Tÿ'r Cwmnïau

Siarter Wybodaeth Tŷ’r Cwmnïau

Mae’r Siarter Wybodaeth hon yn nodi’r safonau y gallwch eu disgwyl gan Dŷ’r Cwmnïau pan fyddwn yn gofyn am wybodaeth neu’n ei chadw, gan gynnwys ond heb fod yn gyfyngedig i ddata personol amdanoch chi.  Mae’r siarter yn cynnwys data personol a gwybodaeth arall mae’r Cofrestrydd Cwmnïau’n ei chadw mewn cysylltiad â’i rwymedigaethau o dan y Ddeddf Cwmnïau a deddfwriaeth gysylltiedig.  Caiff y siarter hon ei hadolygu bob blwyddyn a’i diweddaru i gymryd i ystyriaeth unrhyw newidiadau i’r ddeddfwriaeth a pholisïau.

Mae angen inni drin gwybodaeth bersonol amdanoch fel y gallwn roi gwasanaethau i chi ac i’r cyhoedd. Dyma sut y byddwn yn gofalu am yr wybodaeth honno:

Prif swyddogaethau Tŷ’r Cwmnïau yw:

• corffori a diddymu cwmnïau cyfyngedig
• archwilio a storio gwybodaeth gwmni o dan y Ddeddf Cwmnïau a deddfwriaeth gysylltiedig; a
• threfnu i’r wybodaeth hon fod ar gael i’r cyhoedd

Bydd Tŷ’r Cwmnïau hefyd yn cyflawni swyddogaethau wedi’u dirprwyo ar ran yr Ysgrifennydd Gwladol, er enghraifft gorfodi cyflwyno cyfrifon blynyddol a ffurflenni blynyddol; cyfarwyddo cwmnïau i newid eu henw lle mae hwnnw’n debyg i rai sydd eisoes ar y cofnod cyhoeddus, etc.

Wrth gynnal a gweinyddu’r gofrestr gyhoeddus, byddwn yn cadw gwybodaeth bersonol am unigolion o dan gategorïau data cyhoeddus ac anghyhoeddus.

Wrth drin y wybodaeth hon, byddwn yn gwneud hynny mewn modd sy’n parchu hawliau unigolion ac sy’n cydymffurfio â deddfwriaeth berthnasol megis y Ddeddf Cwmnïau a Deddf Diogelu Data 1998. 

Data Cyhoeddus  

Yn unol â’r Ddeddf Cwmnïau a deddfwriaeth gysylltiedig, byddwn:

• yn gofyn am wybodaeth sy’n ofynnol yn unig
• yn rhoi’r wybodaeth hon ar y cyfnod cyhoeddus
• yn trefnu iddi fod ar gael i’r cyhoedd

Data anghyhoeddus

Pan fyddwn yn ceisio gwybodaeth bersonol gennych, addawn:

• Wneud yn siŵr eich bod yn gwybod pam bod ei hangen arnom
• Gofyn am yr hyn sydd angen yn unig, a pheidio â chasglu gormod o fanylion neu wybodaeth amherthnasol
• Ei diogelu a gwneud yn siŵr na ellir ei chyrchu gan neb na ddylai allu
• Gwneud yn siŵr na fyddwn yn ei chadw’n hirach nag sydd eisiau

Yn gyfnewid, gofynnwn i chithau:

• roi inni wybodaeth fanwl-gywir; 
• dweud wrthym cyn gynted â phosib os bydd unrhyw newid

Cysylltwch â’r Tîm Hawl i Wybodaeth i gael mwy o wybodaeth am:

• sut i ddysgu pa wybodaeth a gadwn amdanoch 
• o dan ba amgylchiadau y gallwn drosglwyddo’ch gwybodaeth bersonol heb ddweud wrthych, er enghraifft: i atal a darganfod trosedd neu i greu ystadegau dienw

E-bost informationrights@companieshouse.gov.uk

• Rydym wedi ymrwymo i ddarparu gwasanaethau effeithiol o ansawdd da i’n cwsmeriaid.  Os ydych yn anfodlon ar y ffordd rydym wedi trin eich gwybodaeth ac eisiau gwneud cwyn, cysylltwch â’n Gwasanaethau Cwsmeriaid.

E-bost: jwalters@companieshouse.gov.uk

Am gyngor annibynnol ynghylch gwarchod data, preifatrwydd a materion rhannu data, gallwch gysylltu â’r Comisiynydd Gwybodaeth yn:

Wycliffe House,
Water Lane,
Wilmslow,
Cheshire, SK9 5AF. 

Gwefan: www.ico.gov.uk