 |
|
|
|
|
|
Hysbysu Twyll i Dŷ’r CwmnïauSut y gallwn ni helpu Mae Tŷ’r Cwmnïau yn asiantaeth weithredol i’r Adran Busnes, Arloesi a Sgiliau (BIS). Swyddogaeth Tŷ’r Cwmnïau yw derbyn, storio a lledaenu gwybodaeth am gwmnïau cyfyngedig a rhai cyrff eraill. Sylwch nad oes gan Dŷ’r Cwmnïau bwerau ymchwilio penodol. Mae’r cynnydd mewn Twyll yn fater difrifol ac rydyn ni’n gwerthfawrogi pryderon cwsmeriaid yn llawn, ac yn awyddus i wneud popeth posibl i helpu i ddatrys y materion hyn. Er hynny, sylwch mai’r cyfan y gallwn ei wneud yw rhoi cyngor am faterion sy’n ymwneud â dogfennau statudol sydd wedi’u ffeilio drwy dwyll ac sydd wedi’i hanfon i Dŷ’r Cwmnïau, megis:
Gwnewch yn siŵr eich bod yn rhoi manylion llawn eich cwyn inni, gan gynnwys eich manylion cysylltu. Dylech roi gwybod am unrhyw honiadau o dwyll sy’n ymwneud â ffeilio’r dogfennau hyn i’r heddlu hefyd gan mai’r heddlu yw’r awdurdod priodol i ymdrin â materion o’r fath. Os cawn ni gais am wybodaeth gan yr heddlu wedyn, byddwn yn ceisio’u helpu mewn unrhyw fodd posibl. Mae cyngor am wahanol fathau o dwyll fel fisa ar gyfer swydd/gwaith, esgrow a thwyll loteri ar gael ar y tudalen o Rybuddion Twyll Pwysig. Os yw’ch cwyn yn bodloni unrhyw un o’r uchod, gallwch anfon y manylion aton ni drwy’r e-bost yn fraud@companieshouse.gov.uk (Byddwn yn anelu at ymateb i’ch neges e-bost o fewn pum diwrnod gwaith.) Y Gwasanaeth Ansolfedd Noder na allwn eich cynorthwyo gydag unrhyw faterion nad ydynt yn ymwneud â ffurflenni sy’n cael eu ffeilio yn Nhŷ’r Cwmnïau. Os yw’ch cwyn yn ymwneud ag ymddygiad cwmni neu ei swyddogion dylech gysylltu â’r Gwasanaeth Ansolfedd. Mae’r Gwasanaeth Ansolfedd yn un o Asiantaethau Gweithredol yr Adran Busnes, Arloesedd a Sgiliau (BIS). Mae gan y tîm Ymchwiliadau i Gwmnïau yn y Gwasanaeth Ansolfedd y pŵer i ymchwilio i gwmnïau cyfyngedig lle bo gwybodaeth a ddaw i law yn awgrymu cam-drin corfforaethol; gall hyn gynnwys camymddygiad difrifol, twyll, sgamiau neu ymddygiad amheus yn y ffordd mae’r cwmni’n gweithredu. I gwyno am gwmni cyfyngedig sy’n dal i fasnachu: Ffôn: 0845 601 3546 E-bost: intelligence.live@insolvency.gsi.gov.uk Cyfeiriad: Rhagor o Gymorth I gael rhagor o gyngor a chymorth ynghylch materion twyll, cysylltwch ag Action Fraud, sef canolfan genedlaethol y Deyrnas Unedig i roi gwybod am dwyll, drwy eu gwefan: www.actionfraud.org.uk I gael cyngor ynghylch Dwyn Manylion Adnabod, efallai y byddwch am edrych ar un o’r gwefannau canlynol sy’n cynnig cyngor a gwybodaeth ymarferol www.cifas.org.uk neu www.identitytheft.org.uk |
