Tÿ'r Cwmnïau - Hafan

Tÿ'r Cwmnïau

 
 


Hygyrchedd

Mae Tŷ’r Cwmnïau wedi ymrwymo i ddarparu gwefan sy’n hygyrch i’r gynulleidfa ehangaf bosibl – ni waeth am allu na thechnoleg bori, a chan gynnwys rhai sydd â nam ar eu golwg/clyw neu anabledd symud neu ddirnad.  

Mae’r wefan hon yn ceisio cydymffurfio â Chanllawiau Hygyrchedd Cynnwys Gwefannau’r World Wide Web Consortium (W3C) 2.0. Hwyrach nad yw ein gwasanaethau ar-lein (Companies House Direct, WebCHeck a WebFiling) yn cwrdd â’r canllawiau dan sylw ar hyn o bryd ond rydym wrthi yn eu datblygu.

Lluniwyd y wefan hon drwy ddefnyddio cod sy’n gyson â safonau’r W3C ar gyfer HTML a Dalennau Sgwd. Dyluniwn y safle gyda defnyddioldeb a hygyrchedd mewn cof.

Os cewch anhawster i gyrchu unrhyw wybodaeth sydd ar y safle, e-bostiwch: ismith@companieshouse.gov.uk

Addasu maint y testun

I gynyddu neu leihau maint y testun, ni raid ond newid gosodiadau’ch porwr:

  • Ar gyfer Microsoft Internet Explorer, ewch i’r ddewislen ‘View’, detholwch ‘Text Size’ ac yna’r opsiwn sy’n gweddu i chi (sylwer mai maint cymedrol yw’r sefyllfa ddiofyn).
  • Ar gyfer Mozilla Firefox, ewch i’r ddewislen ‘View’, detholwch ‘Text Size’ ac yna naill ai ‘Increase’ neu ‘Decrease’ nes i’r testun ddod i’r maint sydd eisiau.

Testun yn Unig

I weld ein safle Testun yn Unig, dilynwch y ddolen gyswllt ‘Text Only’ (bysell gyrchu ‘2’) ar y brig. Sylwer mai ar ein gwefan hybu yn unig y mae hyn yn gweithio ac nid o dan WebCHeck na WebFiling.

Delweddau

Mae’r holl ddelweddau cynnwys a ddefnyddir ar y safle hwn yn cynnwys nodweddion disgrifiadol ALT. Mae’r graffeg addurnol a’r nodweddion graffeg a ddefnyddir ar gyfer gosodiad y wefan yn unig yn cynnwys nodweddion ALT gwag. I guddio’r delweddau, newidiwch osodiadau’ch porwr:

  • Yn Internet Explorer, ewch i Offer/Tools wedyn Dewisiadau Rhyngrwyd/Internet Options wedyn Uwch/Advanced. Sgroliwch i lawr i’r adran Amlgyfrwng a dileu’r opsiwn “Dangos lluniau/Show pictures". (I adfer hyn, ticiwch “Dangos lluniau/Show pictures" eto).
  • Yn Firefox, ewch i Tools wedyn Options, wedyn y tab Content a dilëwch yr opsiwn "load images automatically”. (I adfer hyn, ticiwch “load images automatically" eto).
  • Yn Chrome, ewch i Customise (eicon y sbaner) wedyn Options, a dewiswch y tab Under the Bonnet. Dewiswch Select Content settings o dan Privacy, ac o dan y tab  Images ticiwch "Do not show images". (I adfer hyn, ticiwch "Show all images").
  • Yn Safari, ewch i Customise (eicon y gêr) wedyn Preferences. Dewiswch y tab Appearances a dilëwch y tic wrth yr opsiwn "Display images when the page opens").

PDF

Defnyddiwn ddiwyg PDF ar gyfer llawer o’r ffurflenni ar ein gwefan. Bydd arnoch chi angen darllenydd Adobe (neu ryw syllwr PDF arall) i weld dogfennau PDF. Dadlwythwch fersiwn diweddaraf darllenydd Adobe yma.

Cysylltu â ni

Os bydd gennych chi unrhyw gwestiynau neu sylwadau, cysylltwch â Mr Ian Smith: ismith@companieshouse.gov.uk

Dolenni Cyswllt Defnyddiol

Bydd ar y gwefannau canlynol gyngor a gwybodaeth ddefnyddiol am hygyrchedd gwe.

Brig
Ein polisi ar gwcis