Tÿ'r Cwmnïau

WebFiling yw'r ffordd fwyaf diogel a dibynadwy o ffeilio gwybodaeth ar lein. Yn ogystal ag arbed arian i chi wrth gyflwyno'ch Ffurflen Flynyddol (£13 yn hytrach na £40 ar bapur), gallwch ffeilio gwybodaeth arall yn haws, gan gynnwys  eich cyfrifon blynyddol, newidiadau i’ch cyfeiriad swyddfa gofrestredig a gwybodaeth am swyddogion/aelodau.

Er mwyn defnyddio'n gwasanaeth WebFiling, mae'n rhaid ichi gofrestru cyfrinair a’ch cyfeiriad e-bost ar-lein yn gyntaf. Byddwn yn anfon cod dilysu pellach drwy'r post i swyddfa gofrestredig eich cwmni. Mae'r cod dilysu yn unigryw ac fe'i defnyddir yn lle llofnod. Cyrchu WebFiling nawr neu edrychwch ar yr arddangosiadau fideo i sylwch pa mor syml yw e.

Cyrchu WebFiling
Gwybodaeth ychwanegol ar ein gwasanaeth  WebFiling Tŷ’r Cwmnïau
Arddangosiadau fideo WebFiling (Saesneg)
Sylwch pa mor hawdd yw e i ddefnyddio
WebFiling i gyflwyno dogfennau…

O dan ein gwasanaeth Software Filing, gall dogfennau statudol gael eu cyflwyno'n electronig i Dŷ'r Cwmnïau drwy e-bost. Cadarnheir yn awtomatig fod dogfennau'n cydymffurfio â'r Ddeddf Cwmnïau cyn rhoi hysbysiad derbyn neu wrthod.

Mae'r gwasanaeth ar gael i bawb sy'n cyflwyno dogfennau, ond bydd yn fwyaf llesol i rai sy'n ffeilio dogfennau'n feunyddiol neu'n wythnosol. Po fwyaf o ddogfennau y byddwch yn eu ffeilio gyda Thŷr Cwmnïau, mwyaf priodol y bydd y drefn Software Filing i chi, a mwyaf oll o fudd a ddeillir o'r gwasanaeth, o bosibl, lle mae effeithiolrwydd yn y cwestiwn. I ddefnyddwyr anaml, hwyrach y bydd ein gwasanaeth WebFiling yn fwy addas.

Os hoffech chi gofrestru am y gwasanaeth Software Filing, byddwch cystal â llenwi'r Cais am Gyfrif Credyd ar gyfer Gwasanaethau Ffeilio Ar-lein. (Saesneg yn unig) (PDF 762KB). Wrth dderbyn hwnnw gennych, byddwn yn creu cyfrif, yn neilltuo terfyn credyd ac yn anfon pecyn cychwyn yn cynnwys yr holl wybodaeth fydd eisiau arnoch i fynd ati i ffeilio.

Sylwch: Dim ond yn Saesneg mae'r gwasanaeth Software Filing ar gael

Gwybodaeth ychwanegol ar ein gwasanaeth Software Filing

Os ydych yn anfon dogfennau drwy'r post, drwy negesydd neu drwy drefn Britdoc (DX) a'ch bod yn dymuno cael derbynneb, bydd Tŷ'r Cwmnïau yn darparu cydnabyddiaeth os amgaewch gopi o'ch llythyr eglurhaol gydag amlen stampiedig ac arni eich cyfeiriad dychwelyd. Bydd y côd bar a roddwn ar eich llythyr yn cyfleu'r dyddiad dod i law ac fe ddychwelwn y copi yn yr amlen a ddarparwch.

Cynhaliwn Ganolfannau Gwybodaeth yng Nghaerdydd, Llundain a Chaeredin. Mae'r Canolfannau Gwybodaeth yn darparu cysylltiad â'n cynhyrchion a'n gwasanaethau ar-lein, yn ogystal â gadael ichi ffeilio'ch dogfennau, corffori cwmnïau newydd (yr un diwrnod os bydd angen!) a chael gwybodaeth a chanllawiau cyffredinol ynghylch ein gwasanaethau.

Manylion sut i gyrraedd ein Canolfannau Gwybodaeth
Rhestr Prisiau Gwasanaethau a Chynnyrch llawn

Gall staff ein Canolfan Cysylltu ddelio â'r mwyafrif o ymholiadau cyffredinol ynghylch materion yn ymwneud â Thŷr Cwmnïau a'r gwasanaethau a roddwn. Fel arfer, byddant yn rhoi ichi ateb i'ch ymholiad yn syth, ond os na allant byddant yn eich trosglwyddo i rywun a all wneud.

Gall ein Canolfan Cysylltu hefyd gymryd archebion ar gyfer dogfennau cwmni, a anfonir wedyn drwy'r post, dros beiriant ffacs neu fel e-bost. Gellir talu â siec os archebwch drwy'r post; neu cewch archebu dros y ffôn os ydych yn talu drwy gerdyn credyd neu fod gennych chi gyfrif. Gellir cyflenwi copïau o ddogfennau unigol dros y ffacs neu fel e-bost ar gyfer pobl sy'n talu drwy gerdyn credyd neu sydd â chyfrif.

Gallwch ffonio'n Canolfan Cysylltu ar 0303 1234 500 neu anfon neges e-bost at enquiries@companies-house.gov.uk

Cyrchu Rhestr Brisiau'n Canolfan Cysylltu