Tÿ'r Cwmnïau

Cwynion

Ein nod yw delio ag unrhyw broblemau ac anawsterau yn gyflym ac yn deg. Fe wnawn hyn drwy fonitro pob cwyn ac awgrym i’n helpu i weld beth sy’n mynd o’i le a sut y gallwn wella pethau, a thrwy drefnu system sydd:

• yn hygyrch ac yn cael cyhoeddusrwydd eang
• yn syml ei deall a’i defnyddio
• yn gyflym, â therfynau amser penodedig ar gyfer gweithredu, ac yn sicrhau bod pawb yn cael y manylion diweddaraf lle mae cynnydd yn y cwestiwn
• yn deg, a chanddi drefniadau ymchwilio llawn a gwrthrychol
• yn parchu cyfrinachedd staff a chwsmeriaid fel ei gilydd
• yn ymdrin yn effeithiol â phob mater dan sylw ac yn unioni cam yn briodol
• yn darparu gwybodaeth ar gyfer y rheolwyr fel y gellir gwella gwasanaethau

Mae ein trefn gwyno yn cwmpasu pob agwedd ar ein gwasanaethau, gan gynnwys:

• cofrestru a darparu gwybodaeth
• ein cynhyrchion a’n gwerthiannau
• cyngor am faterion yn ymwneud â chwmnïau a’r ddeddfwriaeth, a hefyd
• ein cefnogaeth gyffredinol i gwsmeriaid

Bydd ein staff yn gwneud popeth a allant i ddatrys unrhyw anhawster. Os na fydd ein staff yn gallu rhoi ateb boddhaol i’ch pryderon, cysylltwch â’n Canolfan Gwasanaethau Cwsmeriaid yn ein swyddfa yng Nghaerdydd.

Jane Walters
Customer Services
Email: jwalters@companieshouse.gov.uk

Os nad ydych yn fodlon ar ein penderfyniad, gallwch ysgrifennu at y Cyfarwyddwr Gwasanaethu Cwsmeriaid yng Nghaerdydd neu Gofrestrydd Cwmnïau yr Alban neu Gogledd Iwerddon. Os byddwch yn dal yn anfodlon ar ôl ysgrifennu, gallwch ysgrifennu at Ddyfarnwr annibynnol Tŷ’r Cwmnïau. Ond mae angen i Dŷ’r Cwmnïau gael cyfle i ddatrys unrhyw anghydfod, felly cyn ysgrifennu at y Dyfarnwyr Annibynnol, mae’n rhaid bod cwyn wedi mynd drwy holl drefn fewnol Tŷ’r Cwmnïau a chan hynny bod wedi cael ei hystyried gan y Cyfarwyddwr Gwasanaethu Cwsmeriaid.

Os byddwch yn dal yn anfodlon ar ôl cael dyfarniad, gallwch gysylltu â’ch Aelod Seneddol a gofyn am i’r gŵyn gael ei hatgyfeirio i sylw Ombwdsman y Senedd a’r Gwasanaeth Iechyd.

Ein Gwarant

Beth bynnag fo’ch cwyn, fe fyddwn:

• yn sicrhau’ch cyfrinachedd
• yn cydnabod eich gohebiaeth ac yn rhoi ichi gyfeirnod
• yn adolygu’r mater yn drwyadl ac yn rhoi ichi ateb llawn o fewn 5* diwrnod gwaith
• yn dweud wrthych o fewn 5* diwrnod gwaith os yw’r broblem yn gymhleth a bod arnon ni angen mwy o amser
• yn trafod â chi os bydd angen gweithredu arbennig yng nghyswllt eich cwyn
• yn delio’n gwrtais â chi
• bob amser yn rhoi ichi fan cysylltu, enw a rhif teleffon
• yn ystyried y math priodol o iawn lle bynnag y bo angen

* Ble mae'r gŵyn yn ymwneud chosbau ffeilio hwyr bydd ymateb o fewn 10 diwrnod gwaith.

Cliciwch yma i gyrchu’n Datganiad Safon Siarter a llyfryn ein Cod Gorfodi

Mae’r llyfryn hwn yn rhoi canllawiau clir o ran safonau’r gwasanaeth y gallwch eu disgwyl gennym.