Llenwch ac anfon atom Ffurflen DS01 gyda ffi ffeilio o £10. Bydd y Cofrestrydd yn darparu'r ffurflen yn unol â'ch cais. Ond dim ond i gwmni y mae dileu o'r Gofrestr yn gymwys, lle nad yw, yn ystod y tri mis diwethaf:
- wedi masnachu na dilyn busnes mewn ffordd arall;
- wedi newid ei enw;
- wedi cael gwared, am werth cyfatebol, ag eiddo neu hawliau a ddaliai, yn union cyn rhoi heibio i fasnachu neu ddilyn busnes, er mwyn elw neu i'w gwerthu yng nghwrs arferol y fasnach neu'r busnes hwnnw; neu
- wedi dilyn unrhyw weithgarwch arall, ac eithrio un oedd angen neu'n gyfleus er mwyn gwneud cais am i'w enw gael ei ddileu o'r Gofrestr, rhoi trefn ar faterion y cwmni neu gwrdd â gofynion statudol. Gall cwmni wneud cais, fodd bynnag, os yw wedi bodloni dyledion masnachu neu fusnes yn ystod y tri mis diwethaf.
Sylwer: Ni ddylai sieciau fod yn daladwy o gyfrif y cwmni sy'n gwneud cais am ddileu o'r gofrestr
(Gweler nodiadau canllaw ' Dileu o'r Gofrestr, diddymu ac adfer' am fanylion llawn sut i wneud cais.)
Mae dwy ffordd am adfer cwmni i'r Gofrestr. Drwy orchymyn llys yw'r ffordd gyntaf a thrwy Adferiad Gweinyddol yw'r llall.
Aelod neu gredydydd i'r cwmni. Os diddymwyd y cwmni yn sgîl cais o dan adran 1003 y Ddeddf Cwmnïau 2006, gall cais gael ei gyflwyno hefyd gan unrhyw un o'r partïon y mae'n rhaid rhoi gwybod iddynt am y cais. Gweler nodiadau canllaw ' Dileu o'r Gofrestr, diddymu ac adfer' am ragor o wybodaeth.
I'r Uchel Lys, Cofrestrfa'r Dosbarth neu Lys Sirol sydd ag awdurdodaeth i ddirwyn y cwmni i ben.
Fel arfer, byddai costau'r Cofrestrydd rhwng £250 a £300 a byddai'n rhaid i'r ymgeisydd eu bodloni. Hefyd, efallai ceir ffioedd y cyfreithiwr a chostau'r llys i'w thalu.
Am ragor o wybodaeth am adferiad trwy orchymyn llys gweler ein llyfryn canllaw 'Dileu o'r Gofrestr, Diddymu ac Adfer'.
Cyflwynodd Deddf Cwmnïau 2006 broses newydd i adfer cwmni i'r gofrestr yn weinyddol heb orfod mynd i'r llys. Mae cwsmeriaid yn cael anhawster anfon y wybodaeth gywir i Dŷ'r Cwmnïau yn brydlon. Nod y wybodaeth isod yw helpu cwsmeriaid i wneud pethau'n iawn y tro cyntaf
O dan rhai amgylchiadau lle cafodd cwmni ei ddiddymu am ei bod yn ymddangos nad oedd yn cynnal busnes neu'n gweithredu mwyach, gall cyn-gyfarwyddwr neu aelod o'r cwmni wneud cais i'r cofrestrydd i adfer y cwmni i'r gofrestr. Gelwir hyn yn 'adferiad gweinyddol'. Os yw'r cofrestrydd yn adfer y cwmni, ystyrir ei fod wedi parhau i fodoli pe na bai wedi cael ei ddiddymu a'i ddileu o'r gofrestr. Mae Adran 1025 o Ddeddf Cwmnïau 2006 yn disgrifio'r gofynion o ran adferiad gweinyddol.
Mae adferiad gweinyddol ar gael os cafodd y cwmni ei ddileu o dan:
- adran 652 o Ddeddf Cwmnïau 1985, neu
- adrannau 1000 a 1001 o Ddeddf Cwmnïau 2006.
- adran 603 o Orchymyn Cyfuno Cwmnïau (Darpariaethau Canlyniadol) (Gogledd Iwerddon) 1986 (OS 1986/1035 (NI 9)
Dim ond cyn-gyfarwyddwr neu gyn-aelod o'r cwmni, oedd yn gyfarwyddwr neu'n aelod o'r cwmni adeg diddymu'r cwmni, gaiff wneud cais.
Na ellir. I fod yn gymwys ar gyfer adferiad gweinyddol, rhaid i'r cwmni:
- fod wedi cael ei ddileu o'r gofrestr o dan adrannau 1000 a 1001 o Ddeddf Cwmnïau 2006 neu adran 652 o Ddeddf Cwmnïau 1985 neu adran 603 o Orchymyn Cyfuno Cwmnïau (Darpariaethau Canlyniadol) (Gogledd Iwerddon) 1986 (OS 1986/1035 (NI 9)
- bod wedi ei ddiddymu am gyfnod sy'n llai na chew blynedd ar y dyddiad pan ddaw'r cais am adferiad i law'r cofrestrydd.
Os yw cwmni'n bodloni'r meini prawf hyn, gellir cyflwyno cais am adferiad os yw'n bodloni'r amodau canlynol:
- rhaid iddo fod wedi body n parhau i gynnal busnes neu weithredu adeg ei ddiddymu
- os gwnaed unrhyw eiddo neu hawliau o feddiant y cwmni yn bona vacantia, rhaid i'r ymgeisydd gyflwyno ysgrifenedig gan gynrychiolydd perthnasol y Goron sy'n cydsyno i adferiad y cwmni i'r cofrestrydd. Gelwir datganiad o'r fath yn 'Llythyr ildio hawl Bona Vacantia', a rhaid iddo ddod oddi wrth gynrychiolydd perthnasol y Goron. Codir ffi am y llythyr.
