Tÿ'r Cwmnïau

Sefyllfa Ddiweddara’r Gwasanaeth Meddalwedd Ffeilio Electronig
Ionawr 2009

Ym Mehefin 2008, bu inni gyflwyno llwybr newydd sy’n caniatáu anfon dogfennau drwy ryngwyneb gwasanaeth XML (WEB). Mae hyn yn caniatáu i becynnau meddalwedd drosglwyddo data’n uniongyrchol i Dŷ’r Cwmnïau drwy’r Porth XML ar ddiwyg wedi’i amgryptio.

Mae Tŷ’r Cwmnïau’n dal i weithredu’r drefn Software Filing ar sail tagiau i gwsmeriaid presennol. Fodd bynnag, rydym yn annog cwsmeriaid i drosi i’r gwasanaeth XML yn gynnar, gan y bydd ffwythianoldeb y gwasanaeth tagiau yn dod i ben ar 1 Hydref 2009.  

Mae’r Porth XML yn cynnig mynediad ar-lein dros y rhyngrwyd i gronfeydd data Tŷ’r Cwmnïau, i gwsmeriaid gyflwyno a hefyd gipio gwybodaeth gwmni drwy gyfrwng eu cymwysiadau neu eu tudalennau gwe eu hun.

Deddf Cwmnïau 2006 

Caiff Deddf Cwmnïau 2006 ei gweithredu’n derfynol ar 1 Hydref 2009. Y pryd hwn, fe gyflwynir amrediad newydd o fathau o ffurflenni ar gyfer digwyddiadau ar neu wedi’r dyddiad gweithredu.

I baratoi ar gyfer hyn, gallwn gyflenwi Drafft 1af Manyleb Rhyngwyneb Technegol XML a Sgemâu Drafft 2006. Rhaid inni nodi yma mai er gwybodaeth yn unig y mae sgemâu Deddf  2006 ac y gallant newid cyn trefnu argaeledd y fersiynau terfynol yn Ebrill  2009.

Bwrw Ymlaen o Drefn XML

Fel yr eglurwyd yn barod, hoffem annog cwsmeriaid i fwrw ymlaen i’r drefn XML yn awr. Bydd hyn yn fuddiol hefyd oherwydd y bydd y sgemâu cyfredol (fersiynau Deddf 1985) yn dal yn berthnasol ar gyfer digwyddiadau cyn 1 Hydref 2009.   

Profi XML

Gellir sefydlu cyfrifon prawf ar gyfer cyflwyniadau’n seiliedig ar y sgemâu presennol neu yn barod ar gyfer profion y dyfodol.  Mae cefnogaeth dechnegol arbenigol ar gael i gwsmeriaid sy’n trosglwyddo i’r drefn newydd a chaiff hon ei chlustnodi yn ystod y cyfnodau profi a gafodd eu trefnu. 

Ysbeidiau Profi

I sicrhau bod y lefel uchaf o gefnogaeth sy’n bosib ar gael i gyflwynwyr, bwriadwn drefnu ysbeidiau profi penodol yn ystod y cyfnod yn union cyn y gweithredu ym mis Hydref.

Bydd y rhain yn para fis bob un yn ystod Ebrill, Mai, Mehefin, Gorffennaf neu Awst. Gwahoddwn gwsmeriaid, felly, i neilltuo’u hysbaid brofi eu hun ymlaen llaw er mwyn sicrhau y caiff eu hanghenion eu diwallu’n llawn  

Gwybodaeth, Dogfennaeth neu Brofi Pellach

Mae Sgemâu Drafft a Manyleb y Rhyngwyneb Technegol ar gael gan Marie Flowers, Rheolwr Cysylltu â Chwsmeriaid - mflowers@companieshouse.gov.uk -  a all hefyd drefnu cyfrif prawf neu neilltuo ysbaid brofi yng nghyswllt sgemâu newydd 2006.