Swyddi gwag yn Nhŷ’r Cwmniau

Mae Tŷ’r Cwmnïau yn Asiantaeth Weithredol o dan Yr Adran Busnes, Menter a Diwygio Rheoleiddio (BERR). Ein swyddogaeth yw corffori a diddymu cwmnïau cyfyngedig, archwilio a chadw gwybodaeth am gwmnïau a gyflwynir o dan y Ddeddf Cwmnïau, a threfnu i’r wybodaeth hon fod ar gael i’r cyhoedd. Ein nod yw bodloni rhwymedigaethau ac anghenion rheoleiddiol yn effeithiol ac yn ddarbodus drwy wasanaeth o ansawdd.

Mae mwy nag 1.6 miliwn o gwmnïau wedi eu cofrestru yn Nhŷ’r Cwmnïau. Byddwn yn corffori mwy na 300,000 o gwmnïau newydd bob blwyddyn ac yn derbyn dros 5 miliwn o ddogfennau cwmni.

Cyflogwn dros 1,000 o bobl, a mwyafrif y rheiny’n gweithio yn ein prif swyddfa yng Nghaerdydd. Mae gennym swyddfeydd yng Nghaeredin a Llundain hefyd.