyddiad cyhoeddi’r dystysgrif wreiddiol.
• Ni fyddwn yn derbyn ceisiadau am dystysgrifau dros 3 mis ar ôl y dyddiad cyhoeddi gwreiddiol. Bydd angen cyflwyno ceisiadau o’r fath trwy’r Gwasanaeth Archebu Tystysgrifau. Gallwch gyrchu’r gwasanaeth hwn trwy Companies House Direct neu trwy’r Ganolfan Gysylltu.

Ffoniwch 0303 1234 500 neu e-bostiwch enquiries@companies-house.gov.uk