Tÿ'r Cwmnïau

Llofnodi Dogfennau

Mae’r erthygl hon yn nodi ein polisi ar dderbyn llofnodion ar ddogfennau a gaiff eu cyflwyno i Dŷ’r Cwmnïau i’w ffeilio. Dylid ei darllen ar y cyd gyda Rheolau’r Cofrestrydd ar gyflwyno dogfennau ar bapur, sy’n nodi gofynion manwl y Cofrestrydd ar gyfer dilysu dogfennau sy’n cael eu ffeilio ar bapur.

Rydym yn derbyn dogfennau â phob ymddiriedaeth gan nad oes modd, ac na fyddai’n dderbyniol bob amser, dilysu’r cynnwys. O gofio pa mor anodd yw i wahaniaethu rhwng llofnodion a gynhyrchir yn awtomatig a rhai gwreiddiol, rydym yn trin y ddau fath o lofnod yn yr un ffordd.

Felly rydym yn derbyn â phob ymddiriedaeth ddogfennau a gaiff eu cyflwyno i’w ffeilio ac arnynt lofnodion wedi’u cynhyrchu’n awtomatig sydd wedi cael eu cymeradwyo’n briodol gan y llofnodydd.

Mae’r polisi hwn yn berthnasol i ddogfennau ar bapur yn unig. Nid yw’n berthnasol i ddogfennau a anfonir fel atodiad electronig i neges e-bost (ee dogfen ar fformat PDF). Noder nad yw Tŷ’r Cwmnïau’n derbyn dogfennau dros beiriant ffacs.

I gael rhagor o wybodaeth cysylltwch â’n gwasanaeth ymholiadau enquiries@companies-house.gov.uk

Gorffennaf 2013