 |
|
|
|
|
|
|
Integreiddio Cofrestrfa Gwmnïau Gogledd IwerddonCyflwyniad Wrth ddechrau Deddf Cwmnïau 2006 yn llawn ym mis Hydref 2009, bydd yn darparu ar gyfer un gyfraith gwmnïau fydd yn gymwys i’r Deyrnas Unedig i gyd. Bydd cwmnïau’n gwmnïau y DU yn hytrach na chwmnïau Prydain Fawr neu Ogledd Iwerddon, a bydd yr un ddeddfwriaeth yn gymwys iddynt oll. O ganlyniad, bydd Cofrestrfa Gwmnïau Gogledd Iwerddon (CRNI) yn integreiddio’n llawn â Thŷ’r Cwmnïau, Caerdydd, ar 1 Hydref 2009. Mae CRNI ar hyn o bryd yn rhan o Adran Menter, Masnach a Buddsoddi GI (DETINI); ond o fis Hydref ymlaen bydd yn trosglwyddo i Dŷ’r Cwmnïau o dan yr Adran Busnes, Arloesi a Sgiliau (BIS). Bydd Gogledd Iwerddon yn cadw swyddogaeth a phresenoldeb cofrestrfa yn debyg i batrwm Tŷ’r Cwmnïau, yr Alban. Mae hyn yn golygu y bydd y swyddfa’n aros ym Melffast a bydd Cofrestrydd Gogledd Iwerddon. Mae ar hyn o bryd tua 38,000 o gwmnïau byw wedi’u cofrestru yng Ngogledd Iwerddon. Manylion Cysylltu O 1 Hydref 2009 ymlaen, bydd angen i gwsmeriaid ddefnyddio manylion cysylltu cyffredinol Tŷ’r Cwmnïau: Canolfan Cysylltu: +44 (0)303 1234 500 amserau agor: 9yb - 5yp (amser y DU) dydd Llun i ddydd Gwener E-bost:enquiries@companies-house.gov.uk Ni fydd cyfeiriad e-bost Gogledd Iwerddon info.companiesregistry@detini.gov.uk ael ar gael mwyach o 1 Hydref ymlaen. Bydd swyddfa Gogledd Iwerddon yn aros yn ei chyfeiriad presennol: Gwefan O 1 Hydref, caewyd gwefan Cofrestrfa Gwmnïau GI (CRNI) ac mae’r holl wybodaeth berthnasol ynglŷn â Deddf Cwmnïau 2006 ar gael drwy wefan Tŷ’r Cwmnïau. Defnyddiwch Ganolfan Cysylltu Tŷ’r Cwmnïau am ganllaw a ffurflenni CRNI ar gyfer digwyddiadau cyn 1 Hydref 2009. Canolfan Cysylltu: +44 (0)303 1234 500 amserau agor: 9yb - 5yp (amser y DU) dydd Llun i ddydd Gwener Ni fydd ffurflenni CRNI yn gymwys mwyach o 1 Hydref 2009 ymlaen. Mae cyfres gwbl newydd o ffurflenni o dan Ddeddf Cwmnïau 2006 y bydd angen eu defnyddio o 1 Hydref ymlaen.  Brig
Caiff data Gogledd Iwerddon eu huno â chronfeydd data Tŷ’r Cwmnïau a byddant ar gael drwy’r gwasanaethau ar-lein o ddechrau Hydref 2009 ymlaen. Mae’r gwasanaethau gwybodaeth gwmni ar-lein yn cynnwys
Ni fydd Gwasanaethau Ar-lein Gogledd Iwerddon (https://www.secure.detini.gov.uk/crni/) ar gael mwyach o 1 Hydref ymlaen. Os oes gan gwsmeriaid gyfrif rhagdalu gyda Chofrestrfa Gwmnïau Gogledd Iwerddon, caiff y cyfrif hwn ei gau a’r balans sy’n aros ei ad-dalu. Bydd cwmnïau Gogledd Iwerddon hefyd yn cael manteisio ar wasanaeth ‘WebFiling’ Tŷ’r Cwmnïau ar gyfer ffeilio ar-lein o ddechrau mis Hydref 2009 ymlaen. Mae’r wybodaeth gwmni y gellir ei chyflwyno’n electronig drwy WebFiling yn cynnwys:
Mae’r gwasanaethau ar-lein hyn ar agor 24 awr y diwrnod, 7 diwrnod yr wythnos, i chwilio a ffeilio gwybodaeth. Cafodd holl ffioedd statudol ar ein rhestr brisiau eu cadarnhau gan y Senedd drwy offerynnau statudol a deuant i rym ar 1 Hydref 2009. Yr unig ffioedd sydd heb eu pennu drwy offerynnau statudol yw cynhyrchion newydd (adferiad gweinyddol a cheisiadau am drefnu na fydd cyfeiriad ar gael i’w archwilio gan y cyhoedd), swmp-gynhyrchion, microfiche, copïau ffacs a chwiliadau perchnogion papurau newydd. Mae’r rhain i gyd yn cael eu pennu’n weinyddol a deuant i rym ar 1 Hydref 2009. Bydd dolen sy’n cysylltu â’r diffiniad sy’n pennu ffioedd yn weinyddol ac â’r rheoliadau yn ymddangos gyda hyn ar ein gwefan. A fydd yn ofynnol i gwmnïau Gogledd Iwerddon fod â swyddfa gofrestredig yng Ngogledd Iwerddon o hyd ar ôl 1 Hydref 2009? Bydd. Er mai un gyfraith gwmnïau a fydd ar gyfer y Deyrnas Unedig i gyd, bydd yn dal yn ofynnol i fod â swyddfa gofrestredig yng Ngogledd Iwerddon. Wrth integreiddio Cofrestrfa Gogledd Iwerddon â Thŷ’r Cwmnïau, beth fydd yr effaith ar gofrestru canghennau? O dan Ddeddf Cwmnïau 2006, cwmnïau wedi’u cofrestru y tu allan i’r DU fydd cwmnïau tramor. Os bydd un o gwmnïau Gogledd Iwerddon am agor cangen yng Nghymru, Lloegr neu’r Alban, ni fydd yn rhaid mwyach iddo gofrestru o dan yr awdurdodaethau penodol ar wahân. A fydd cwmnïau Gogledd Iwerddon yn cadw’r blaenddodiad NI yn eu rhifau cwmni? Byddant, bydd cwmnïau’n cadw blaenddodiad cyfredol eu rhif cwmni. Brig
|
|
