Amdanon Ni - Newidiadau i’r Gofynion Cyfrifeg ac Archwilio Ariannol

Deddf Cwmnïau 2006 – Erthyglau Enghreifftiol

Ar gyfer cwmnïau newydd a gofrestrwyd ar neu wedi 1 Hydref 2009 mae Tabl A wedi cael ei ddisodli gan Erthyglau Enghreifftiol Ddeddf Cwmnïau 2006, yn unol â Rheoliadau Cwmnïau (Erthyglau Enghreifftiol) 2008 .

Mae Erthyglau Enghreifftiol ar gael ar gyfer y tri math mwyaf cyffredin o gwmni:

Erthyglau enghreifftiol ar gyfer cwmnïau preifat wedi’u cyfyngu drwy gyfrannau (Word 176Kb)
Erthyglau enghreifftiol ar gyfer cwmnïau preifat wedi’u cyfyngu drwy warant (Word 145Kb)
Erthyglau enghreifftiol ar gyfer cwmnïau cyhoeddus (Word 311Kb)

Mae’r dogfennau uchod ar gael ar ddiwyg Microsoft Word. Gall defnyddwyr sydd â Windows ond nid Microsoft Word weld dogfennau Word ar y wefan hon drwy lawrlwytho. Word Viewer.

Tabl A

1. Beth yw “Tabl A”?

Tabl, yn syml, yw’r enw a roir ar y diwyg penodedig ar gyfer Erthyglau Cymdeithasiad cwmni sydd wedi’i gyfyngu drwy gyfrannau o dan Deddf Cwmnïau 1985 a deddfwriaeth cynharach. Mae’rr Erthyglau’n gosod y rheoliadau ar gyfer llywio’r cwmni. Cynhwyswyd y diwyg penodedig cyntaf ar gyfer Erthyglau yn “The Joint Stock Companies Act, 1856”. Yn y Ddeddf honno, yr enw ar yr Erthyglau oedd “Tabl B” (yn unswydd oherwydd eu bod yn dod ar ôl diwyg ar gyfer Memorandwm Cymdeithasiad a elwid “Form A”). Adeg y penodi nesaf, sef ym 1862, symudwyd y Memorandwm i gorff y Ddeddf a daeth yr Erthyglau i gael eu galw “Tabl A”. Parhaodd y confensiwn enwi hwn i’r Erthyglau drwy’r holl ddeddfwriaeth a gyflwynwyd ym 1906, 1908, 1929, 1948 (a diwygiadau a wnaed ym 1967, 1976, 1980, 1981), a Gorffennaf 1985 (a diwygiadau a wnaed yn Awst 1985 a 2000) ac yn 2007.

2. Pam y byddai angen imi gyfeirio at “Tabl A”?

Wrth gorffori cwmni sydd wedi’i gyfyngu drwy gyfrannau, does dim angen iddo ffeilio Erthyglau os dymuna ddefnyddio Tabl A fel ei Erthyglau. Yn yr achos hwn, os chwiliwch gofnodion cwmni sydd wedi’i gyfyngu drwy gyfrannau mae’n bosib na welwch ddogfen yn gosod ei Erthyglau. Gall rhai o ddarpariaethau Tabl A fod yn gymwys hefyd i gwmni sydd wedi ffeilio Erthyglau, os nad yw Erthyglau’r cwmni wedi hepgor nac wedi addasu Tabl A yn benodol. Yn y naill achos neu’r llall, os dymunwch weld y rheoliadau sy’n llywio’r cwmni, bydd angen ichi gyfeirio at y Tabl A perthnasol.

3. Pa Dabl A sy’n berthnasol i gwmni arbennig?

Y Tabl A sy’n gymwys i gwmni yw’r Tabl A oedd mewn grym ar ddyddiad corffori’r cwmni. Os cafodd Tabl A ei ddiwygio wedyn, ni fydd y newidiadau’n effeithio ar gwmni a gafodd ei gofrestru cyn i’r diwygio ddod i rym. I fod yn siŵr eich bod yn darllen y Tabl A cywir, mae angen ichi wybod dyddiad corffori’r cwmni a pha fersiwn o Dabl A oedd mewn grym ar y dyddiad hwnnw.

Mae’r rhestr ganlynol yn dangos dyddiad effeithiol pob Tabl A.

Dyddiad effeithiol pob Tabl A.
Tabl A wedi’i benodi gan:	Mewn grym o:
Deddf Cwmnïau Cydgyfalaf 1856 (Tabl B – gweler cw. 1)	14 Gorff. 1856
Deddf Cwmnïau 1862	7 Awst 1862
Gorchymyn y Bwrdd Masnach 1906	1 Hydref 1906
Deddf Cydgyfnerthu Cwmnïau 1908	1 Ebrill 1909
Deddf Cwmnïau 1929	1 Tachwedd 1929
Deddf Cwmnïau 1948	1 Gorff. 1948
- fel y cafodd ei diwygio gan Ddeddf Cwmnïau 1967	27 Ionawr 1968
- fel y cafodd ei diwygio gan Ddeddf Cwmnïau 1976 (3 dyddiad dechrau)	18 Ebrill 1977, 1 Mehefin 1977, a 1 Hydref 1977
- fel y cafodd ei diwygio gan Ddeddf y Gyfnewidfa Stoc (Cwblhau Bargeinion) 1976 Rhan 1 - fel y cafodd ei diwygio gan Ddeddf y Gyfnewidfa Stoc (Cwblhau Bargeinion) 1976 Rhan 2 - fel y cafodd ei diwygio gan Ddeddf y Gyfnewidfa Stoc (Cwblhau Bargeinion) 1976 Rhan 3	2 Chwefror 1979
- fel y cafodd ei diwygio gan Ddeddf Cwmnïau 1980	22 Rhagfyr 1980
- fel y cafodd ei diwygio gan Ddeddf Cwmnïau 1981	3 Rhagfyr 1981
Rheoliadau Cwmnïau (Tablau A i F) 1985	1 Gorff. 1985
- fel y cafodd ei diwygio gan Reoliadau Cwmnïau (Tablau A i F) (Diwygiad) 1985	1 Awst 1985
- fel y cafodd ei diwygio gan Orchymyn Deddf Cwmnïau 1985 (Cyfathrebu Electronig) 2000	22 Rhagfyr 2000
- fel y cafodd ei diwygio gan Reoliadau Cwmnïau (Tablau A i F)(Diwygiad)2007	1 Hydref 2007

Ymwadiad

Sylwch fod y Tablau A a welir yma wedi cael eu hatgynhyrchu o’r Deddfau, y Gorchmynion neu’r Offerynnau cyhoeddedig gwreiddiol a restrwyd uchod ac maent yn gywir hyd eithaf ein gwybod a’n cred. Fodd bynnag, nid yw Tŷ’r Cwmnïau yn derbyn cyfrifoldeb am unrhyw gamgymeriad na hepgor. Dylid dibynnu’n llwyr ar y ddeddfwriaeth berthnasol fel y cafodd honno ei chyhoeddi gan y Swyddfa Gwybodaeth Sector Cyhoeddus (OPSI)(a elwid gynt Gwasg Ei Mawrhydi (HMSO)).