Tÿ'r Cwmnïau

Tystysgrif statws cydnabyddedig, ffeithiau ardystiedig a thystysgrifau ardystiedig

Beth yw tystysgrif statws cydnabyddedig?

Mae tystysgrif statws cydnabyddedig yn datgan bod cwmni wedi bod mewn bodolaeth barhaol, di dor ers ei gorfforiad a does dim gweithred i ddileu'r cwmni o'r gofrestr yn gyfredol

Pa feini prawf y mae'n rhaid i'r cwmni eu bodloni i gael tystysgrif statws cydnabyddedig?

Rhaid i ffurflen flynyddol a chyfrifon diweddara'r cwmni fod wedi'u ffeilio, ac:

• ar gyfer cwmni preifat, rhaid bod ag o leiaf un cyfarwyddwr sy'n berson naturiol*; neu
• ar gyer cwmni cyhoeddus rhaid bod ag o leiaf dau gyfarwyddwr, ac un o'r rheiny'n berson naturiol*, ynghyd ag ysgrifennydd.

*lle daeth yn ofynnol i'r cwmni fod â chyfarwyddwr oedd yn berson naturiol ar 1 Hydref 2008

Oes modd cynnwys manylion (ffeithiau) ychwanegol ar y dystysgrif?

Oes, ar gais gall y tystysgrif cynnwys unrhyw rai o'r manylion canlynol fel ffeithiau ardystiedig: 

• Enwau cyfarwyddwyr
• Enwau ysgrifennyddion
• Swyddfa Gofrestredig
• Cyfalaf dosbarthedig
• Cyfranddeiliaid 
• Amcanion y cwmni

Gellir adio manylion ychwanegol (e.e. dyddiad geni, cenedligrwydd ac ati) os gofynnir am hynny.

Sut galla i gael tystysgrif (statws cydnabyddedig, tystysgrif gwir, tystysgrif ardystiedig)?

Gallwch archebu tystysgrif gan:

• Canolfan Cysylltu Tŷ'r Cwmnïau ar +44(0)303 1234 500
• Un o'n swyddfeydd yng Nghaerdyd, yn Llundain, yng Nghaeredin neu ym Melffast
• Companies House Direct (gwasanaeth tanysgrifiad Saesneg ar-lein)

Mae archeb gwasanaeth safonol yn costio £20.00 ac yn cael ei phrosesu cyn pen 4 diwrnod gwaith.

Mae archeb gwasanaeth yr un diwrnod yn costio £60.00 ac yn cael ei phrosesu'r diwrnod hwnnw os caiff ei harchebu cyn 2:00pm, neu ei chyflawni'r diwrnod gwaith nesaf os caiff ei harchebu ar ôl 2:00pm.

Anfonir archebion tystysgrifau trwy'r post (post wedi'i warantu'r diwrnod nesaf ar gyfer archebion yr un diwrnod), neu gallwch ofyn am gael casglu'ch tystysgrif o un o'n swyddfeydd.

Pwy sy'n cyfreithloni dogfen neu dystysgrif?

Y Swyddfa Dramor a Chymanwlad (FCO) sydd â'r swyddogaeth o ddilysu (neu 'gyfreithloni') dogfennau i'w defnyddio yn y gwledydd a lofnododd Gonfensiwn yr Hâg 1961. Mae hyn yn caniatáu i'r dogfennau fod â'r un dilysrwydd yn y gwledydd hynny ag sydd ganddynt yn y DU.

I gael 'cyfreithloni' un o ddogfennau Tŷ'r Cwmnïau gan y Swyddfa Dramor a Chymanwlad rhaid bod arni lofnod gwreiddiol neu sêl un o swyddogion cyhoeddus Prydain.