Mae'n rhaid i fwy na 300,000 o gwmnïau cofrestredig ffeilio eu cyfrifon dim hwyrach na dydd Llun 30 Medi 2013. Os ydych chi'n un ohonyn nhw, peidiwch â'i gadael tan y funud olaf ac wynebu perygl cosb - ffeiliwch yn gynnar a ffeiliwch ar lein.
Os ydych chi'n ffeilio'ch cyfrifon ar lein cyn y terfyn amser byddwch yn dawel eich meddwl eu bod wedi dod i law ac wedi cael eu cofrestru. Bydd ein gwasanaeth WebFiling yn anfon neges e-bost atoch yn cadarnhau eu bod wedi dod i law ac un arall yn cadarnhau eu bod wedi'u cofrestru.
Gall ffeilio cyfrifon ar lein gymryd cyn lleied â 15 munud o'r dechrau i'r diwedd, felly pam trafferthu gyda phapur, amlenni, llythyrau esboniadol a'r ansicrwydd ychwanegol ynghylch a fydd y cyfrifon yn cyrraedd yn brydlon.
Er y gall ffeilio cyfrifon ar lein fod yn gynt ac yn haws, peidiwch â'i gadael tan y funud olaf.
Os ydych chi'n ffeilio'ch cyfrifon ar lein cewch osgoi gwrthodiadau gan ddefnyddio'r gwiriadau sy'n rhan o'r broses i sicrhau bod eich cyfrifon yn bodloni'r gofynion.
Mae'n bosibl y bydd angen i gyfrifon a gyflwynir gael eu gwirio â llaw a dim ond yn ystod oriau swyddfa mae hyn yn cael ei wneud. Gallai fod yn rhy hwyr i osgoi cosb os caiff eich cyfrifon eu gwrthod a bod angen eu hailgyflwyno. Ffeiliwch ar lein gryn dipyn cyn y dyddiad cau er mwyn caniatáu digon o amser i ymdrin â gwrthodiad pe bai hynny'n digwydd.
