Tÿ'r Cwmnïau

Croeso i Ddesg y Wasg yn Tŷ'r Cwmnïau

Sut gallwn ni helpu?

Mae pedwar aelod o staff yn adran y wasg ac mae ganddynt swyddogaethau cyfunol; Rheolwr Cyfathrebu Mewnol a'r Wasg a gynorthwyir gan Gydlynydd Cyfathrebu Mewnol a'r Cyfryngau, ynghyd â Rheolwr y Fewnrwyd a Rheolwr Graffeg a Chymorth Technegol. Mae holl aelodau'r tîm yn gallu darparu gwasanaeth cyfyngedig o ran y wasg er budd y cyfryngau newyddion, gwasg y fasnach a'r diwydiant adloniant. Er ein bod yn croesawu diddordeb proffesiynol yn Nhŷ'r Cwmnïau, mae'r gwasanaethau y gallwn eu cynnig yn gyfyngedig felly allwn ni ddim ymdrin fel rhan o'r drefn â chwiliadau am wybodaeth ar y gofrestr cwmnïau.. Yn ffodus, dyma rywbeth y caiff unrhyw ymwelydd o'r cyfryngau ei wneud drosto'i hun, a hynny drwy gyrchu'n gwasanaethau ar-lein ardderchog. Mae'r gwasanaethau sylfaenol ar gael yn rhad ac am ddim.

Mae'r rhain yn cynnwys:

Llyfrynnau Canllaw Tŷ'r Cwmnïau

Mae'r rhain yn nodi cyfrifoldebau cyfarwyddwyr ac yn rhoi gwybodaeth a'r amserau allweddol ar gyfer gweinyddu a rheoli cwmnïau (penodi cyfarwyddwyr, cyfrifon, cyfranddeiliaid, etc), ffurfio cwmnïau a'u cofrestru, dirwyn cwmnïau i ben, rhwymedigaeth gyfyngedig a deddfwriaeth berthynol arall.

Ein Gwasanaethau Tŷ'r Cwmnïau

Mae'r rhain yn manteisio ar y cofnodion cyhoeddus helaeth, gan restru'r cyfleusterau chwilio sydd ar gael a chynghori ar sut i'w cyrchu. Ceir gwybodaeth syml, sylfaenol am ddim. Ar ben hynny, mae'r holl wybodaeth safonol sydd ar gael yn gyhoeddus ac y bydd arnoch chi fel cydweithiwr yn y Wasg ei hangen ar gael drwy'n cyfleuster rhagorol 'WebCHeck' (gwasanaeth Saesneg yn unig ar hyn o bryd) neu drwy 'Companies House Direct'. (gwasanaeth Saesneg yn unig ar hyn o bryd) Gwasanaeth tanysgrifio yw hwn ac mae'n costio o £5 y mis. Mae'r gwasanaethau hyn ar gael 24/7.

Byddwch cystal â defnyddio'r gwasanaethau hyn cyn ichi gysylltu'n unionyrchol â ni, gan fod modd derbyn bod yr e-gofnod cyhoeddus yn awdurdodol i'r graddau y mae cwmnïau wedi dweud wrthon ni am eu statws.

Yr unig wybodaeth y gallwn ni ei chyrchu yw'r un wybodaeth ag sydd ar gael i chithau, felly fydd yna fawr ddim byd y gallwn ninnau ei ychwanegu fel Desg y Wasg at yr hyn y gallwch chithau ei weld eisoes o ran yr wybodaeth sy'n cael ei dangos naill ai ar y gofrestr neu yn ein llyfrynnau canllaw.

Er hynny, fe allwn ni helpu neu roi cyngor ar y canlynol:

• Sylwadau ffurfiol am sut rydyn ni'n cymhwyso'r gyfraith ynghylch y gofrestr, canllawiau ac eglurhad ar ganllawiau a chwestiynau am rôl y Cofrestrydd.
• Gwybodaeth ystadegol am y gofrestr.
• Trefnu cyfweliadau ffurfiol gydag uwch-gydweithwyr ar gyfer erthyglau o sylwedd a chyhoeddiadau masnach.
• Gwybodaeth am gyflwyno Deddf Cwmnïau 2006 (ar gael ar y wefan hefyd).
• Cyngor ar ein rolau a'n cyfrifoldebau ni fel asiantaeth weithredol yn yr Adran Busnes, Arloesi a Sgiliau.
• Helpu rhaglenni o ddiddordeb i ddefnyddwyr, etc, os bernir bod hynny'n briodol.

Os oes gennych faterion eraill sydd heb eu crybwyll uchod, fe fyddem yn fodlon eu trafod, a'u datrys lle bo modd neu eich anfon yn y cyfeiriad cywir.

Gall Desg y Wasg Tŷ'r Cwmnïau derbyn cysylltiadau e-bost 24/7 enquiries@companieshouse.gov.uk ond  09:00 i 17:00 dydd Llun i ddydd Gwener, ac eithrio Gwyliau Cyhoeddus yw ein horiau craidd er mwyn staff ymateb. Yn gyffredinol fe allwn fod yn fwy effeithiol wrth ateb eich ymholiadau dros e-bost ac rydym yn eich gwahodd i gysylltu â ni er mwyn cael cofnod clir ar beth yr ydym yn dweud. Os cysylltwch ni y tu allan i oriau craidd, byddwn yn gwneud ein gorau glas i ymateb cyn gynted â phosibl wedyn.

Cewch gysylltu â Desg y Wasg i ddechrau drwy'n Canolfan Gysylltu a fydd yn gofyn am eich manylion a natur sylfaenol eich galwad. Mae'n bosibl y byddan nhw'n gallu helpu heb fod angen eich cyfeirio at Ddeg y Wasg. Ffôn: +44 (0)303 1234 500 (pris galwad genedlaethol), Minicom 029 20381245.