Mae canllawiau Tŷ’r Cwmnïau yn cwmpasu ymddatod, derbynyddiaeth, mynd i ddwylo’r gweinyddwyr a chytundebau gwirfoddol corfforaethol. Maent hefyd yn cynnig gwybodaeth gyffredinol am faterion ansolfedd:
Rydyn ni’n argymell eich bod yn cael cyngor proffesiynol (gan gyfreithiwr neu ymarferydd ansolfedd) cyn parhau ag unrhyw un o’r camau hyn.
Dylid nodi yr ymdrinnir â materion sy’n ymwneud â dileu cwmni neu PAC o’r Gofrestr lle nad oes gweithrediadau ymddatod neu ansolfedd dan sylw, ar wahân yn y canllawiau canlynol:
Mae ffurflenni LQ01 ac LQ02 a Ffurflen 600 ar gael ar wefan Tŷ’r Cwmnïau.
- Mae’r Cofrestrydd Cwmnïau wedi pennu’r ffurflenni ansolfedd statudol ar gyfer Lloegr a Chymru yn rheolau’r Cofrestrydd .
Rhaid i unrhyw un sy’n cyflawni dyletswyddau datodydd, derbynnydd gweinyddol, gweinyddwr neu oruchwylydd trefniadau gwirfoddol corfforaethol fod yn ymarferydd ansolfedd cymwys. Nid oes angen cymhwyster o’r fath er mwyn gwneud swydd derbynnydd neu reolwr, nac ar unrhyw un oedd eisoes yn eu swydd cyn i Ddeddf Ansolfedd 1986 ddod i rym.
Gellir gwneud cwynion drwy'r Porth Cwynion unigol.
Na fyddwn. Ni all y Cofrestrydd ohirio diddymiad cwmni yn sgil camau ymddatod. Yn achos ymddatod gwirfoddol, gellir cyflwyno cais i’r llys i ohirio’r diddymiad. Yn achos ymddatod gorfodol, rhaid cyflwyno cais i’r Ysgrifennydd Gwladol.
Rhaid ffeilio’r hysbysiad/gorchymyn gohirio gyda’r Cofrestrydd ar ôl cofrestru’r dogfennau sy’n terfynu’r broses ymddatod a chyn y dyddiad diddymu. Ar ôl diddymu, rhaid gwneud cais i’r llys i ddatgan bod y diddymiad yn ddi-rym.
Mae rhagor o wybodaeth am ohirio diddymiad yn y ddeddfwriaeth berthnasol, sef:
- Adran 201 o Ddeddf Ansolfedd 1986 ar gyfer ymddatod gwirfoddol, ac
- Adrannau 202, 203 a 205 o Ddeddf Ansolfedd 1986 ar gyfer ymddatod gorfodol.
Gall ymddatodiad gwirfoddol fod yn ymddatodiad o wirfodd yr aelodau neu’n ymddatodiad o wirfodd y credydwyr. Mae’n codi yn sgil penderfyniad y cwmni ac ymarferydd cymwys sy’n cyflawni’r broses. Daw ymddatodiad gorfodol yn sgil gorchymyn llys a gall y Gweinyddwr Swyddogol neu ymarferydd cymwys gyflawni’r broses hon.
Gall credydwr gyflwyno deiseb i’r llys i orfodi cwmni i ymddatod. Dylech ddarllen y canllawiau a gofyn am gyngor proffesiynol yn hyn o beth.
Ddim bob tro. Pan fo cwmni’n ymddatod o wirfodd yr aelodau, mae’r cyfarwyddwyr yn tyngu i ddatganiad hydaledd i ddweud y bydd y cwmni’n gallu talu ei holl ddyledion mewn cyfnod sydd heb fod yn fwy na deuddeg mis. O dan yr amgylchiadau hyn, nid yw’r cwmni’n ‘anhydal’.
Mae gwybodaeth fanylach ar gael ar wefan y Gwasanaeth Ansolfedd.
